Zoram Today

Bath khuaa Freya Fossaceco chu a nu Kirsty Whelan, kum 26 mi chuan cheiin a thla a laksak țhin a, chu chu naute puala instagram account a siamah a post țhin. A nu hian Freya hi thla 1 leh a chanve vel leka upa a nih laiin instagram-ah account a siamsak a, naute thlalak a post țhin chu mi'n an lawm viau a ni ang, instagram account a neih ațanga thla 6 vel lek chhungin followers 6700 chuang a nei hman. Freya hi thla 8 leka upa a ni a, camera hmaah chuan a nui sáng țhin. Ke-a ding rual la ni lo mah se, Britain naupang duhawm leh chei nalh ber a ni chho mek. A nu Kirsten chuan Freya tan instagram account @forget-me-not-frey-frey tiin a siam a, a fanu cheina thlalak 1000 chuang a post tawh a ni. Freya hi tunah chuan USA leh Australia-a naute thawmhnaw zuartu Bow Boutique leh Bowties & Candyfloss te tan instagram-ah brand representative a ni der tawh! Model naupang tak chu a ni ve hrim hrim! Heng company-te hian naute thawmhnaw tur chu a thlawna rawn thawnin, chung thawmhnawte hman

Board of Control for Cricket in India (BCCI) President Jagmohan Dalmiya chu September ni 17, 2015-a heart attack avanga damdawiina dah luh a nih hnuah, September ni 20, 2015 khan Kolkata, West Bengal-a private hospital pakhatah a boral. Kum 75 mi a ni. Dalmiya hi India rama cricket a din chhuah theih nana tha leh zung, ngaihtuahna sêng hnem ber te zinga mi a ni a, khawvela cricket board hausa ber a nih theih nana BCCI tana thluak thawhtu ber a ni. India chanchinbu lar The Time of India phei chuan 'Father of Modern Indian Cricket' tih hming a vuah nghe nghe. A thih thu a hriat veleh West Bengal Chief Minister Mamata Banerjee chu hospital-ah kal nghalin zahna chibai a buk a. Twitter-ah tweet nghalin, "Sports thuneitute zinga mi ropui chungchuang, Bengal hmangaihtu diktak a ni," a ti. BCCI secretary Anurag Thakur pawhin, "India rama sports thuneitute zinga ropui ber a kal ta. Mimal tak pawhin ka tan chân nasa tak a ni a, Indian cricket pawhin a chân a ni. Dalmiya

IS mi leh sa tam tak, an pawl chhuahsan mek chu a ni tela an pun deuh deuh thu leh, an chhuahsan nachhan pawh chiang takin puanzar a ni. England rama uiversity hmingthang tak pakhat King's College-a mi thiamte chuan IS chhuahsantu mi 58-te observation an neihnaah, IS mi leh sa nih hahthlakzia an sawi a, eng vanga chhuahsan nge an nih pawh chiang takin an sawi bawk. Mi thiamte tarlan danin, IS ațanga tlan chhuak mi 58-te'n an chhuahsan chhan chu, IS hruaitute inkaihhruai dan hi, Muslim sakhua zirtirna nen a inkalh vang a ni. IS hruaitu tam takte chu, eirukna lama thûk taka an inhnamhnawih avanga an chhuahsan thute leh, IS mi leh sa nih chu hausaknaa ngaiin IS-ah an inpe a, mahse an hmun an thlen meuh chuan pheikhawk takngial pawh inruksak duh khawpa rethei an nih avanga chhuahsan leh ta an nih thu London khawpuia King's College mi thiamte chuan an sawi. Mi 58 zinga mi pahnihte chu, IS te'n thihchilh bomb hmang tura an tih niin chu chu ngam lovin an chhuahsan a. Țhenkh

