Zoram Today

ZORAM TODAY: Mizoram Governor thar atana ruat Pu Kummanam Rajasekharan chu nimin, May ni 29, 2018 (Thawhlehni) chawhma dar 11:30 khan Raj Bhavan Durbar Hall-ah rinawmna thu tiamtira lakluh a ni. Governor lakluhna inkhawmah hian Chief Secretary Pu Arvind Ray chuan President Pu Ram Nath Kovind-a’n, Pu Kummanam Rajasekharan, Mizoram Governor atana a ruatna lehkha Warrant of Appointment a chhiar chhuah hnuin Gauhati High Court Chief Justice Pu Ajit Singh chuan rinawmna thu tiamtirin Pu Kummanam Rajesekharan chu Mizoram Governor atan lakluh a ni.   Governor thar lakluhna inkhawmah hian Chief Minister Pu Lal Thanhawla, Assembly Speaker Pu Hiphei, Minister, Deputy Speaker leh MLA te, Chief Minister hlui Pu Zoramthanga bakah sawrkar mi pawimawh thahnem tak an tel.   Pu Kummanam Rajasekharan hi Mizoram Governor ni turin nimin chawhma dar 10:30-ah Thuampui Helipad a lo thleng a. Chief Minister Pu Lal Thanhawla bakah Chief Secretary, DGP, Secretary to Governor, Aizawl DC leh sawrk

ZORAM TODAY: Nimin May ni 29, 2018 (Thawhlehni) khan Zotuitlang, Lunglei District-ah mi 78-in ZPM an zawm thar a, ZPM zawm tharte lawmna hun hi Pu F. Rodingliana, ZPM Treasurer-in a hmanpui a ni.  Pu F. Rodingliana chuan thu sawiin, "Kohhranhote tawngtaina leh Pathian mite tawngtaina avangin kan ram hi a la chhe vek lo va. ZPM-in beiseina thar kan siam mek a ni," a ti a. Pu Marova chuan, kan ram siamṭha tur hian mimal theihna emaw, party mal emaw aiin Pathian a pawimawh thu a sawi a, Pathian Lal ram din tur hian mahni aia midang dah hmasak a ngaih thu te, Lal Isua zirtirna ngaih pawimawh a ṭul thu te a sawi bawk a ni. ZPM thuchhuahin a tarlan danin, ZPM zawm thartu zingah Congress VC pawh a tel.

ZORAM TODAY: Nimin May ni 29, 2018 (Thawhlehni) chawhma dar 11:00 khan NGO COORDINATION COMMITTEE, Mizoram chuan kum 2018 MLA Election-a Bru raltlante vote thlak dan tur chungchangah Election Commission of India (ECI) hotupa O.P. Rawat, Chief Election Commissioner (CEC) chu an hmu a; CEC rual hian Sunil Arora, Election Commissioner leh official member 4 an tel a; NGO Coordination Committee-te hi Chairman Pu Vanlalruata, CYMA President hovin, Dr. Thanpuii, MHIP Finance Secretary, Pu L. Ramdinliana Renthlei, MZP  President leh Pu RB. Lalmalsawma, MSU President te an ni. NGO Coordination Committee-te hian Chief Election Commissioner (CEC) hnenah hian memorandum an thehlut a, ECI hotute nen hian minute 20 bawr vel meeting an nei. He meeting-ah hian Mizoram NGO te chuan Tuikuk chungchang an buaipui rei tawh thu te, hei bak chu Election Commission lam dawr tura an kal tawh dawn loh thu te, state pawna vote an thlak leh dawn a nih chuan nasa taka an dodal tur thu te,

