Zoram Today

February ni 15, 2016 zana Los Angeles, California-a Grammy Award semnaa Selena Gomez leh Taylor Swift te thian dun thlalak chuan instagram-ah like a hlawh hle a, mi maktaduai hnih chuang zetin an like. Taylor Swift album '1989' chuan album of the year lawmman a dawng nghe nghe. Instagram chuan hemi zana Grammy thlalak upload like hnem zual pangate a tarlang a, Taylor Swift thlalak upload bakah Justin Bieber thlalak pahnihte pawh a tel. Hemi zana instagram hashtag hman tam ber chu #justinbieber, #selenagomez leh #love tih a ni thung. Thlalak like tam pangate chu: 1. Taylor Swift leh Selena Gomez-in red carpet an lut chiah thlalak hi Taylor Swift hian a post a, he thu ziah lai (4:00PM, 17/2/2016) hian like 23,24,720 awm tawhin comment pawh 40,862 zet a awm tawh a ni. Taylor Swift hian instagram-ah follower mi maktaduai 66.5 zet nei tawhin thlalak 845 a upload tawh a, Selena Gomez hian follower maktaduai 65.4 neiin post 1120 zet a nei tawh bawk, 2. Justin Bieber thlalak p

University of British Colombia-a mithiamte chuan, boruak tha lo avangin kum tin mi maktaduai chuang teh meuh mai an boral ziah niin an sawi. Boruak hi power sawngbawlna te, lirthei lo pung chho zel leh factory leh industry lo pung chhote'n a tibawlhhlawh nasa tawh hle niin an sawi bawk. New Delhi boruak Boruak tha lo hîp luh avanga kum tina thi hi khawvel pumah mi maktaduai 5 vel an ni a, chung zingah chuan China leh India-a cheng an tam hle. "Boruak tha lo hi a danglam bikna pakhat chu, tuman an tlanbosan thei lo va, tumahin an biruksan thei hek lo," tiin University of British Columbia professor Michael Brauer, hemi chungchang zirbingtu chuan a sawi a ni. Tunah hian kawlphetha sawngbawlna hmun, lirthei leh industry hmunpuite hian boruak a tihbawlhhlawh nasat tawh avangin mihring a suat nasa tawh hle. China-ah chuan, lungalhthei sawngbawlna atanga boruak tha lo hi an buaipui ber a ni tawh a, kum 2013 khan he thil avanga thi hi mi 3,66,000 zet an tling niin Beijing

6.2.2016: Zaithiam lar tak ni țhin Liandailova Chhangte, kum 57 mi chu tukin dar 4:30 khan a room bul varanda ațangin a chesual a, rang takin Aizawl Civil Hospital panpui ni mah se, chhan hman a ni ta lo. Amah hi cancer treatment la mek lai niin Chaltlang Dawrkawn-a khawsa a ni a, vawiin chawhnu dar 1-ah Rev. Lalbiaknia'n a vui ang. Liandailova Chhangte hi Pu Vanlalvena leh Pi Lalțhuami te fa niin October ni 22, 1958 khan Serkhan-ah a piang a, unau 6 an ni. Kum 1976-a Aizawl College-a an kal laiin zai leh rimawi lamah a inhmang nasa hle a, kum 1977-a College Singing Competition neihah Mizo leh English hlaah pakhatna a lo ni ve ve tawh nghe nghe. College a kal lai, kum 1976 khan khatih laia musical group lar tak The Messengers Band chu a zawm ve a, Joseph Zokunga, Hnema (Hrangchhuana Pharmacy), Ngurbiakthanga h/o Vanlalruati leh Laltlanchhungi Pachuau te nen an lo zaiho tawh țhin. Hemi kum vek hian musical drama Down To Earth tih chu mipui hmuhah thiam takin an chang a, kum 1977