ZORAM TODAY | September 1-14, 2015 -  Lalremruata Chhangte Mizo thalaite’n UPSC leh MPSC  exam hrang hrang hmachhawn tumin theihtawp an chhuah a, tun hnaiah exam tum zirlaite’n coaching class kal an intihhmuh nasa a, thil intihhmuhah chuan a tha lam tak ni pawhin a lang. Kan ramah sawrkar hna nghet leh tha thawh tur a vàn avangin heti lamah pawh hian kan thalaite an kal na ta niin a hmuh theih. Hmanah chuan Mizorama coaching class mumal taka kalna awm hmasa ber pawl chu Study Forum, Chanmari, Aizawl ami hi a ni awm e. Tunah pawh hian pangngai takin a la kal zel a, zirlai chher chhuah pawh an ngah tawh viau a ni. Kum 2009-2011 chhung khan Mizoram Youth Commission (MYC) kaltlangin Lord Krishna Mission (IAS Academy) chu chah chhuah a lo ni tawh a, hemi tum hian sawrkarin cheng nuai 33 lai a sêng nghe nghe a, thalai thahnem takin an chhawr tangkai em em a ni. Sawrkar sum harsatna avangin he academy hi kalpui zel theih a ni ta lo. Chumi hnuah Aizawl-ah mimalin coaching academy

ZORAM TODAY | September 1-14, 2015 -  Hriatpuia Khiangte A bialnu bialpa hlui nen tharum thawha an intihbuai hnuah Smith County Court judge Randall Rogers chuan kum 21-a upa Josten Bundy-a chungthu mak takin a rèlsak a; a bialnu a neih loh chuan hun rei tak tân ina khung a ngai dawn. Texas tlangval zaidam lutuk lo Josten leh a bialnu kum 19-a upa, Elizabeth Jaynes-i kawp thin mipa pakhat chu an intibuai a, Josten hian a hmaiah a hnek nia tarlan a ni. Chumi hnuah he pa hi a zualko ta a, court-ah an chungthu ngaihtuah a ni ta hial. News channel rintlâk tak CNN hnenah Elizabeth-i chuan, judge thutlûkna chu hriatthiam harsa a tih thu a sawi a, “Eng hremna emaw ber, pawisa chawi emaw thil dang emaw a chunga lek a nih chu kan ring hrim hrim. Mahse, hetiang hremna mak lutuk hian min thawng takzet a ni,” a ti a, a pa Kenneth Jaynes pawhin, “Judge chuan tute emaw a inneih luihtir thei ngawt lo!” a ti ve bawk. Judge Randall Roger chuan, ni 30 chhunga a bialnu a neih a ngaih bakah,

ZORAM TODAY | September 1-14, 2015 - Lalmuansanga Hlondo Khawvel a awm chhung chuan a hming a dai tawh lo vang tih hial tura mi hmingthang leh ropui, British Prime Minister  Winstons Churchill hi hre lo kan awm âwm lo ve. Ram khat sipai hruaitu a nihna piah lamah politics avanga a sulhnute hian ‘The Greatest of Britons’ tih hiala an ko pawh hi a phu hle a ni. Ama duhdan leh ngaihdanah ding nghet tlat mi, mi tumruh, khawvelah theih loh a awm lo ti tlat mi hian chanchin mak dangdai tak tak a nei teuh mai. Tun tumah hian ram hruaitu a nihna piah lama a nun hman dan i la hriat ngai loh lam i han thlur bing dawn teh ang.  Meizial heh Winston Churchill-a nuna langsar tak pakhat chu meizial a heh em em mai kha a ni. A  naupan têt atanga zu tawh a nih avangin nghei tumna em em pawh a nei chuang lo. Hna an thawha an chawlh zawk chhung te hian zial 8/9 emaw a zu hman ngei ngei. A kâ a awl hman lo a ni ber  mai. Mahse, mei zu nasa viau e ti lo chuan a khu a pak chhuak ngai lo a, a l

ZORAM TODAY | September 1-14, 2015 - Hriatpuia Khiangte Facebook zirchianna thar berin a tarlan danin, ‘LOL’ tih thumal a chuai mek a, ‘haha’ tih leh smiley chhinchhiahna hrang hrangin a luahlan mek. Zirchiangtute chuan tun hnaia online-a facebook hmangtute ‘nuih dan’ an belhchian hnu-ah ‘haha’ tih chu thu hman tlanglawn ber a ni tih an hmuchhuak a, hemi dawtah hian ‘smileys’ hrang hrang leh ‘hehe’ tih te a awm. Mizote chauh lo pawh kan nuih dana nui an lo awm tam hle ni tur a ni! Thil hlimawm leh nuih tiza thei rawngkaiin a den changin facebook hmangtu zinga 51.4% zet chuan‘haha’ tih thumal an hmang thin a, 33.7% chuan smiley chhinchhiahna hrang hrang an hmang ve thung. 13.1% chuan ‘hehe’ tih an hman laiin ‘lol’ tih hmangtu chu 1.9% an tling pha awrh thung. Mipa leh hmeichhiaa inthliarna (gender) azirin thu hman lar a inang lo niin zirchiangtute chuan an sawi tel bawk. A bikin mipate chu ‘haha’ emaw ‘hehe’ emaw tia an nuih bãwk bãwk laiin, hmeichhia chuan a tlangp