Hei hi NGO Coordination Committee-te'n May ni 29, 2018-a Chief Election Commissioner hnena Memorandum an thehluh a ni e.   The Chief Election Commissioner, Election Commission of India, Nirvachan Sadhan, New Delhi. Subject : Memorandum requesting the Election Commission of India to honour its commitment to conduct the forthcoming elections to the Mizoram State Legislative Assembly for Bru voters living in Tripura within the State of Mizoram. Sir, We, the Joint Non Governmental Organisation (NGO’s) Mizoram comprising of Central Young Mizo Association (CYMA), Mizo Elder’s Association (MUP), Mizo Womens Association (MHIP), Mizo Student Association (MZP) and Mizo Student Union (MSU) representing all sections of the Mizo society, would like to request the Election Commission of India the following facts into consideration while taking decisions about the issues of revision of Electoral Rolls in respect of Bru voters who continued to live in transit camps in Tripura. 1. The

ZORAM TODAY: MNF General Headquarters Vice President Pu R. Tlanghmingthanga chuan May ni 28-29, 2018 khan Lengteng bial khaw thenkhat tlawhin, Saichal leh Chiahpui khuaah Political Training a hmanpui a, May ni 29, 2018-a Saichal Community Hall-a hun an hmannaah, " Mi tu pawh - mimal emaw, a huho a ni emaw Political Party hi din theih a ni a, chutih rualin Hnam (Nation) erawh chu duh duhin rawta din ve mai theih a ni lo. He hnam min dintuin min din chhan leh ni se min tih ang nihtir tura Pathian leh kan Ram tan titu awmchhun, he hnam hming chhala koh MIZO NATIONAL FRONT hi chu kan ram leh hnam din chhuahna tur a ni," a ti. Pu Tlanga chuan, "MNF hi Mizo (Zohnahthlak)-te tana din a nih angin chu Zohnahthlakte'na kan chenna, kan ram humhim tur leh enkawl tura Pathianin min dinsak a ni. He ram, he hnam din chhuah nan hian a chhunga chengte hian hnam thinlung kan put a ngai a, hnam thinlung hi chhiatpui tham, ralpui tham a tling a ni. MNF hi a din tirh ata

ZORAM TODAY: Nimin May 28, 2018 (Thawhlehni) khan an hmunpui (Main training Centre), Chaltlang-ah Muaythai Association of Mizoram (MAM) chuan Senior National Muaythai Championship-a feh chhuak lo hawte pualin hun an hmang a, pangparthi nen lo lawmin an pualin thingpui ruai an kilho.   He hun hi Samuel Lalrozama Hmar, Vice President, MAM chuan kaihruaiin President Brian Lalnunhlima, General Secretary H. Lalmuanpuia bakah Mizoram team coach V. Lalmuankima leh Manager Andrew Lalnunmawia te'n thusawina hun hmangin report an pe a, Sr.Vice President C. Lalenga chuan fuihna leh lawmpuina thu a sawi bawk. MAM President Brian Lalnunhlima chuan, "Kan theihna sang ber leh beiseina nen Pathian rawn chungin kan feh chhuak a, malsawmna kan dawn hi kan beisei phak bak a ni. Vawiin hian Mizoram Muaythai chuan bung thar a kai a, he hun hi kan hre reng tawh ang" a ti. General Secretary H. Lalmuanpuia pawhin thu sawiin, "Federation hnuaiah India-a players nei tha ber chu

ZORAM TODAY: United Nations Environment Programme (UNEP) chuan Kerala-a Cochin International Airport Ltd (CIAL) chu khawvela nizung chakna (solar energy) hmanga chawm airport hmasa ber a nihna chu a pawmpui. Inrinni, May ni 27,  2018 (Inrinni) khan UNEP Executive Director Erik Solheim chu he airport hi a tlawh a, “Khawvel hmun hrang hranga kala CIAL hlawhtlinna tlangaupui ka chak takzet. Kerala-a an airport-in hetiang a tih theih chuan, eng vangin nge khawvel hmun dangah an tih theih loh bik ang?" tiin hlim takin media hmaah a sawi nghe nghe. CIAL hi India rama PPP (public-private-partnership) model hmanga airport bun hmasak ber niin kum 1999 khan bun a lo ni tawh a. Airport hlawhtling leh rak tak niin passenger hi kum tin maktaduai 5 zet an awm thin a; India rama airport passenger traffic rak ber 7-na a ni bawk. He airport hian airport bulah solar power plant 15 MW zet mai a nei a, acres 45 zeta zauvah solar panel 46,150 zet a awm. He solar power plant hian nitin elec

