Zoram Today

Political Party leh pawl hrang hrang inzawmkhawm Zoram Peoples' Movement (ZPM) MLA neih chhun, Aizawl North II bialtu Lalthanliana (MPC) chuan tun dinhmunah a tan MLA nihna kawng a tawp tih a sawi a. 2018 MLA election ah MNF party in sawrkarna an siam a ring tih Zoram Today a hrilh. ZORAM TODAY: Zanin khan kan palai zawhna chhangin Aizawl North II bialtu MLA Lalthanliana chuan an pawl (ZPM) aṭanga MLA candidate a chan nawn tawhloh tur thusawiin, " Tunah hian ka dinhmun chu he ti hi ani ta mai a, candidate ka chang dawn lo a, candidate tur ang hi chuan khawiah mah kawng a kaw tawhlo ani," a ti a. " Ka lo tling lovin hotute mit ka tlung lo ani ang e, ka ti mai a, a chhan leh vang hi keichuan ka hrethiam chiah lova, thu leh hla rawn kal hian min rawn deng dawt ani mai, " a ti bawk. Sawi chhunzawm zelin , " Politics khel turin rilru leh ngaihtuahna zawng zawng ka lo pe ve a, han bansan hi ka la tum rihlo ani, " a ti a. MNF party in an party a lut

Tun hnai khan MPCC General Secretary Lalrinliana Sailo, MLA chuan an party tana thu lawmawm lemloh ni a ngaih theih vawi hnihthum lai a sawi hnuah Mizoram Pradesh Congress Committee(MPCC) a Disciplinary Action Committee chuan Lalrinliana Sailo hrem leh hremloh chungchang thuah engmah ngaihtuahna an la senloh thu an sawi. ZORAM TODAY:     Vawiin Pathianni a Zoram Today palai zawhna chhangin MPCC DAC Chairman C.Lalpianthanga  chuan, " In sawifiah turin kan la ti lo , ngaihtuahna kan la senglo hrim hrim a, ṭhutkhawm pawh kan la nei lo, tunah phei chuan thingtlang lamah ka awm daih," tiin a sawi.  Kar liamta zirtawpni September ni 21, 2018 khan Congress Sawrkara Cabinet Minister hlui leh Tuichang bialtu MLA nimek Lalrinliana Sailo chuan Congress MLA candidate tan Tuichang bialah tlin a har dawn tawh thu a sawi a.  Thuthar thehdarhtu thenkhatte'n amah an kawmna ah Tuichang bialtu MLA chuan, " Pu Tawna (MNF Sr.Vice President) hi vote 3000/4000 velin a chak tawh ma

Vawiin Zirtawpni September ni 21, 2018 hian Congress Sawrkara Cabinet Minister hlui leh Tuichang bialtu MLA nilai Lalrinliana Sailo chuan Congress MLA candidate tan Tuichang bialah tlin a har dawn thu a sawi. ZORAM TODAY:  Vawiin khan thuthar thehdarhtu thenkhatte'n amah an kawmna ah Tuichang bialtu MLA chuan Congress tan Tuichang bial chu tlin nan bial harsatak anih tur thu sawiin " Pu Tawna (MNF Sr.Vice President) hi vote 3000/4000 velin a chak tawh mai lo maw aw ka ti," tiin an tan bial hautak anih tur thu a sawi a. Rina Sailo chuan " Khawzawl mipuite'n district tihpuitlin an duhna a nasa a, tin kan sawrkarin zu kan zawrh avangin kan tla hniam bawih bawih a, kan party tan chak a harsa tawh dawn ani," a ti a. Sawrkarin zu an zawrh chu kohhranah an tlaknatloh phah thusawiin pawi a tih thu a sawi lang bawk.  Congress Party General Secretary leh Aizawl District Congress Committee a President pawh lo nitawh Lalrinliana Sailo hian September ni 19 khan ch