ZORAM TODAY | September 1-14, 2015 - Kimi Colney Alice Catherine Evans hi January 29, 1881 khan Bradford County, Pennsylvannia-ah a lo piang a. A pian ni hian, a nu leh pa, William Howell leh Anne B. Evans te hian an fanu hi mi tam tak nun chhanhim theitu a la ni ang tih an ring pha kher lo vang. Sikul te kai chhovin college a han rah dawn meuh chuan chhungkaw harsatna avangin, kum 1901 a\angin elementary school-ah zirtirtu hna a thawk ta zawk a. Cornell Univeristy an tihah hian zirtirtute’n hma an sawn zawk nan, nature lam inzirtirna class a free-a pek thin a nih thu a hriat veleh Alice Evans chu a va inziak lut vat a, he a class zawm hian nasa takin a nun a khawih danglam ta a. A thlawna nature class a lak chhung hian, remchang a hmuh hmasak berah Agricultural college-ah basic course zir turin a inziak lut a. He class hi a hlawkpui hle a, bacteriology-ah chuan a rawn tui chhoh phah em em a; nasa taka inzirin, Cornell University luh theih nan scholarship hial a hmuh ph

ZORAM TODAY | September 1-14, 2015 - Fela Ngente Kum 1967 a ni a, Thailand rama Yasothon Province-ah chuan loneitu inngaitlawm leh ngilnei tak, taima em em bawk a awm a, a hming chu Yam a ni. An khuaah chuan nula zak thei lo ve tak a awm bawk a, ‘Joei’ tiin an ko thin. Kan hriat awlsam dan tur chuan Yam hi ‘Khiangawia’ kha a ni a, Joei hi ‘Vuani’ tia kan hriat kha a ni! He lemchan hmuhnawm em em hi a thupui chu ‘Yam Yasothon’ a ni a, kum 2005, September ni 8-a an tihchhuah tawh a ni. A hnuah part 2 leh 3 te an siam leh a, tunlaia lar em em hi Yam Yasothon-3 niin kum 2013, August ni 8-a an tihchhuah kha a ni. Yam Yasothon-3 Hei hi Khiangawia film thar ber a ni a, a thawnthu tlangpui chu kan hre nual tawh awm e. Khiangawia leh Vuani te chu an innei chho ta a, an fate pawh an puitling chho tan tawh. An fapa upa zawk Khiangmawia leh Khiangawia bialnu hlui Neihsungi fanu upa zawk Jawr-i te chu an inngaizawng a, Khiangawia fapa naupang zawk Khiangsata leh Neihsungi fanu naupang

ZORAM TODAY | September 1-14,  2015  * Pa pakhat pawh khan phone thar a lei ve a, a phone thar neih kha message ngeiin a thianpa hrilh kha a duh ve sia. A chhu mual mual a, a en leh vung vung thin a. A tih ngaihna a hre ta ngang lo va, “Mama, phone hi kengin zuk tlan la, i pa Hminga zuk chhiartir rawh,” a ti chhut! * “Nang kha, eng nge i tih dawn? Hralh ruk i tum em ni?” “Aih, ka inthiar dawn…” “A lo ni maw, mawngek thiarna seipa!” * Zawngtah a lo ru a, a neitupain a lo hmu, Mizopa sairawkherh bial pawp khawpin a kuai a, a zakah a’n perh pawp mai chu! Mahse, khapa kha pa ti thlip thlep a lo ni hlauh a; a chem ken lai a sât bur tê tê a, a iptepui ah lai a bang fel a, tla mai lo turin a kakpuiah a inkherh tâng leh a. Chumi zawhah a phone ah lai a phawrh a, a chhungte hnenah SMS-in hliam a tawrh thu a han hrilh leh tê tê a. Chuan, a na ti lutuk khan zawngtah kakpui chu a dêpin a’n dêp ngawng ngawng mai a nih kha! * A kareh a zau mai mai, a ha a check-tir a, doctor-in, “