Aizawl May 29th, 2018 Thawhlehni 12:08 A.M ZORAM TODAY : Nimin May ni 28 chawhnu khan Chief Secretary Conference Hall, New Secretariat complex Aizawlah Chief Secretary Pu Arvind Ray leh department pawimawh hotute an țhukhawma, Governor thar tur Pu Kummanam Rajasekharan lo hmuah dan tur leh swearing In ceremony kalpui dan turte an rel. Governor designate Pu Kummanam Rajasekharan hi vawiin May ni 29, 2018 hian Țhuampui Helipad ah Indian Air Force helicopter in chawhma dar 9 velah a lo țum hman beisei a ni a, swearing In ceremony hi  chawhma dar 11 ah Durbar Hall, Raj Bhavan ah, Gauhati High Court Chief Justice kaihhruaina hnuaiah kalpui tum a ni. Nimin țhutkhawmnaah hian Chief Secretary Arvind Ray, Pu Lalnunmawia Chuaungo IAS Principal Secretary Finance, DGP Balaji Srivastava leh sawrkar hotute an tel a, Țhuampui Helipad a Governor thar tur lo hmuah dan tur leh Durbar Hall a swearing In ceremony kalpui dan turte rel anih bakah rawlkhawlhna avanga program her danglam thut angaih

ZORAM TODAY: Vawiin May ni 28, 2018 (Thawhtanni) khan Mizo Hnam Run chhung inkhawm neih a ni a, MNF President Pu Zoramthanga'n thu sawiin, "Hnam thinlunga kan harh theih lohna chu Mizoramah hnam thinlung dodaltu Congress a la lian lutuk a, tun thlengin an la sorkar bawk si a; hnam thinlung dodaltu hi a chhiat phawt a ngai a, India ram pumah an zawmpui an tlachhe chho ta zel a, Mizoramah pawh Congress sorkar a tlachhe ve mek a. Mizoram mipui kan tho chhuak dawn ta. Tunah chuan hnam thinlungah kan harh tawh dawn a ni," a ti.   Pu Zoramthanga chuan, "Tuna Mizoram dinhmun chu a chhe hle a, Mizoram kawng zawng zawngte pawh ICU-a awm ang a ni a, thingtlang khaw chengker pawh ni lo Champhai khawpuiah meuh pawh thla 5 hnuah pawh Gas an hmu chhunzawm thei lo. Nationalism tihchhiat tumtu Congress sorkar hnuaiah hian kan rum a, kan tap a ni. Pathianin, 'Amor ho sualna a kin hma loh chuan' a lo tih angin thil thleng tura a remruat 'factors' chi hrang hrang

ZORAM TODAY: Vawiin May Ni 28, 2018 khan ZPM Tangrual Pawl chhung inkhawm neihnaah Pu Vanlalhlana, MPC Vice President chuan state hrang hrang Chief Minister dinhmun sawiin, "Naveen Panaik, Manik Sarkar, Pawan Chamling, Nitish Kumar leh Narendra Modi te hian an state hmasawnna theihtawp an chhuah a, Super Chief Minister tiin an sawi thin. Chutih laiin Madu Koda, Shibu Soren, M. Karunadhi, J. Jayalalitha leh Laloo Parsad Yadav te erawh hmingchhe takin hun an hmang a ni. ZPM CM candidate hian CM hmingtha, Super CM tia kan sawi ho ang hi neih kan tum a ni," a ti.       Pu Hlana chuan, ei leh bar a intodelh a tul thu sawiin, “Kut hnathawktute kan khai chhuak dawn a. Tunah chuan Mizoramin buhfai a mamawh thla thum daih pawh kan la thar chhuak thei lo va, tui leh êng (power) kan mamawhna a sang tawlh tawlh te hi en liam mai mai a har tawh hle a. Pu Hawla leh Pu Zorama hian ram hmasawnna atan hna an thawk duh tak tak lo va. An hun remchang neih pawh an hmang tangkai

