Zoram Today

31.10.2015: 'Pathian hla sa țhin, Fredy Lalruatsanga chu zanin dar 6:30 khan a bethel tur chu truck-in a chuanna car chawpin kawng thlangah a hnawl a, ka pawh chhawn lovin a hmunah a thi' tih thuthang awm kha thu belhchian dawl lo, dawt a ni e. Bethel-naah chuan a kal ngei a, eng motor mahin a sut loh thu a sawi. Hetianga mi vanduaina tawh denchhena thuthang dik lo vawrh darhtute hi mi huatthlala ber mai an ni a, i hmusit ngam ang u.

31.10.2015: Mizo Idol star Lalbiakmuana (31) chu vawiin tlai khan Tuirial Airfield-ah bike-in a chesual a, rang taka Aizawl panpui nghal a ni a; Greenwood Hospital-ah doctor-te'n a nun chhan tumin theihtawp chhuah mah se, a nunna chhan hman a ni ta lo. Biakmuana hi MIMSA Bike Racing intihsiakna ena kal a ni a; bike intihsiakna a zawh tawh hnuah, an țhian pakhatin race-puiah a sawm a. Biakmuana hi chesualin bike ding lai a su a, helmet a khum loh avangin a lu leh ka ațangin thi a chhuak nasa hle niin a hmuna kalte'n an sawi. Lalbiakmuana hi kum 2011 Mizo Idol-ah telin pahnihna a ni nghe nghe. Chhiahtlang khua a ni a, Tuikual South-ah a nupui fanaute nena khawsa an ni. A ruang hi Aizawl-ah phum a ni ang. Mizo Idol 2007 star pahnih R. Lalhmangaiha leh Isaac Lalmalsawma te pawh bike accident bawkin an lo boral tawh a. R. Lalhmangaiha hi July ni 21, 2008 khan Bawngkawn leh Durtlang inkar kawngah chesualin, Isaac Lalmalsawma hi November ni 28, 2009 khan Canteen kual-ah chesualin a lo...

31.10.2015: Leithum ațanga phone-a thu dawn danin Pu Sangtinkula in chu vawiin tlai dar 3 vel khan a kâng a, thawmhnaw leh bungrua engmah chuh hman lohvin a kângral vek. In dang kâng tur erawh an veng thei hram a ni. A kan chhan hriat a la ni lo.

28.10.2015: Nimin khan Khatla Local Council chuan an veng huam chhunga zu zawrhna dawr pahnih awm chungchangah Mayor, Aizawl Municipal Corporation hnenah lehkha an thehlut. Khatla Local Council hian an veng huam chhunga Aijal Club leh Gogo Lalremtluanga s/o J. Thanghuama (L) Mission Veng te'n zu an zawrh dan chu chhui chiang turin an ngên. Khatla Veng hian an veng chhunga zu zawrh, wine shop, bar, leh zu chhêkkhawlna (warehouse) hmun siam an phal loh thu an lo puang tawh a ni.

28.10.2015: Mizo Students' Union (MSU) chuan nimin khan thuchhuah siamin tun hnaia Marpara South-a Chakmate'n kan Mizopuite kut thlaka an thil neihte an tichhe duh ta hial mai leh inremna siam tawh hnua Mizote tibuai zawnga an che chhuak țha leh ta chu pawi an tih thu, an tarlang. MSU thuchhuah chuan, kan rama mikhual châm rei, zawldawh taka kan lo kuangkuahte'n Mizo țhalaite cho chhuak zawnga hma an la duh ta mai hi țha lo kan ti a, Laisawral leh Marpar South leh a chhehvel Mizo khuaa kan unaute thinrimna hi âwm kan tihpui hle a, eng emaw hleka Border Security Force (BSF) an pun fo mai pawh hi țha lo kan ti takzet a ni, an ti bawk. Chakma hnam hi he ramah hian mikhual mai an ni tih hre thar turin MSU chuan a chah a, a ram neitute cho chhuak leh tithimrim zawnga che chhuak tawh lo turin MSU chuan a hriattir a; hetiang thil hi a thleng nawn leh a nih chuan kan unaute thlavang hauhin MSU chu a che chhuak ang tiin nimina MSU thuchhuah chuan a tarlang.