Vawiin Zirtawpni September 21, 2018 hian Congress Party chuan Lal Thanhawla Auditorium-ah Political Session hun hmangin  Lal Thanhawla, Chief Minister leh MPCC President ni bawk chuan thu a sawi a. MPCC Vice President a ruat thar C.L. Ruala, MP (LS) , MPCC Disciplinary Action Committee Chairman C.Lalpianthanga te'n an party member kalkhawmte hmaah thusawina an nei. ZORAM TODAY:  Chief Minister Lal Thanhawla chuan Congress Party hi chunglamin Sorkar leh turin min buatsaih mek a, tunlai kan boruakah party dangte hi phur hle turah ka ngai a, kan party hi kan phur hle zawk a ni tiin, " Khawvel kalphungah chuan Congress Bhavan te pawh boruak dai ruih a, thawl taka kan awm ka ring a, nimahsela, kan party in harhtharna kan chan phah a, Sorkar leh tura buatsaih ngei chu kan lo ni." a ti bawk. Party dangin an party a lut tura an sawm ṭhin thu sawiin Hawla chuan, " BJP te an rawn lengin min sawm a, kei chu Congress ka ni a, Congress-in ka thi dawn ka ti a, min sawm nawn t

Vawiin september 17 hian Cabinet Minister aṭanga bang ta, Congress Vice President Pu R. Lalzirliana chu Congress party chuan an party aṭangin an hnawtchhuak ta. ZORAM TODAY:  MPCC Disciplinary Action Committee chuan vawiin thawhṭanni hian Pu R.Lalzirliana chungchang hi an ngaihtuah thu sawiin. September 11, 2018 a Show Cause Notice an pek chu chhan tlak a a ngaih loh avang te, Home  Minister atanga a ban hnu pawha media hmaa party inlungrualna, in kaihhruaina, inpumkhatna leh thawhhona ti chhe thei zawng a thu i vawrhdarh zel avangin MPCC Constitution Article X tlawhchhanin Congress party member i nihna chu vawiin aṭangin tiamchin awm lova hawhchhuah i ni tih ka hriattir a che, tiin an hnawhchhuah thu hi hrilh ani. Lehkha ah hian MPCC Disciplinary Action Committee a Chairman C. Lalpianthanga chuan a hming a ziak ani.

 Aizawl Football Club neitu, Mizo sumdawng hlawhtling NECS neitu nibawk Robert Romawia Royte leh midang ṭhahnemtak chu MNF President Pu Zoramthanga'n Mizo Hnam Run chhung inkhawmah MNF ah a lawmlut. Hun hman mek ani. Thlalak ṭhenkhat hmuh tur rawn dah ani e. Vawiin programme kimchang chu remchangah tarlan kan tum ang. Vawiin inlawmluh programme an hman na ah hian mipui an tam hle a. Motor kaldan pawh traffic police ten ti danglamin Aizawl chhim lam pan tur te chauh he kawngah hian an tlan tir rih.

Mizoram Pradesh Congress Committee (MPCC) hruaitu pawimawhte chu nimin Pathianni khan Chief Minister Lal Thanhawla chenna In ah thu pawimawhtak ngaihtuahin an ṭhukhawm a, zan dar 10 an thleng niin tualchhung chanchinbu The Aizawl Post  chuan a tarlang a, MPCC Vice President R.Lalzirliana chungchang an ngaihtuah niin tarlan ani. ZORAM TODAY:  Tarlan tawh angin Home Minister R.Lalzirliana hian zirtawpni september ni 14 khan Cabinet Minister aṭanga ban na a lo thehlut tawh a. Chutihrualin an party aṭangin a bang tel lo tih a sawi ani. MLA inthlan a hnai tawh hle a, thla hnih khat chauhin inthlan a dang tawh niin alang a. Hetih lai hian opposition party te an ṭangin theihtawp an chhuah a, MLA candidate turte an siamfel chho ṭan mek a. Opposition party lian ber MNF chuan 2018 MLA inthlana an party candidate turte ngaihtuahin Nomination Committee pawh vawi tamtak ṭhu tawhin an ṭhu tawp dawn hnai tawh niin thudawn ani a, bial 40 ah bial 38 a ding turte an ti chiang thawkhat tawh nia hr