ZORAM TODAY: Vawiin, May ni 28, 2018 (Thawhtanni) khan BJP Mizoram Pradesh chuan BJP Office, Upper Republic-ah party inkhawmna hun neiin, he huna thusawitu BJP State President Prof. JV Hluna chuan, "BJP hi sakhaw pawl ni lovin political party mai a ni tih Zoram mipuite hian hria se, political party-a kan zawn ber chu hmasawnna, development a ni, sakhuana a ni lo," a ti. Prof. JV Hluna chuan, "Kristianna leh BJP inrem lo anga ngaitu NGO hrang hrangte hian BJP kalphung hi zir chiang sela, kan sakhua nen a inkalhna a awm reng reng lo va, Pu Modi scheme rethei chhanchhuahna hi Zofate tan chanchintha a ni zawk," a ti bawk. "Bharatiya tih chu Indian (India mi) tihna a ni a, Janata tih chu Mipui (People) tihna mai a ni a; chuvangin a Mizo tawng phei chuan India Mipui Party tihna mai a ni a, BJP tiha lam tawi hian Mizo mipuite min lo bum nasa hle a ni. Chuvangin BJP din a nih chhan diktak chu Nehru Family-te'na India ram an enkawl ringawt hi duh lovi

Aizawl May 28th, 2018 Thawhțanni ZORAM TODAY:   Vawiin   khan  Chief  Minister   Pu Lal Thanhawla   hovin Mizoram  Legislative Assembly  Speaker,  Cabinet Minister, Deputy  Speaker  leh  sawrkar  hotu țhenkhatte chuan Mizoram Governor Lt. Gen. Nirbhay Sharma PVSM, UYSM, AVSM, VSM (Retd.) chu Raj Bhavan-ah thlahna hun an hmang. Lt. Gen. Nirbhay Sharma chuan Mizorama awm chu nuamin thlakhlehawm viau mah se a  chhuahsan a  hun tak  thu a  sawi  a, "Kum thum liamta chhunga ka hun hman dan ah   ka lungawi a,  thil tamtak ka zir hman ani" a ti. Governor chuan  Mizoramin hma a sawn  theih nan a   theihtawp  a  chhuah țhin  thu a sawi bawk.   "Engtik niah emaw chuan Mizoram chu ral ven buk  satliah  ni lovin,  Asia chhimchhak khawmualpui leh a piah lam thlenga India kawtchhuah a nih ngei ka beisei," a ti bawk. Vawiin  chawhma  vek   khan Mizoram Ex-Service League-te chuan Mizoram Governor thlahna an nei a, ngaihhruina thilpekte an hlan nghal a ni. Chief Ministe

(Pu Bawlliana, Mission Veng hi Pastor hmasate zinga mi Pastor Bankuaia leh Pi Khuangkungi te fapa a ni a, District Council hun lai pawha Development Officer pawh lo ni tawh, Supply Department atanga Deputy Director-a pension, mi dik rum rut, corruption haw tak, sorkar hna a thawh lai pawha a rinawmzia tlang hriat, a pension hnuah pawh state sorkar hmasa ber Chief Minister Pu Laldenga'n sorkar hnathawk inthlahdah leh corrupt-te check tura Officer on Special Duty (OSD) atana a sawm chhuah ngat, Pu Denga sorkar tawp hnuah pawh Pu Lal Thanhawla pawhin a la sawm zui zel, kan ram tana mi hlu tak a ni. Kum 1949-1950 khan CYMA Asst. Secretary a ni a, kum 1951-1952 khan General Secretary a ni bawk. Chutiang mi chu May ni 25, 2018 (12:15 am) khan a chenna in, Mission Vengah kan chan ta a, a thih ni chawhnu dar 1:00-ah vui a ni. He thuziak kan rawn dah hi, The Aizawl Post chanchinbu, May ni 27 & 28 (Pathianni & Thawhtanni) chhuak, 2018; Vol. XVI No. 121-a an tihchhuah a ni a; do