ZORAM TODAY | September 1-14, 2015 -  Hriatpuia Khiangte “A nu leh amah, kum 7-a upa hi an chin hriat tumin kan zawng mek a ni,” tiin police-te chuan an sawi. Dawr pakhat atanga zu a rûk avangin hmeichhe naupang 7 mi chu hmuh tuma an zawn zingah a tel a, a chanchin hrilhtute hnenah Florida police-te chuan $ 3,000 (Rs. 196,417) pêk an tiam. Broward County-a Sheriff Office chuan he thil thleng chiang taka lanna video an tlángzarh a, he hmeichhe naupang hian a nuin a hrilh angin zu a ru chhuak niin an sawi. An nufa hian police-te’n an zawng mek. Hmeichhe naupangin pawi a khawih veleh customer pakhat chuan clerk a hrilh vat a, chu veleh clerk chuan hmeichhe naupang nu a chhuahchhal nghal. Páwna car an dahna lam pana a chhuah hnuah lêt lehin a fanuin engmah a rûk loh thu a hrilh a, an kalbo zui ta a ni. Video-a a lan danin, a tirah naupang hian zu úm lian tak a la phawt a, rit a tih em avangin a aia úm te zawk a la ta a ni. Hmeichhe naupang hi a nu phènah biru zelin, clerk hmuh lo

ZORAM TODAY | September 1-14, 2015 -  Hriatpuia Khiangte Jail bang zût tur a ni a, pumpelh a duh si a, kum 10 chhungin vawi 13 a rai hman! Jail-a luh hun tihkhawtlai tum vanga nau pai nia sawi hi Zeng a ni a, kum 39-a upa a ni. China rama territory pakhat Xinjiang-a khawsa a ni. Eirûkna thubuaiah a inhnamhnawih avangin Zeng hi Urumqi Intermediate People's Court chuan a chungthu a ngaihtuah a, damchhung tâng turin a hrem ta a ni. Nau a pai avanga court-in jail-a a luh hun tur a sawn hlat avangin a zawngchhang a, a hnuah tum 14 lai a rai thu court a hrilh. Mahse, tum khat chu dâwt a sawi tih court-in a nemngheh laiin tum 13 erawh nau a pai tak tak thung! Zeng hi a rai veleh intiamkamna neihtira chhuah thin a ni a; mahse, a nau paite chu hrin a hun hmain a titla thin nia sawi a ni. Chutianga a thil tihdan hai chhuah a nih hnuah court chuan chhuah a phalsak ta lo va, damchhung tâng turin Jail rûn thim a bèl ta nge nge a ni.

ZORAM TODAY | September 1-14, 2015 - KC Lalthansanga Mizo Idol kan thlang zo va, Mizo mipuite chuan zaithiam zingah idol thar kan nei leh ta. Chutih rualin thenkhat chuan Mizo Idol atana thlan tak hi an idol ve kher lo maithei a, a âwm hliah hliah ti pawh an awm ang. Ka idol thlan pahnih hi zirna lam daih a ni a, a âwm  min tihpui leh tihpui lem lo pawh in awm maithei e. Result-ah pawh a ber ni lo ve ve an ni lehnghal. Pakhat chu college lama a result vang a ni a, pakhat chu university lama a result vang a ni thung. An pahnih hian an result a that viau vang ni lovin, harsatna khirhkhan tak tawk chunga result \ha tak an neih theih vanga ngaihsanawma ngai ka ni. Kumina MZU hnuaia Under Graduate degree course hrang hrang result a chhuah khan Kawrthah nula Lalremruati Ngente d/o Rochungnunga Ngente, kum 21 mi chu college a zir chhunga a chanchin tlem azawng ka lo hriat thawi tawh avangin a result ka hriat khan ngaihsanawm ka ti thar hle. Govt. Johnson College-a Mizo core zi