Inrinni September ni 15 khan Darzo a an party hruaitute hmaah MNF Vice President Dr.R.Lalthangliana chuan thusawiin Mipui kutthlak, mipuite'n kan aiawha kan thlan lal, Village Council Member-te lawmman tak ngial pawh Congress sorkar hian pe thei lovin a bat sak reng ani a ti. ZORAM TODAY:  Dr. Thangtea chuan, "V/C-te lawmman hi thla thum dana pek thin an ni a. Entirnan : January to March lawmman chu April thla tirah pek thin a ni. April to June pawh July thla tirah pek daih tawh tur anih laiin; Congress sorkar hian vawiin thlengin a la bat sak a. Hei hi mipui thlan lalte ngaih pawimawh lohna leh zahlohna lian tak a ni. V/C-te lawman tur hi NLUP-ah an lo hmang daih nge tih chu ka zawhna a ni a, pe thuai turin Pu Hawla sorkar hi kan phut a ni," a ti. " MNF kan sorkar hunah VC-te lawmman bei tham tak hi kan tipung ang a, an thuneihna pawh nasa takin kan tisang dawn" a ti bawk. MNF Vice President chuan, "MNF chuan Leader tha kan nei a, kan vannei hle.

R.Lalzirliana, Home Minister in Chief  Minister Lal Thanhawla hnena Cabinet Minister aṭanga ban na lehkha a thehluh chu CM Hawla chuan a pawm tur thu a sawi. (Pic : DD News) ZORAM TODAY: Chief Minister Lal Thanhawla hi programme pawimawh hmanga Lunglei lam a aawm lai ani a, Lungleia   DDK palai i n a kawmna  vawiin september ni 15,2018 a tarlan ah Chief Minister Lal Thanhawla chuan R.Lalzirliana, Home Minister in a nihna aṭanga ban na a thehluh chu a pawm leh pawmloh tur zawhna chhangin " Pawm e a, patlingin a ka bang e, a tih chuan ka pawmloh kha eng nge sawtna awm? " tiin a chhang. Tarlan tawh angin Home Minister R. Lalzirliana hian nimin zirtawpnia an party chhung inkhawm neih zawhah Cabinet Minister aṭanga ban na thehlut turin Chief Minister's Office(CMO)   a pan nghal a, Chief Minister hi a lo awmloh avangin a aiawhin ban na lehkha hi CM Personal Secretary in a lo dawng ani. CM Hawla hian Home Minister R.Lalzirliana ban na lehkha hi a la hmuh loh thu Lungle

Vawiin Inrinni September ni 15, 2018 hian Mizoram Govt.Lumpsum Grant- in - Aid Higher Secondary School pakua a zirlaite chuan Adhoc aided a an school hlankai phutna kalzel ah Chanmari kawn aṭangin Vanapa Hall kawt thleng kawng an zawh. ZORAM TODAY:   Kawngzawh na a tel zirlaite hi - Farkawn HSS, E. Lungdar HSS, NE. Khawdungsei HSS, Phullen HSS, Sakawrdai HSS, West Phaileng HSS, Zobawk HSS, Thingsulthliah HSS leh Zawlnuam HSS te niin hemi hun hmang hian an aiawh zirlaite ṭheuh Aizawl ah lamkal tirin Mizoram sawrkar laka an thilphut lantir hian thingtlang zirlai 300 chuangin kawng hi an zawh ani. Kawngzawh huaihawttu Joint Students' Union te hi Tuichangral Zirlai Pawl (TCZP), Tuipuiral Zirlai Pawl (TZP), Sinlung Hills Students' Union leh an mahni khawchhuak Aizawla awmte'n an thlawp bawk. Tarlan tawh angin Lumpsum Grant- in - Aid HSS te hian July thla khan Adhoc aided a hlankai phutin zirna kar khat chhung an lo chawlhsan tawh a, august thla khan kawng block te pawh