ZORAM TODAY: India President Ram Nath Kovind chuan India Danpui Article 153 angin May ni 25, 2018 (Zirtawpni) khan Mizoram Governor thar tur leh Odisha Governor tur a ruat a; Mizoram Governor thar tur hi Kummanam Rajasekharan niin May ni 28, 2018-a a term tawp tur Lt. Gen. (Retd) Nirbhay Sharma a thlak ang a; Odisha Governor thar tur Prof. Ganeshi Lal chuan March thlaa a term tawp Naga pa S.C. Jamir post ruak, Bihar Governor ni lai Satya Pal Malik -in a hmui tel tak hna a thawk zui dawn a ni.   Kummanam Rajasekharan & Prof. Ganeshi Lal Kummanam Rajasekharan hi Kerala state Bharatiya Janata Party (BJP) President ni lai (2015-2018) a ni a. A political career hi Rashtriya Swayamsevak Sangh (RSS) leh Sangh Parivar activist angin Kerala-ah kum 1970 atangin bul a tan a. Kerala-ah chuan Vishva Hindu Parishad (VHP), Balasadanams, Kshetra Samrakshana Samithi leh Ekal Vidyalayas tana mi tangkai tak a ni. Politics a luh chilh hmain journalist a ni a, Deepika newspaper-

ZORAM TODAY: Vawiin, May ni 27, 2018 (Pathianni) hian Zoram pumah accident hrang hrang a tam hle a, chungte chu a hlawmin han dah ta mai ila. 8:20 AM : Nupa thi Pu C. Zorelliana, kum 52 chu Serchhip damdawiinah a boral a, vui tura buatsaih mek a nih laiin a nupui Pi Lalrinliani, kum 65 mi chu chawhnu lam dar 1 vel khan a boral ve leh. Pu Zorelliana hi nimin khan damdawiinah admit a ni a, a nupui awmpuiin nizan lam khan a awm nuam lo tan ve chauh a ni. An pahnih hian vawiin tlai dar 5-ah a ruala vui an ni (Accident a ni chiah lo na a, thil thleng khat tak a nih avangin kan han dah tel a ni). 2:00 PM : Current man Aizawl Tlangnuam Block vengah, Lalhmangaiha s/o Zarzova, kum 20 mi chu electric-in a man a, Aizawl Civil Hospital ICU-ah enkawl mek a ni. Lalhmangaiha hi an thiannu birthday lawmnaah an thianhovin ei an siam a, chawhnu an inkhawm hman tak lohvah chuan Tlangnuam Block Venga SIPMIU tuizem chungah thla la turin an chho va. Tuizem chung atanga hnai taka electric h

Aizawl May 27th , Pathianni ZORAM TODAY:   Kum  2017  Synod Inkhawpuiin "Kum  2018  MLA election puala ram pum huapa țawngțai rual neih leh kan rama zu leh ruihhlo hluar lutuk a lo reh theih nana ram pumhuap țawngțai rual neih"  a rel tawh angin zanin May ni 27, 2018  Pathianni  zan  hian   hemi  puala țawngțai  rualna  Mizoram  Presbyterian kohhran  zawng zawng te'n  an hmang dawn. Heti hian țawngțai thupui an siam : Zu leh ruihhlo chungchangah- 1. Kohhran duhloh kan rama zu zawrh a tawp theih nan. 2. Zu leh ruihhlo ti țhinte thlarau chhanchhuahna changa an sim theih nan. 3. Zu leh ruihhlo dova YMA hmalakna a hlawhtlin zel theih nan. 4. Zu leh ruihhlo ngaite enkawlna home hrang hranga thawktu zawng zawngte tan. 5. Zu leh ruihhlo zuar țhin te'n Pathian duhloh zawng sual nasa tak ani tih leh ram leh hnam pawi sawina rapthlak tan ani tih hriaa an sim theih nan. 2018 MLA election lo awm tur chungchangah- 1. Inthlanna fel, thianghlim leh dik tak kalp

