Zoram Today

ZORAM TODAY | March 1-14, 2016 * Naupang pakhat pawh kha bus-ah a chuang a, bus driver bulah a thu a, “Ka nu chu chumi chu ni se, ka pa chu chumi chu ni se, chumi chu ka ni ang mawle,” a ti reng a, bus driver ning lutuk chuan, “A nih i nu chu nawhchizuar ni ta se, i pa chu zungawlvei ni ta se, eng nge i nih ang?” a tia, naupang chuan nui vur vur chungin, “Bus driver!” tiin a lo chhang a. * Pa pakhat paw’n forest rama mi thing a sat a, forest duty chuan, “Engati nge reserved thing i sah mai ni?” a tia, chupa chuan, “E le, hnahkhar emaw ka ti mai asin,” te a ti vel maw le. Hre lo ve khawp mai. * Pa pakhat khan a fapa kha a rawn um chhuak a, an thenawmte chuan, “Engati nge?” an lo tia, “Khapa khan ka thingzai min leitir alawm le,” a ti khur khur! * A dam lai khan a lerh ve awm mai mai. A’n thi chiah chu a kuang kilin nula eng emaw zat an lo thu a, an vui dawn hnaihah chuan a bialnu a rawn thleng, a bialpa nu bulah chuan kuang bula thute chu tute nge tih a zawt a, a nu chuan...

ZORAM TODAY | March 1-14, 2016 - C. Lalawmpuia Vanchiau SUNSET SAFARI by Samson Thanruma A Man: Rs 300/- Phek: 325 + Chhuah Kum:  2015    Genre: nature/environmental Tun hma chuan silai nen ramsa kan veh thin. Ram a thang a, tunah chuan camera nen sa kan pel ve ta thung. Rajasthan-a Keoladeo National Park atanga dacoit hmingthang Phoolan Devi lo chettlatna thin Chambal lui dung zawh zelin, Jim Corbett National Park leh Panna Tiger Reserve-te paltlanga South Africa-a Kruger National Park, South African Wildlife College leh hmun hrang hranga lehkhabu buatsaihtute chettlat dan chanchin hi a ngaihnawm a, a bengvarthlak tel bawk. Lehkhabu kan la neih ngai loh chi kan neih belh leh ta hi a lawmawm hle.   Kan rama ramsa hmuh tur awm ve lo - African wild dog, African sai, African penguin, African wild buffalo, stork billed kingfisher, Nilgiri langur, Chacma baboon, impala, Bateluer mupui, hippopotamus, ostrich, sakeibaknei, wildebeest, cheetah, giraffe leh ...

ZORAM TODAY | March 1-14, 2016 - KC Lalthansanga He tlang zet hi zawngin mihring nunna a heh miah miah e! Thlalak leh ralkhat atang chuan mawi tak angin a lang na a, hmun tihbaiawm leh nunna lem hnem em emtu a ni tlat si. Mizo zingah ngei pawh he tlang chhîp thleng thei Zohmangaiha kan nei tawh a, tunah Mizo nula pakhat chu he tlanga lawn turin a inbuatsaih mek. Eng pawh ni se, thu ngaihnawm atan, he tlâng lawn chhuah nana an nunna thâp ta mi tam tak zinga a lar zual 10-te chauh i’n tar lang teh ang. 10.  Karl Gordon   Henize Karl Gordon Henize hi October ni 17, 1926-a Cincinnati, Ohio-a piang a ni a, a puitlin hnuin Northwestern University-ah astronomy professor a ni. Kum 1967 khan NASA chuan van lam chanchin zirna lama scientist hna thawk turin a thlang. Kum 1985 khan vanthengrengah a thlawk chhuak ve a, khatih lai khan American zinga vanthengreng tlawh tawh zinga upa ber a ni. He a hna piah lamah, Henize-a châk em em reng pakhat chu tlang lawn hi a ni. Kum ...