28.10.2015 | 16:00 : Tukin khan North Khawlek-a Presbyterian Kohhran upa Pu Țhabuana chu a lui kalnaah geletine keng puakin a kutzungțang a thlawh darh. Upa Buana hi Tuivai-ah (Tuipawl) Roluahpuia nen sangha man turin an kal a, geletine a vawm tur a dep chu a puak mai lo va, a dep nawn leh chu a keng puak ta a ni. A kutzungpui, kutzungchal leh kutzunglai a châng chin chung lam zawng a vawrh darh a, a hmaiah hliam tenau a tuar bawk. Amah Upa Buana hi a harh țhain ngaihtuahawm lutuk a ni lo va, a zawn turin tlangvalho an kal mek a ni.

- Hriatpuia Khiangte Kum 3-a upa he hmeichhe naupang duhawm tak hian, ráldona hmun ațanga rawn haw a pate puala inkhâwm buatsaih laiin a tlân vang vang a, a pa a kuah vawng vawng mai - hun tâwp thleng a nghâk zo lo! Lt. Daniel Ogelsby hi Asia chhimthlanga sipai nun an channa hmun ațanga mahni in lama hawte zingah a tel a; anmahni pual hian Colorado-a Fort Carson-ah homecoming ceremony buatsaih a ni. Sipai-te hi an chhungte'n an lo hmuak a, heng zingah hian a fanu kum 3 mi pawh a tel. Anmahni lawmna inkhâwm tâwi te neih a nih lai hian a fanu chu a insúm thei lo va, hun tâwp thleng nghâk zo lovin sipaite dangte ruala intlar ve a pa chu a va kuah vawng vawng mai. Helai hun tawi tê, rilru khawih tak si hi KKTV photojournalist Pedro Laumbach chuan camera-in a lo la hman a ni. Video thlirtu an pung chak hle a, pa leh a fanu inkuah lai hian mi tam tak mittui a titla hial a ni.

ZORAM TODAY | October 6-19 October, 2015 Aries (March 21 – April 20) I hma lam hunah  thil duhawm tak pahnihin a hmuak che a, he hun tha lo thleng tur hian i kawng tur a kawhhmuh ang che. Hmangaih i tawng thar dawn a, chhuah hauh suh. Engmah thawk lova awm mai mai hreh mi i nih avangin, i bul tan theihna tur thil duhawm tak a lo thleng hnai a, hmang tangkai ang che. Taurus (April 21 – May 21) Hun tha a lang rih lo. I hun tawn tawh avanga nêp intihna leh mahni insit rum rum theihna khawpa nawrtu che a lo thleng dawn. I nun tibuaitua i ngaih hrang hrangte kha he hmun ata khai chhuaktu an ni thei. I hun tawn tur hi i hman tangkai thiam viau chuan sáng taka vawrhtu che a ni thei tho. Gemini (May 22 – June 21) Hun kal tawha i thiante emaw, i lainate emaw laka i lungawi lohna i theihnghilh theih ngai loh kha, i hma lawka hun lo thleng turah siamthatna hun a lo thleng dawn. I hriatrengna tha lo tak ata i chhuah theih chuan i tan hlimna kawng thui tak a insial e. Chhas lam a lang lo, a...

ZORAM TODAY | October 6-19 October, 2015  * “E… Thianpa, i dam maw? Inhmuh a va khât ve. In dam tlâng em? Eng nge naupangte an lian ve tawh viau lo maw?” “Aw, tha e. Dam tlâng a ni mai. Hmanni deuh khan a upa berin pasal a um ve a, kan tê ber pawhin dendrite a hnîm ve tawh e.” * Zan khat chu nula pakhat hnam lâm zir tur pawh kawngsir thim chinah a puanbih laia inkhuhin a lo zung a, tlangval pakhat hian a zung tih hre hek lo, a va pawm thut, a’n chawi kang mai chu, ani îp thei mai tawh si lo, a’n pawm zung tur tur mai chuhhh! Tlangval tih ngaihna hre lo chuan, “Ka thlî che a ni ringawt alawm,” a ti ringawt! * A vawt an ti ve bawk si, kawrlum an nei bawk si lo. An chhungin khawlaiah zan reiah an tlan vak zel, lum chu an tih phah, an thlan pawh a tla, mahse, thenawm khawveng tan an bengchheng a ni. * An in chhungah a kezungpui chauha hrui thlungin a lo inkhai lu lu a. A thianpa’n a rawn hmu thut a. “Eng nge tih i tum a?” “Ka inawkhlum dawn!” “Tunge kezungpuia inawkhlum ngai? Ng...