ZORAM TODAY | September 1-14, 2015 Vanlalruatkima Hrahsel (@Mizohican & Sandman) hi Aizawl Chaltlang veng-a Pu V.L. Rema fapa niin pawl 3 a nih atangin Mizoram pawnah lehkha a zir a, St. Thomas Boys School, Calcutta-a a zir hnuah Montfort School, Tamil Nadu lamah a insawn leh a. School a zir zawh hnuah PSG Tech Coimbatore-ah Computer Science Engineering zir lehin, a zawh hnuah CAT coaching class a kal a, CAT exam a pek hnuin IIM-Bangalore-ah a lut leh a ni. IIM-Bangalore 2nd year a zir kumin UPSC coaching class a kal tan a ni. Chumi hnuah a tuina lam advertising-ah a chhungte phalna ngeia thawkin, Webchutney-ah a lut a, tun thleng hian a eizawnna lamah a la kal tluang zel a ni. Amah Vanlalruatkima Hrahsel chu! National Games Developer Conference, Pune, 2014 Kum tam tak India rama Digital Advertising Agency changtlung berte zing ami ‘Webchutney’-a a thawh hnuin a thiante nen mobile games development company an din a, a hmingah ‘FITH Media’ tih an vuah. Mobile gaming

ZORAM TODAY | September 1-14, 2015 - Fela Ngente Sawi tur ber pawh  ka hre lo!” Manchester  United-a training  thei tura a tling chiah chu a lawm bawk a ni ang, a nghilh dup a ni ber. Ni, eng football club fan pawh ni la, khawvela club lian ber zinga mi Manchester United stadium ‘Old Trafford’-a thut luh ve ringawt pawh inchhuanna tham a tling. Hetah hian kumina kum 15 tling tur Zahawma chuan kar khat chhung training a nei. A tirah chuan Subedar Lalpianthara leh Pi Baby Lalrintluangi te fa naupang zawk Vanlalzahawma hi December ni 29, 2000 khan Kolasib Hospital-ah a piang a. Chutih lai chuan Thingdawl Hmarveng-a an thenawm khawvengte chuan kumpinu lalrama football la pêt tur a ni tih an hre lawk bik kher lo vang!  Delhi lamah A pa hnathawhna (Assam Regiment) avangin Mizoram an chhuahsan a tul a, kum 2004 February thlaah an chhungkuain West Bengal lamah an insuan lailawk a. Kum thum an awm hnuin Delhi-ah an insawn leh a, tun thleng hian an la awm. Mizoram pawnah

ZORAM TODAY | September 1-14, 2015 Tun hnaiah Mizoram-ah ruihhlo a hluar thar a, CYMA hnuaia Supply Reduction Service (SRS)-in kumin April thla atanga thla nga chhunga ruihhlo an man tawh zawng zawng hi tualchhung rate-ah cheng maktaduai 38.713 man hu a ni. April ni 6, 2015 khan CYMA hnuaia Central Executive Committee (CEC)-in SRS din thar leh a pawm hnuah, April ni 11 zing atangin SRS chuan ruihhlo do beihpui an thlak tan nghal a, August ni 20 thleng khan heroine (No. 4 kan tih) hawng 75, can 476, chhinsen 54 an man tawh a; alprazolam hi strip 474, ganja kg 5 vel leh methamphetamine mum 108800 an man tawh a, heng an man zawng zawng hi tualchhung rate-ah cheng 3,87,13,000 man hu a ni. SRS 1st Batch hian kumin April thla atanga July thla thleng a awh a, 2nd Batch hi August thla atangin a intan thung. August thla chhung ringawt pawh hian heroine hawng 20, can 134, chhinsen 18, alprazolam strip 38, ganja pocket 43 an man tawh a, chu chu tualchhung rate-ah Rs. 16,31,650 man

Tata Trusts leh Andhra Pradesh sawrkar chuan thingtlang khaw 264 smart village-a siamna tur Memorandum of Understanding (MoU) an ziak. An inrem dan chuan, Vijayawada constituency chhunga khaw 264 tihchangkanna tur a ni a, hemi bial chhung Lok Sabha Member of Parliament (MP) Kesineni Srinivas leh Tata Trust-te’n ruahmanna an kalpui ang. Hei hi Tata Trust-in constituency khat khaw awm zawng zawng smart village-a siam an tumna hmasa ber a ni. Tata Trust hian he ram bial chhunga khaw awm zawng zawngah zirna lam te, tui in tur, hriselna leh eitur tha, thalaite intodelhna tur te, mau thar chhuah leh sangha thar chhuah kawngah tihhmasawn a tum dawn ani.  He hmalakna hian a huam chhunga in nuai 2,50,000 a tuam chhuak dawn a, hemi tur hian Tata Trust hian khaw tinah zir chianna a nei tawh bawk.