ZORAM TODAY | March 1-14, 2016 -Fela Ngente Mizoram Premier  League tan  atanga thla ruk hnu lekah Mizoram football team chuan Santosh Trophy (National Football Championship) nomawi a chawi nghal der a. MPL chu football a hmasawnna thlentu lian ber a tih theih hial ang. Tichuan, 2015 kum tawp lam khan MPL buatsaihtute zing ami ZONET cable TV chuan ngaihtuahna thar sengin basketball lama hmasawnna tur league pawimawh buatsaih zai a rel leh ta a. Mizorama basketball-a inelna lian ber chu Mizoram Basketball Association nen tangkawpin kum 5 chhung atan thawhhona thuthlung an ziak ta rup mai a, a hmingah ‘Mizoram Super League’ tih an vuah ta a ni. Zonet Cable TV Pvt. Ltd. hian kum 5 chhung atan cheng nuai 20 an theh chhuak a, MBBA lamin technical lam leh sum mamawh dang an buaipui thung. Kum 2015 khan MSL season hmasa ber chu khelh niin a hlawhtling hle a. Club 6 awm zingah Khatla TBL chuan champion nomawi an chawi a, tunah hian an la kawl mek a ni. Tichuan, tunah h...

ZORAM TODAY | March 1-14, 2016 - Hriatpuia Khiangte ‘Tum chuan kawng a awm’ tih chu kum 19-a upa Sahil Shaikh nun atangin a chiang kher mai. A kut pahnih a hloh hnuah pawh chartered accountant nih a tumna chu a nêp thei chuang lo! He HSC zirlai hian ke hmangin exam a chhang! State Board dânin exam hun pangngai bak chu a tan an phalsak a ni tih a hriat hnuah Shaikh chuan exam a tum ruh bur a, a ke hmanga ziak thei turin a inzir ta char char a, a duhthusam ang ngeiin Class X (SSC) Board exam chu a ke hmangin a exam thei ta a ni. Sheikh hian a kut electric man vangin tan a ni a, ni tam tak na tuarin a awm. Kum hnih chhung ngawt chu rilru mumal pawh pu thei lovin a awm a, sikul pawh a kal thei lo. Chumi hnuah, Kiran Bora hnenah Board exam hmachhawn turin coaching class a kal leh thei ta chauh niin a pu Aziz-a chuan a sawi. “Ka chhungte leh thiante’n min fuih nasa hle. Nitin ka ke ka sawizawi a, exam hma chu nitin darkar khat tal chu ke hmanga thil ziah ka zir thin,” tiin Sheikh ...

ZORAM TODAY | March 1-14, 2016 - Hriatpuia Khiangte Madhya Pradesh-a khaw pakhat Jabalpur-a hmeichhe pakhat chu a pasal-in balance a neih loh avangin tun hnai khan a intihlum. District khawpui pakhat Jabalpur-ah Om Devi hian pasal neiin chhungkua an din a, tun hnai mai khan a pasal nen inhmuthiam lovin an in chhunga ceiling fan-ah a inkhái a, an hmuh meuh chuan a chatthla fel der tawh. Phai lam media tarlan danin, Om Devi leh a pasal Gram Badkhera-te hi a tirah awki san miah lovin an inkawm a. He mi hnu hian Om Devi chuan a chhungte biak a duh thu sawiin, a pasal chu phone hman a dîl a. Gram Badkhera-a'n a phone-a balance awm loh thu a sawi chu, Om devi chuan a la na ta em em mai a ni. He mi hnu hian an râwl a ring telh telh a, Om Devi chu thinrimna tur thil dangah a pakai zel ta a. A pasal chhuah lawk hlanin an in chunga ceiling fan hmang chuan ama nunna a la ta a ni.

ZORAM TODAY | March 1-14, 2016 - Hriatpuia Khiangte Bank account aia patient dah pawimawh zawktu, kum 91-a upa Dr. Bhakti Yadav chuan a mamawh apiangte tan inchhit ral a thlang zawk. India ram khawpui lar berte zinga chhiar tel - Indore atanga MBBS hmasa ber Dr. Bhakti inpekna hian hriat a hlawh hle a; kum 1948 atang khan a thlâwnin damlo sang chuang zet a enkawl tawh a. Kum upat vanga a taksa a chak loh hnu-ah pawh mi dangte tan a inpekna a dah tha mai lo a, a hriatna mamawhtute'n an chhawr theih dan kawng a dap hram zawk thin. Gynaecologist an tih mai, hmeichhe lam natna bik enkawl thiam Dr. Bhakti Yadav chanchin sawi hi national media lam chaw tui ber a ni chho a, Zee News pawhin a pual hian documentary clip a buatsaih hial a. State pawn atang pawhin a enkawl nih thlang mi tam takin an pan hial thin. Dr Bhakti hian raipuar sang chuang zet nau a chharsak tawh a, a tanpuina mamawh vanga zan laia an kawngka kiktute'n an kik thlâwn ngai lo.