ZORAM TODAY: Tun kar ningani, May ni 24, 2018 khan Goa beach-ah nula pakhat chu a bialpa hmuh laiin sual a ni. He thil thlenna hmun hi Sernabhatim beach-ah niin Panaji atanga km 50 vela hlaah a ni. Police-te chuan South Goa-a thil thleng hi an finfiah tawh thu leh investigation an kalpui mek thu an sawi a, tun thleng hian thil tisualtute hi man an la awm lo. Senior Police Office pakhat sawi danin, "Inngaizawngte hi an thawmhnawte an pawhsak a, an thla te laksakin pawisa an dil zui a ni," a ti a, chumi hnuah an sual zui nghal mai niin a sawi. Hmeichhia zawkin a sawi danin, a bialpa hmuh lai ngeia sualtute hi mi 20 vel an nih thu a sawi. South Goa Superintendent of Police (SP) Arvind Gawas chuan, "Nula hi medical exam an neih tawh thu leh result an nghah mek thu a sawi a ni. Report-a a lan danin, kum 2016 chhung khan Goa-ah hian pawngsual case hi 62 a awm a, 2017-ah hetiang case register hi 70  ngawt a awm bawk. Kum 2016 chhung khan, Delhi tih lohvah Goa hi I

ZORAM TODAY:    Vawiin  May ni 26 khan Mizoram Institute of Medical Education and Research (MIMER) a MBBS course  fee bithliah tu Committee - 'Committee for Fee Fixation' chu an Chairman High Court Chief Justice (Rtd.) Justice T. Vaiphei hovin Aijal Club ah an thukhawm a. He Committee hi Medical Council of India in a phut anga din niin May ni 21 khan Mizoram Sawrkarin a dinna order hi an chhuah ani. Justice T. Vaiphei leh MIMER Director Jane Ralte te telna committee hian țhenawm state medical college leh ramchhung hmun dang medical college te fee structure bakah state țhenkhata NRI te fee structure zirchianna a neih chu Committee hmaah pharh niin, hei hi member ten chipchiar takin an sawiho, tih sorkar thuchhuah ah tarlan ani. Committee chuan "MIMER hmasawn zelna tur leh Mizoram dinhmun ngaihtuah chungin vawiina țhutkhawmna hian MIMER MBBS course fee chu an bithliah fel ta ani" an ti. Sorkar thuchhuah ah hian  fee zat tur leh  chawi ngai

ZORAM TODAY: Aizawl South-II MNF Block Secretary (i/c E/Roll) Pu Lalhunliana chuan, May ni 26, 2018-a Vanglaini chanchinbua lo lang, ZPM zawmtu Pu Malsawmzuala, Mission Veng chu Mission Veng MNF Unit President a nih loh thu a sawi. Pu Malsawmzuala Pu Lalhunliana'n a tarlan danin, Aizawl South-II MNF Block huam chhungah hian Mission Veng North leh South Unit hrang ve vea awmin Mission Veng South Unit President ni lai mek chu Pu C. Lalnunmawia a ni a, Mission Veng North Unit President ni lai chu Tv. P.C. Lalnuntluanga a nih thu sawiin, MNF Unit President tang lai ZPM zawm an awm loh thu a sawi a ni. MNF General Headquarters leh Aizawl South-II Block MNF hnuaiah hian Mission Veng MNF Unit hi din a ni lo va, ZPM-in Mission Veng MNF Unit President ni lai lawm lut anga an insawi hi mipui bum tumna leh MNF mipuite tihchiai tumna a nih thu Pu Lalhunliana hian a tarlang. ZORAM TODAY -in kan lo tarlan tawh angin , tun kar Zirtawpni, May ni 25, 2018 khan ZPM thuchhuah chuan

