Zoram Today

ZORAM TODAY|26th June,2020: Aizawl DC chuan hetiang hian hriattirna a tichhuak: District Disaster Management Authority, Aizawl District, June ni 19, 2020 a thukhawm chuan in hmun laih vanga lei min awm leh thin laka kan him theih nan in hmun lai tur reng rengin anmahni Local/Village Council hriatpuinain hma an la thin tur a ni, tih a ni.

ZORAM TODAY| 18th April Aizawl: April ni 13 khan TATA Memorial Hospital-a inenkawl mek Mizo damlo chu COVID-19 a vei tih hmuhchhuah a nih tak avangin Brihanmumbai Municipal Corporation hmalaknain health lama thawktuten a vei hmuhchhuah tak awmna Mizoram House dormitory-a awmte leh Cancer vei midangte nasopharyngeal swab sample 20 test turin an la a. Sample test result hi vawiin April ni 18 ah hian hriat a ni ta a, vanduaithlak takin mi pathumin an vei tih hmuhchhuah a ni ta a. Heng positive hmuhchhuah tharte hi mipa pahnih leh hmeichhe pakhat niin cancer vei pahnih leh an mahni awmpuitu pakhat a ni. Sorkar thuchhuahin a tarlan danin chanchin hriat a nih veleh Mizoram Sawrkar Health Minister Dr. R.Lalthangliana chuan vawiin khan Maharastra Sawrkar Health Minister Rajesh Ankushrao Tope chu phone-a be nghalin heng damlo hmuhchhuah thar pathumte hi a rang thei ang bera buaipui turin a ngen a, he ngenna hi ngaipawimawhin COVID-19 enkawlna damdawi in Seven Hills Hospital-ah dah nghal an ni a

ZORAM TODAY | 17 th  April, Aizawl:   Mizoram Board of School Education ( MBSE ) hnuaia HSSLC, 2019 exam neih mek, zawh fel hmaa Covid-19  hri lengin a tihbuai hnua exam kallai tihtawp lailawk, hmabak la neite tana tunthla April 22-24 chhunga exam chhunzawm tura MBSE in ruahmanna a siam tawh chu zanin a MBSE emergency meeting chuan a thulh(cancel) leh a ni. Zanin khan Central Sorkar hotute'n 'India rampum huapa he Covid-19 hri laka in venna kal mek avang hian exam neih rihloh zawk a tha ang e, ti a Mizoram Sorkar an ngen angin thulh leh a ni. Exam neih leh hun tur hi la sawi theih a ni lo.

ZORAM TODAY|Aizawl 17th April, 2020: Vawiin khan COVID-19 Task group on Commodities chu an Chairman Pu HL.Rochungnunga, Commissioner of FCS&CA hovin a office chamber ah an thukhawm a. Hri hlauhawm a len mek lai leh inkharkhip, lock down chhunga zoram mipuite ei leh bar buhfai leh thil dang te, nitin mamawh gas leh motor oil te an neih zel theihna tura hmalak dan te an thlir ho a ni. Task group chuan mipui mamawh oil leh thil dang ram pawn atanga Vairengte thlenga an rawn phurh luh dan tur leh load dang la leh tura motor leh driver te in banlet dan tur an duang fel a, essential commodities driver te tan a COVID-19 avanga damlohna leh chhiatna tawk palh thei te tan a insurance awm thei te sawi hoin thu nei tu te hnenah thlen nise an ti a ni.

ZORAM TODAY| AIZAWL March 22 : Khawvel puma hri leng mek Novel Coronavirus (COVID-19) avangin Mizoram sawrkar pawhin state chhunga mipuite an himna turin theihtawp tak meuh a chhuah mek a. Sawrkar hmalakna te hi mipuite hriattura tih a nih rualin sawrkar thupuangtu Department of Information & Public Relations in a tichhuak em tih chian thin tur a ni a. Sawrkar thuchhuah te hi mipui hmuh turin Website:   www.dipr.mizoram.gov.in , Facebook Page : Department of Information and Public Relations, Govt. of Mizoram, Instagram : dipr_mizoram leh Twitter:  @dipr_mizoram ah te dahchhuah thin a ni, tiin sorkar thuchhuah chuan a tarlang. Sawrkar committee hrang hrang, thil pawimawh relin  an thu chho char char a, department-te kaltlangin a tul anga hmalak nghal zel a ni bawk a ni. Heng committee thuchhuak bakah sawrkar notification/order tihchhuahte hi committee member emaw committee minute ziaktu emaw dealing official te tichhuah(disseminate/publish) tur a ni lo va; Sawrkar kalphung a

ZORAM TODAY| AIZAWL, 17th March: Tunhnaia England a zin , West Bengal a rawn haw pakhat chu test anih hnuah COVID-19 a vei tih hmuhchuah a nih thu Health department official te'n thawhlehni khan an puang. PTI tarlan danin COVID-19 hri vei hi Beleghat ID Hospital, Kolkotta ah khung hran a nih thu an tarlang. Ti hian India rama COVID-19 hri kai tawh zawng zawng hi 142 an tling tawh niin tarlan a ni. Mumbai ah chuan vantlang hmuna chil chhak te chu Rs.1000/- chawi tir zel tur an nih thu Sorkar chuan thuchhuah a siam.