ZORAM TODAY | March 1-14, 2016 Tunnlai Zoram titi lian ber chu Chakma issue a ni awm  e. Dân lova Chakma khaw din nia sawi, T uichawngchhuahah primary school a kâng a,  boruak a rawn alh chhuak hluai ta mai niin a lang. Chakmate hian kum 1872-ah Mizoram leilung an rap tan a, Autonomous District Council an neih hnuah an pung thur thur a, hei hi Bangladesh atanga dân lova lo pem lut an tam vang a nih a rinawm. Heng mite hi mi tam tak chuan ‘Chakma tih hi an hming inphuah chawp a ni a, Takam tih tur’ an ti kher thin. Tun hma atangin Chakma issue hi a awm ta zeuh zeuh va, a bikin zirlai pawl lian pahnihte hian an buaipui nasa bik hle. CYMA pawh thangharhin Bangladesh foreigner chhiarpui (Chakma chhiarpui) neih tumin hma a la chho ta zel a, a lawmawm hle. Zirlai pawl leh tlawmngai pawlte hian kan ram hruaitute hnu pawr an chul mam zat zat loh chuan a ram pum mualphovin kan mualpho reng dawn tih a hriat reng mai. Sawrkarin tih tur a tih loh hian mipuiin tih loh tur an...

ZORAM TODAY | March 1-14, 2016 - Hriatpuia Khiangte Egypt-a rorelna in (Court) pakhat chuan kum 4-a upa mipa naupang chu jail-a a dam chhung hun hmang turin a chungthu a relsak hman a, a hnu lawka tihsual palh a ni tih hriat chhuah a nih hnuah he thurel rum tak hi sût lehnghal a ni. Pawikhawihna lian tham chi hrang hranga inhnamhnawiha puhte zingah Ahmed Mansour Karni (4) hi a tel ve ran a. Thubuai lian tak tling thei tur heng case rit tak takah te hian kum 2 a tlin hma khan a lo inhnamhnawih niin an puh. Tun kar khan Cairo court-in naupang kum 4 mi Karni leh mi dang 115-te chungthu a ngaihtuah a, anni hi kum 2014 kum tir lama Fayoum province huam chhunga pawikhawihna pian tham tak thlengah inhnamhnawia puh an ni. An vai hian an in lama let leh tawh lo tura jail pan turin court chuan an chungthu a rel. Kum 2012, September thlaa piang Karni chunga court thutlukna hi a hria apiangin an dodâl nasa hle a, social media lamah pawh mi tam tak a tithinur. He mi hnu hian Inter...

ZORAM TODAY | March 1-14, 2016 - Hriatpuia Khiangte Awmze neia zu khuahkhirh 'tumna' dân MLPC Act pian hma daih atanga zu no dawm tawh - Spanish putar Antonio Docamp chu tun hnai khan a thi a, kum 100 chuang zet a dam chhanah mi tam tak chuan zu an puh. Kum 107 zet a dam thlen hnua fam ta Pu Antonio kha Spain-a Vigo-ah a khawsa a. A hriat theih chin ata a ka chhungah tuisik far khat pawh a la lût lo a, zu erawh a buakin a baw lût hawk hawk thung - a sawi danin. Zu um leh a kut a inchâr tlat emaw tih mai turin Pu Antonio khan zu a heh a, a zu in zât teh na'n pawh 'no' ni loin 'litre' ngat a hmang! “Ni khatah litre 4 vel ka in tlangpui a, keima siamchawp ngat ka in ber nghe nghe,” tiin chanchinthain kan ram min luhchilh hnu lawka piang Pu Antonio chuan a dam laiin sawi. A zu in zât tim miah lova sawitu Pu Antonio kha insawi thei satliah a ang lo va, a chhungte pawhin zu nen an inlaichinna thatzia an hriatpui thlap! “A tlangpuiin, kum tin zu litre...

ZORAM TODAY | March 1-14, 2016 - Hriatpuia Khiangte A aia rinawm a hmuh miau loh avangin, Russian tlangval hnahkhat chuan nupui atan mi tam tak hrawk titlaitu 'pizza' a nei. “Hmeichhia chuan a bum che ang a, a changin a báwl ang che,” tia sawitu Russian tlangval hming hi tarlan a ni lo va, Russia ram chhim lam hmun laili-a khawpui pakhat Tomsk-a an inneih thu erawh tarlan a ni. Kawppui fumfe tak a nei thei lo va, a thiante hnen atangin ngaihzawng neih hahthlakzia a hre chamchi a, fim taka a inngaihtuah hnuah nula tam tak aiin nunna nei lo pizza a thlang ta zawk a ni. “A dik a ni, hmeichhiate ang lo takin pizza chuan a phatsan ve ngai dawn lo che. A nihna bak engmah thup a nei lo va, chu chu ka hmangaih chhan a ni,” tiin ram hruaitute leh kohhran hruaitute dodàlna kara pizza thlang fantu Russian tlangval chuan a sawi.