Naktuk Inrinni September 15, 2018 chawhma dar 10:00 hian Lumpsum Grant-in-Aid Higher Secondary School zirlaite chuan Adhoc Aided School a hlankai an phutna kal zelah Chanmari kawn aṭanga Vanapa Hall kawt thleng kawngzawh an tum. Thingtlang zirlaite Aizawlah an inkulh mek. ZORAM TODAY:   Vawiina Aizawl Press Club a chanchinbu mite an kawmna ah Joint Students' Union hruaitute chuan Mizoram Govt. Lumpsum Aided Higher Secondary School pakua - Phullen HSS, Thingsulthliah HSS, Tuisualral HSS, Zobawk HSS, Farkawn HSS, N.E Khawdungsei HSS, E.Lungdar HSS, W.Phaileng HSS leh Zawlnuam HSS hi kum-14 chuang theuh khawtlangin an lo enkawl tawh tih sawiin, " Heng school te hi kum-2006 hmaa din vek anni a, kum-2008 khan Lumpsum Aided-a hlankai niin Lumpsum Fund hi school pakhatin kum khat chhung atan cheng 150000/- ṭheuh pek kan ni," an ti. " Zirtirtute hlawh pangngai tak pek a lo ngai ve a, khawtlangin thlatin cheng nuaih dawn ngaihtuah a ngai a, hei hi ni za inhlawhna aṭang

Vawiin khan Mizoram Pradesh Congress Committee ( MPCC) Vice President nilai leh Mizoram Sawrkara Home Minister ni bawk R.Lalzirliana chuan anihna Cabinet Minister aṭanga banna Chief Minister Lal Thanhawla hnenah a thehlut. ZORAM TODAY:  Congress Disciplinary Action Committee chuan tunhnai khan chhan  hrang avanga insawifiah turin an Vice President R.Lalzirliana hi an ti a. A insawifiah loh chuan a chunga action lak anih tur thu an sawi bawk. R.Lalzirliana hian vawiin Congress Party political session, Bhavan a neihah thu a sawi ngei a, he hun ah hian chanchinthar thehdarh tute tel a remloh avangin a thusawi hriat chian maitheih ani lo. Home Minister leh Ṭawi bialtu nibawk chuan a ban chhanah Saitual district headquarters chu Congress Sawrkarin an function tir theihloh vangah a puh a, " Hetiang boruak hnuaiah chuan nihna pawimawh tak chelh chunga he sawrkara ṭhut ve reng hi tih chi niin ka hre ta lo," a ti. MPCC Vice President chuan a bial mipuite'n hunrei tak aṭ

ZORAM TODAY:   February 13, 2018 a mi pahnihin an zawh laia Tuirini lei chim, a chhan leh vang chhuitu Aizawl Deputy Commissioner kaihhruaina hnuaia Magisterial Inquiry din chuan may 23, 2018 khan an chhuina report DC A. Muthumma chuan Mizoram Sorkara a thehluh hnuah thla li dawn a liam tawh chunga vawiin thlenga lei chim chhan Mizoram Sorkarin mipuite hriata a la puangzar ngamlo hi MNF Ṭhalaite chuan mak kan ti a, he thilah hian puanzar ngam loh thil in thup a lan vang nge, a thil sual tilo tawrh tir tumna a awm zawk, tih kan zawt ani, an ti a. September ni 30, 2018 ral hma ngei a puang chhuak turin PWD Minister Lal Thanzara kan phut, an ti. MNF Ṭhalaite chuan December 2, 2015 khan Sihhmui leh Lengpui inkara Tlawng lei chu a chim nawn a, a chhui turin khatih laia Aizawl DC Franklin Laltinkhuma ruat niin a kaihhruaina hnuaiah Magisterial Inquiry din ani a, thla hnih chhung lekin February 6, 2016 khan lei chim chhan an chhuina report thehlutin mipui hriat turin an puangzar hman an