ZORAM TODAY:  Arunachal Pradesh-a Bugun hnamte chuan World Biodiversity Day, May ni 22, 2018 khan ' 'India Biodiversity Award' lawmman an dawng. He lawmman hi an chenna ngawpuia khawvel hmun danga hmuh tur awm lo, sava chi khat Bugun Liocichla an hu halh that vang nia sawi a ni. Bugun tribal hnamte hi Arunachal Pradesh-a West Kameng district-a cheng an ni a. Kar tinin mipa naupang 10 hi forest reserve area square km 17 zeta zauvah duty-in an chhuak thin a ni. Chung mite chu Tamil Nadu Police-a Special Task Force -te chuan training pein, an tualchhung thalaite chu chung ramngaw humhalh turin an inpe a, sawrkar leh mipui tangkawpin forest humhalhna an kalpui hi hmun dangah hriat tur a la tam lo hle niin kan thu lakna chuan a tarlang.   Arunachal Pradesh-a ramngaw tam zawk hi chu hnam tenau hrang hrangte chenna hmun niin state sawrkar pawhin a humhalh tlat a ni a. Nikum, 2017 January thla khan Singchung khuaa Bugun mipuite leh Forest Department tangkawp chuan,

ZORAM TODAY Aizawl:  May ni  24 khan Dr.C.Vanlalramsanga, UD&PA Secretary chuan DUDO,UD&PA Dept Lunglei ah hna thawktute review meeting a  neihpui. Andrew Lalhruaia kaihhruai meeting ah hian DUDO,UD&PA Dept hnuai a mipui rawngbawlna mission hrang hrang -Housing for All(HFA), National Urban Livelihood Mission(NULM), Swachh Bharat Mission(Urban), Survekshan leh NEDP hnuai a hmalaknate an thlir ho a ni. Review meeting ah hian Secretary Sang Mama chuan "Khawpui enkawltu leh mipui mimir ngheng tlat Dept kan nih avang hian kan hna chanpual țheuh ah thathlah a thiang lova. Thawktu tlemte nichung a, a țha lam hawizawng a mite'n min hriat theih nachhan hi kan zavai a thawh na leh  inpekna rah a ni a. K an Deptt motto: Touching Lives of the People tih hi i hrethar in, i vawng nung reng ang u" a ti. UD&PA Dept hnuaia hna hrang hrang leh Scheme/Mission te sawihona neih nghal niin Lunglei khawpui tan bawlhhlawh phur motor pek vat anih tur thute, Riangvai thl

ZORAM TODAY: Vawiin May ni 25, 2018 (Zirtawpni) khan LPS Vision Executive Director Pu Lalsawmliana Pachuau chuan Aizawl press Club-ah Mizo film thar 'Laltheri' a tlangzarh. Laltheri saruakin khawlaiah a mu Tlangzarh inkhawm kaihruaitu Mizoram Film Development Society President Pu VL Pianruala chuan Mizo film tha leh awmze nei a duh apiang te tana entheih tura tlangzarh a ni tur chu lawmawm a tih thu a sawi a. Film tlangzarhtu Pu Lalsawmliana Pachuau chuan film siamah Mizote kan la pachhiat thu a sawi a, India ram state dangte lakah chuan kan hnufual hle a; ram changkang zawkte tih ang ti ve tur chuan kawng thui tak a la awm thu sawiin, "Film siam lam tuipuitute'n theihtawp chhuaha mahni insengsova an beihna zarah vawiinah chuan Mizo film-in awmzia a nei chhove tan mek tawh a. Mizoram sorkara Information and Public Relation Department chuan mawhphurna lain film tihchangtlun nan hma a lak mek hi a lawmawm hle a ni," a ti.   Tlangzarh inkhawmah hian