ZORAM TODAY | October 6-19 October, 2015 - Muansanga Hlondo Kum 1789 - 1817 chhung khan America ram khuan president ropui tak tak an nei a. ‘The Big Four’ tia an sawi hial ram hruaitu pali - George Washington (Father of America), John Adams (the Atlas of Independence), Thomas Jefferson (The Father of Declaration of Independence) leh James Madison (the Father of the Constitution) te an ni. Kum 1817-1825-a America president pangana atana thlan tlin James Monroe hi khawvel hriatin lar lutuk lo mah se, America ram hmasawnna atana thawktu mi pawimawh tak a ni. A kaihhruaina hnuaiah Spain ram atangin Florida an lei a, Missouri Compromise an tih chu an pass a, ama hming chawiin US chuan Monroe Doctrine an siam bawk. Heng mite hi politician diktak, ram hmangaihtu hnam pasaltha an ni. James Monroe chanchin kilkhawr, i la hriat ngai lohte chu:   Governor in a rûn Kum 1770 vel lai khan America ramah chuan indona tenau tê tê a awm a. Kum 1775 khan Lexington, Massachussetts-...

ZORAM TODAY | October 6-19 October, 2015 - Hriatpuia Khiangte Lemziah lama kut hmui leh khawvel hriat hlawh khawpa invawrh sáng Dennis Nona chuan vànduaithlâk takin kum tling lo hmeichhe naupang a sual. Mahse, hei aia vànduaithlâk chu tihluihnaa kum tling lo mutpui hi sual a ni tih a hre ta lo chu a ni! Dennis hi Australia-ah phei chuan amah chiah lemziak thiam a awm emaw tih mai tur khawpa lâr, lemziak thiamte hming sawi apianga lam hmasak hlawh ber pawl a ni a, a kutchhuak máwi tak tak a tlar laiin mipat hmeichhiat lamah a hniak a pherh ta a ni. Kum 12-a upa he hmeichhe naupang, Dennis-a'n tum eng emaw zat a mutpui nia sawi hi Canberra mi a ni a, amah bakah hian a laizáwnnu pawh Dennis hian a zuah bik lo nia sawi a ni. A rái tih a inhriat meuh chuan he hmeichhe naupang hian chawlhkar 20-a upa nau a lo pai reng tawh. Chu mi hnuah Dennis-a fà chu hring ngam lovin a titla ta a ni. Dennis hian a pawikhawih chu pha kual nghal lovin a pawm mai a, chutih rualin, Jail-a luh loh...

ZORAM TODAY | October 6-19 October, 2015 - Hriatpuia Khiangte Kal (kidney) that loh avanga dam hlei thei lo zawhte pakhat chu a neitute'n vaw hlum mai lovin a kal an thlâksak zawk a, chéng nuai 20 vel zet an séng. Ran chunga mi ngilneite sawi ruala an hming sawi fo tawh tur Andre Gonciar leh a nupuite hian zawhte an vulh a, hming pangngai tak vuahsakin 'Oki' an ti thlap. Kum 12 zeta upa Oki hian a taksaa harsatna thlentu natna chu chhel taka a tuar hram hram thu Gonciar chuan a sawi a, “Fighter dik tak a ni,” tiin a sawi hial a ni.  Sênso dang tiam lohvin, Oki kal thlâkna atan ringawta sèn ngai zat chu US dollar 16,000 vel a ni a, India pawisain cheng nuai 10 chuang a ni. Mahse, a behbàwm sênso dang nena belhkhâwmin US dollar 30,000 vel zet a kái chho va, chu chu India pawisa chuan cheng nuai 20 vel zet a ni. Oki an zaina, kháwl changkang tak nena thuam, changtlung bawk si University of Pennsylvania Veterinary Hospital chuan hetiang operation hi kum 1998 atang kha...