“Pu Thena hi a boral hnu ah parthi awrhtir leh kan tum” - Lalduhoma ZORAM TODAY:  ZPM Chief Ministerial Candidate Lalduhoma chuan Pu Thena hi a boral hnu ah hian parthi awrhtir leh kan tum a ni, a ti. Vawiin september ni 13, ningani hian Serchhip district ZPM Steering Committee buatsaih Workers Meet cum Political Training Serchhip Venglai YMA Hall-a neih a hmanpuina ah he thu hi a sawi a. “Pu Thena hi a boral hnu hian thusawi tir zel a, parthi awrhtir hi kan tum tlat a ni” a ti a. Kan hma lawka MLA inthlanpui kan hma chhawn mekah Serchhip Assembly Constituency-a din a tum thu leh a din chhan sawiin, Bible chang, “Khandaih te, thal te, fei te kengin i lo thawk a; kei zawng Engkim Lalpa, Israel-te Pathian, i cho hmingin ka lo thawk a ni” tih chu a innghahna a nih thu a sawi a. Serchhip-a ZPM CM candidate ding tur hian serchhip district ZPM block leh Unit hrang hrangte’n ZPM thuneitu sangah ziakin an thlen a, hnial an nih chung pawha ding ngei tura duhna a len em vangin a ding d

ZORAM TODAY: Election Commission Of India duhdan anga September 7, 2018 a  Mamit District Bawrhsap, District Election Office tual a tanga fehchhuak, Mobile Van te chuan kumin MLA inthlan lo awm tur atana EVM leh VVPAT hman dan kawhhmuhtu turin Polling Station hrang hrang a tlawhkual mek. Mobile Van-ah hian EVM leh VVPAT dah niin EVM Resource Person te chuan mipui/Voters te EVM/VVPAT hrilhfiahin Vote an thlaktir chhin a ni. Mamit District huamchhunga Assembly Constituency pathuma Polling Station zawng zawng a tlawhchhuak tura fehchhuak te hian Motor kawngin a pawh theih chin a theih ang ang an tlawh kual mek a, tun dinhmuna Resource Person te biakpawh theih chinah 1. Hachhek huam chhunga Polling Station 8 ah mipui 852 te'n EVM leh VVPAT hmangin vote an thlak chhin tawh a, 3-Mamit huam chhung Polling Station 2 - a mipui 665 te'n vote an thlak chhin tawh bawk. 2. Dampa Constituency huam chhunga Polling Station te hi inbiakpawhna lam harsatna a vangin an dinhmun hriat the

ZORAM TODAY:  Mizo pa lar, India ram club football in elna sang ber I-league a Aizawl FC an champion theihna tura thawk hlawk ber leh Mizo sumdawng hausa Robert Romawia Royte chuan vawiin september ni 12 hian a awmna Chhinga veng MNF unit -1 ah membership fee pe in a inziak lut ta a, karleh thawhṭan september ni 17, Mizo Hnam Rùn chhung inkhawmah MNF President Pu Zoramthanga'n a lawmlut ang. Robert Romawia Royte hi North East Consultancy Services( NECS) ah chief managing director niin Aizawl Football Club ah President ani mek bawk. Kum 2014 Lok - Sabha inthlan khan Independent candidate niin Congress party lo zawng party dangin an thlawp a, a khingpui MP( Lok Sabha) ni mek Congress party candidate CL Ruala a hnehlo ani. Tunah hian Aizawl East II Constituency ( Dawrpui, Saron, Armed Veng, Chite , Chhinga Veng ) hi a vil mek. Ani rual hian Bhavan lama Congress party hruaitu ṭhenkhat leh a awmna biala Congress unit hruaitu mi ṭhahnem takin MNF party hi an zawm ve dawn niin th