ZORAM TODAY | March 1-14, 2016 - Kimi Colney Mihringte hi hlawhtling saa piang kan awm lo va, zirna lamah te, infiamna lamah te, eizawnna lamah te pawh theihtawp chhuaha beidawnna piaha beiseina thlira kal hram hram te hi a ni, hlawhtling thin hi ni. - Kimi Co. Kum 1857,  September 13-a  piang Milton-a hian unaunu pakhat a nei a, vanduaithlak takin kum 9 mi a nihin a unaunu chuan a thihsan a, a a nu leh a pa nen chauh an ni ta a. An chhungkua hi a pa hnathawhna avanga an insawn fo va, kum 13 a tlin meuh chuan school hrang hrang parukah a lut hman hial a. Lehkha thiam thei hle mah se, an insawn reng avangin Milton-a chuan harsatna tam tak a tawh phah a, a nu chuan, pawl a zir zawh hnuin sikul chawlhsana kut hnathawh lama eizawnna dap turin a duh tak zawk a. Lehkha chhutna khawl (printing press)-ah a thawk a, German-English newspaper an chhuah thin. A hnaah a tui hlawl lo. Ni khat phei chu khawlah a lukhum a titla a, an hotupa chuan thinrim engphiarin a hau a, h...

ZORAM TODAY | March 15-4 April, 2016 M arch ni 11, 2016 khan Myanmar ram Vice President atan Zohnahthlak ngei mai Pu Henry Van Thio chu thlan a ni a, amah hi Aung San Suu Kyi party, National League for Democracy (NLD) party mi a ni. Hetianga mahnia ro inrelna ram (independent country)-a Zohnahthlak mi vice president ni thei hmasa ber a ni awm e. Pu Henry-a hi August ni 9, 1958 khan Mizoram dep, Farkawn chhak lawk, Burma ram chhung Thantlang district-a Tuikir khuaah a piang a, a pa chu Pu Liantluanga a ni a, a nu chu Pi Ngunpari a ni. A pianna khua hi in 100 pawh tling lo a ni. An khuaah hian Primary School a zir zo va, an khuaah hian pawl sarih thleng chauh kalin Matric erawh Chin state khawpui Hakha High School atangin a pass a ni. Hemi hnu hian Yangon leh Mandalay lamah zirna a chhunzawm zel a.  BA (Geography) a zawh hnuin Law lamah diploma a zo leh bawk. Matric a pass hnuin Burma sipai-ah a lut a, inkahna tam takah a tel a, hnehna a chanpui thin. Sipaiah hian major rank a k...

ZORAM TODAY | March 1-14, 2016 Mizote eizawnna pui ber chu lo neih a ni tih kan hre theuh awm e. Ram mipui za zela sawmsarih bawr vel lai hi kut hnathawka eizawng kan ni a, chung zinga a tam zawk chuan tlangram lo neih (Shifting cultivation) kan la buaipui bawk. Pi leh pu hun lai ata tawh tun thlengin lo nei tura pawimawh hmasa ber lo vah leh hlo thlawh nikhuaa hman tur chempui leh tuthlawh bak kan la nei meuh lo. A nachang hre deuhin chemkawm/kawi an hman tawk a. Hmasawnna hmuh tur a vang hle.  Pu HV Lalzuimawia, Salem veng chuan loneitute tha sên leh thawh chhuah inmil lohzia hriain kum 2004 chho vel atangin hmanraw tangkai tur khawl siam a buaipui ngat ngat a, tunah chuan a hlawhtlinna phochhuah theihin a awm ta. Kum eng emaw zat a lo buaipui tawh dan chanchin hi a ngaihnawm a, zir tham a tling takzet. Zoram Today chuan a chênna inah kan zu tlawh a... Aizawl Venghnuaia pianga seilian, Pu Zuia hian khawvel mi ropui tam takte ang bawkin zirna lamah chhuan tur a nei lo va, paw...