ZORAM TODAY | September 1-14, 2015 August ni 21, 2015 khan Puducherry Chief Minister N. Rangasamy chuan State Students’ Day hmannaah Free Laptop Scheme a tlangzarh. He scheme hmang hian academic session hnih kal ta, kum 2013-2014 leh kum 2014-2015 chhunga sawrkar sikul atanga HSSLC pass zawng zawng hnenah laptop a thlawna sem a ni ang. Hemi tur hian laptop 11,100 zet sem ral a ngai dawn a, cheng vaibelchhe 20 sen ral a ngai dawn a ni. Chief Minister-in he scheme a tlangzarh rual hian, Plus Two Examination-a an sikula titha ber zirlai mi 180 hnenah laptop a hlan nghal a, National Talent Search Examination-a titha zirlai 10 hnenah cheng 5000 theuh a hlan bawk a ni. Plus-two board examination-a khawpuia awm sawrkar school 100% result neite leh, thingtlang lama sawrkar school 90% result neite hnenah lawmman sem a ni bawk.

ZORAM TODAY | September 1-14, 2015 Gujarat state sawrkar chuan a vawi khatna atan plastic hman a khap. He thu hi Gujarat hmeichhe Chief Minister hmasa ber Anandiben Patel chuan Mahisagar district-a Independence Day hmannaah a puang a ni. He thutlukna hi environment humhalh nan te, mipuite hrisel zawk nan leh faina lama hmasawn zawk beisei vanga an siam a ni. Municipal body hrang hrangah chuan plastic bag, micron 40 aia pan zawk an lo khap tawh a ni. He thu a puan rual hian Chief Minister hian, khaw lian zual 159 leh khawpui 8-ah in 100%-ah êkin neihtir tum a nih thu leh, thingtlangah pawh êkin nuai 8 sak tum a nih thu a sawi bawk.

ZORAM TODAY | September 1-14, 2015 India ram state-te zinga a hmasa ber ni turin Kerala sawrkar chuan an state chu ‘Digital State’-ah a puang. He thu hi Thiruvananthapuram-a Independence Day hmannaah Chief Minister Oommen Chandy chuan a puang a ni. ‘Digital State’ ni turin 100% mobile connection, digital banking, 75% e-literacy, thingtlang kilkhawr thlenga broadband connection neihtir te, bank account leh Aadhar card thlunzawm te, district zawng zawnga e-district kalpui te tum a ni.

ZORAM TODAY | September 1-14, 2015 Munghal rorel laia sak Taj Mahal chuan official twitter accout a nei ta a, khawvela thil hlui historical monument puala twitter account awm hmasa ber a ni. Taj Mahal official account hi @TajMahal niin Uttar Pradest Chief Minister Akhilesh Yadav chuan Independence Day khan Lucknow-ah a tlangzarh. Taj Mahal hi Shah Jahan sak niin Mughal in sak dan hmanga sak a ni a, chief architect chu Ustad Ahmad Lahauri a ni. Kum 1983 khan UNESCO chuan World Heritage Site-ah a puang. Kum tinin tlawhtu mihring maktaduai 3 vel an awm ziah a, India’s tourism industry tihausatu pakhat a ni.