ZORAM TODAY | October 6-19 October, 2015 - Hriatpuia Khiangte “A pum chhunga bakcheh a pai hrim hrim pawh a mak a, chu aia mak chu bakcheh a pai tih a inhre miah lo hi a ni," tiin amah zaitute zinga tel doctor chuan a sawi. A hriat miah lohva a pum chhunga bakcheh 2 ngawt lo pai rengtu Nigerian pa pakhat chu Saudi Arabia-a thlawhna tumhmunah enfiahna a paltlang laiin hriat chhuah chauh a ni. A hming tàrlan loh he Nigerian pa hi hmun thianghlim tlawh turin Saudi Arabia a pan a, lawng chawlhna hmunpui Jeddah-a airport-ah metal detector hmangin rálthuam a ken leh ken loh endik a ni. Thira siam hriamhrei a pai tih hriat takin kháwl chu a ri (beep) ta a, chumi hnuah a electronics bungrua chu basket-ah a dah nghauh nghauh a, chuti chung pawha a la rîk zel avangin damdawiinah an hruai ta ringawt a ni. X-ray kháwl hmanga enfiah a nih hnuah bakcheh a lo pâi reng tih hmuhchhuah a ni a, bakcheh paitu leh a hmuchhuaktute hrilh a hai ngang mai! Kum 15 kal ta khan zaipui a lo tâwk t...

ZORAM TODAY | October 6-19 October, 2015 - Hriatpuia Khiangte Dan bawchhe lem lo mah se, Maryborough-a pa pakhat chu Australia police officer-te vangin thla li ngawt tàn-inah a riah phah! Australia-a khawpui ber dawttu Queensland-a khaw pakhat Maryborough-a khawsa he pa hi a vanduai hle a; a chi (salt) phurh chu amah daptu police officer rualin sumdàwn nana hman phal loh damdawi emaw an ti tlat a, tàn in lamah nawr liam a ni. Lirtheia a tlan lai tidingin police-te chuan he pa vànduai angreng tak hi an lo dap a, a lirthei chhung an en kualna lamah kil khata chi (salt) lo inrem t hát chu an hmu a, thil pawi a thleng ta. Police-te chuan a chi phurh chu an hual tuau mai a, Meth emaw an tih tlat avangin a phurtu chu an hréng zui ta a ni. Insawifiah tuma tan khawhin awmzia a neih loh hnuah bail a dîlna pawh hnâwlsak a ni lehzel a, thla li chhung teh meuh a riahna a sawn a ni. Jail-a a input luh atanga thla 4 a liam hnuah laboratory test hmangin a thil phurh chu chi dik tak (epsom...

ZORAM TODAY | October 6-19 October, 2015 - Kimi Colney Tihian han ngaihtuah teh. Hun khirh leh manganthlak tak tawk ta la, i hmelhriat ngai miah lote tan i nunna i pe thei ang em? I duh thlanaah, nangmah nge i kianga mite i dah pawimawh hmasak ber ang? Neerja Bhanot hi naute hmeltha tak leh duhawm tak niin September ni 7, 1963-ah Rama Bhanot leh Harish Bhanot te hlimna leh lawmna ber ni turin a lo piang a. Fapa pahnih an lo neih tawh avangin fanu neih an duh thu Pathian hnenah an thlen fo va, a nu leh pate tawngtaina chhanna duhawm tak a lo ni ta a ni.   A nun hman chhoh dan tawi tê han sawi ila. Neerja Bhanot hi Sacred Heart School, Chandigarh-ah leh Bombay Scottish High School-ah te zirna kawng a zawh a. Kum 1985-ah March thla khan Neerja Bhanot hian inngaihzawng lawk lem lovin arrange marriage an tih ang khan pasal a lo nei tawh a, Gulf lamah a zui a ni. Hun hlimawm leh hmangaihna chatuan tawmpui tura a ngaih a pasal chu a rin dan a lo ni hauh lo mai....

ZORAM TODAY | October 6-19 October, 2015 Sports huang hmasa lamah football chanchin kan ziak tawh a, tun tum chu Mizote lawm zawng tak, infiamna atan erawh hmanna chang kan hriat em em si loh - silai kah (rifle shooting) lam i’n hawi daih teh ang. Mi tam zawk chuan intihsiakna pawh a awm tih kan hriat loh laiin thla hmasa mai khan Mizoram Rifle Association chuan Imphal, Manipur-a neih 3rd North East Zone Shooting Championship inelnaah infiam mi 26 lai tirin inelna hrang hrang (10m rifle, 10m pistol leh Point 22 Rifle shooting)-ah gold medal 3, silver medal 3 leh bronze medal 3 lain a pumpuiah 3-na dinhmun an hauh pha hial a. MRA hlawhtlinna hi ZORAM TODAY chuan a lawmpui hle a ni. ZORAM TODAY chuan he championship chhunga inelna sang ber International Shooting Sports Federation (ISSF) qualified chin chauh tel theihna 10m Rifle Shooting-a gold medalist Lalrinawmi Sailo belbulin biangbiakna kan nei thei hlauh mai a, a silai zinkawng chu hei hi a ni!   Silai a kap tan! F...