ZORAM TODAY | September 1-14, 2015 Agriculture Ministry chuan August ni 17 khan, kum 2014-2015 chhunga India rama thlai thar chhuah chu 4.66%-a a tlakhniam tur thu an sawi. An chhut lawk danin, kum 204-2015 chhung hian ton mtd 252.68 thar chhuak turah an ngai. Kum 2013-14 khan India ramah thlai chi hrang hrang ton mtd 265.04 thar chhuah a ni a, tuna thar chhuah tura an chhut aiin ton mtd 12.36  aiin a tam zawk a ni.  Kum hmasa lama buhfai thar chhuah hi ton mtd 106.65 a nih laiin kumina thar chhuah chu ton mtd 104.80 a ni; wheat thar chhuah pawh ton mtd 95.85 a\angin ton mtd 88.94-ah a tlahniam bawk. Chutih laiin fu thar chhuah hi ton mtd 352.21 atangin ton mtd 359.33-ah a pung thung. Hetianga buh thar chhuah tlem chhan hi February-March, 2015 chhunga ruahsur leh rial tlâk nasat vang te, ruahsur dan mumal loh vang te nia rin a ni.

ZORAM TODAY | September 1-14, 2015 Odisha state cabinet chuan an ram chhunga sangha tam zawk thar chhuah theihna tur ‘Fisheries Policy, 2015’ a pawm. He policy hmang hian 2019-20 ah chuan sangha ton nuai 7.15 thar chhuah an tum a, tunah hian ton nuai 4.13 an thar chhuak mek a ni. Tuikhuah sangha an thar chhuah ton nuai 2.63 atang hian kum nga chhungin ton nuai 5.30 thar chhuah an tum a, lui sangha pawh hectare khat zelah ton 3.5 thar chhuah an tum bawk. Tunah hian hectare khatah ton2.13 zel thar ang an ni. Fisheries Policy thar hian mi 60,000 tan hna a siamsak thei dawn bawk. India hi China tih lohvah chuan khawvela sangha thar chhuak tam ber a ni a, khawvela sangha thar chhuah 5.43% zet chu India rama thar chhuah a ni. India GDP a\anga 1% leh agriculture GDP atanga 4.75% zet chu sangha thar chhuah vang a ni a, India ramah Andhra Pradesh-in sangha a thar chhuak hnem ber a ni.

ZORAM TODAY | September 1-14, 2015 August ni 13, 2015-a Tamil Nadu state ni serh ‘Organ Donation Day’ an hmannaah Health Minister C. Vijaya Bhaskar chuan, Tamil Nadu chu India ram state zinga midangte tana taksa pêng donate hnem ber a nih thu a sawi. Tamil Nadu state-ah hian tun thleng hian mi 683-te chuan a mamawhtu 3000 chuang hnenah an taksa pêng an lo donate tawh a ni. Tamil Nadu-a taksa pêng donate a\ang hian taksa peng hi a mamawhte tan thlak \hin a ni a, chung zingah kal (kidney) thlak a tam ber a, kal 1233 ngawt thlak a ni tawh. Mit (eye) 1032 thlak tawh niin thin (liver) 636 thlak a ni tawh a, hei bakah hian heart valves 618, lung (heart) 144, chuap 69, vun 22 leh a dang dang pawh thlak a lo ni tawh bawk. Hetianga taksa peng donate hi kum 2008 atang chauhva din, Transplant Authority of Tamil Nadu (TATN) te’n an buaipui a ni.

ZORAM TODAY | September 1-14, 2015 Tunlai Zoram khawvelah chuan Health Minister Lal Thanzara ban thu hian titi a titam hle a, ‘Office of Profit’ chungchang pawhin khel a hlawh nasa viau. Eng nge a nih chiah, eng chen nge a huam, tih te chu sawi a tam avangin mipui tan pawh a nihna tak hriat fiah a harsa hle a, inhnialna a tichhuak tam hle bawk. College pakhata Assistant Professor rintlak tak pakhat chuan, “Office of Profit tia India Constitution Article 102(1)(a) leh Article191(1)(a)-a inziak hi Constitution emaw, Representation of the People Act 1951 te hian a hrilhfiahna hranpa a siam lo va, Court emaw, hemi lama thuneitu  Election Commission emaw, President of India-in a hrilhfiah dan azira hman a ni thin,” tiin a sawi a, Office of Profit tehna atana an hman chu “kha pawl atanga hlawh leh ham\hatna a hmuh theih azir leh, a pawl kalphung leh hnathawh dan atang” niin a sawi bawk. Hmun thenkhatah chuan, miin pawl atanga a hamthatna  dawn hi a hming mai (compensatory allowan