ZORAM TODAY | October 6-19 October, 2015 Tun hnaia Mizo nula chhuanawm berte zinga rawn inhlãngkai Lt. Babie Lalduhsangi chu a training zo chawlh hmanga a lo haw zawk lai kan kawm thei hlauh mai a, sipai officer a nih chhoh dan leh a chanchin hrang hrang kan zawt a, hun tha tak min pek avangin a chungah kan lawm takzet a ni. Babie Lalduhsangi hi kum 2014 October thlaah Officers’ Training Academy (OTA) Chennai-ah a lut thla a, hetah hian mipa leh hmeichhia training pawlh vekin inelna hrang hrangah mipa leh hmeichhia an thliar hran lo! A sam sei mawi em em mai chu mi dang rualin an nawr kawlhsak vek a. An training chhung hian harsatna zawng zawng hneh dan an zir ni berin a lang. A chang chuan darkar 3 chauh te mutna hun an nei a, mel tam tak tlan te a ngai a. Hriatna tizau turin zirna lam an bei reng bawk. Thla 11 an intuaihriam hnuah kumin 2015 September thla khan an zo (commissioned) ta a,  hetia an zawh hian Lieutenant (arsi 2 bel) puitling an ni ta a ni. Sipai office...

ZORAM TODAY | October 6-19 October, 2015 Kum 2013 vel atang khan rimawi leh zaipawl lama tui, sulhnu nei tha tak tak, mi thahnem ngai thenkhat chuan duhthusam an sawiho thin a; zaipawl, a bikin Mizoram-in kan hmelhriat dan chu tha viau mah se hmuhnawm zawk leh a thlirtute tana manhla zawka dawhsan lama an inlan theih dan turte ruahmanna siamin an lunglenna ramah chuan thinlungin an chengho thin a ni. Thu chu tisaah lo changin chutiang taka zaipawl hmasawnna lama rualawt mi pangate chuan hun rei tak chhung an lo vei tawh chu boruakah thamraltir mai lovin a takin an din chhuak ta. June ni 16, 2015 khan The Mizoram Choir chu a ding ta rup mai le. The Mizoram Choir chu Mizo mipuite’n kan hmelhriat zaithiam lar tak atanga kan la hriat ngai miah lohte telna The Mizoram Choir din a nih takah chuan Board of Directors-in zaipawl member tur uluk taka thlangin a thawh khatna atan mi 8 an thlang chhuak a, member dang pahnih chu la ruat leh an tum bawk. Hmanni maia din ni si khan program...

ZORAM TODAY | October 6-19 October, 2015 Tun hnaiah neih inang inngaizawng te, inkawp satliah mai ni lo nupui pasal anga innei eng emaw zat chu Zoram chhungah an awm ve ta a, neih inang inkawp chungchang hi he khawvelah pawh ‘ titi ‘ lian tak leh sawi hat hat kai a ni a; khawvel ram ropui America ramah meuh pawh an buaipui nasa a, heng mite tan hian ‘dan’ tesep pawh an zam zing malh malh hle a ni. India rama court rorelna sang ber Supreme Court meuh pawhin an tan hian dan tha deuh a siam ta bawk. September ni 23, 2015 khan NGO Coordination Committee meeting chu MHIP general headquarters office-ah neih a ni a, hetah hian CYMA, MHIP, MUP, MZP leh MSU hruaitute an tel a. Heta NGO hruaitu kalkhawmte hian Mizo zinga tuai leh patil lo pung ta zel chungchangah  a tul anga hmalak dan tur ngun takin an ngaihtuah a, “Tunlaia tuai leh patil lo pung chho ta deuha ngaih theih tura lo awm ta chu a tul anga hmalakho tha kan ti tlâng,’’ tiin he thil, kan society-in a tawn mekah a tul an...