Nui ila-4

ZORAM TODAY | October 6-19 October, 2015 

* “E… Thianpa, i dam maw? Inhmuh a va khât ve. In dam tlâng em? Eng nge naupangte an lian ve tawh viau lo maw?”
“Aw, tha e. Dam tlâng a ni mai. Hmanni deuh khan a upa berin pasal a um ve a, kan tê ber pawhin dendrite a hnîm ve tawh e.”

* Zan khat chu nula pakhat hnam lâm zir tur pawh kawngsir thim chinah a puanbih laia inkhuhin a lo zung a, tlangval pakhat hian a zung tih hre hek lo, a va pawm thut, a’n chawi kang mai chu, ani îp thei mai tawh si lo, a’n pawm zung tur tur mai chuhhh! Tlangval tih ngaihna hre lo chuan, “Ka thlî che a ni ringawt alawm,” a ti ringawt!

* A vawt an ti ve bawk si, kawrlum an nei bawk si lo. An chhungin khawlaiah zan reiah an tlan vak zel, lum chu an tih phah, an thlan pawh a tla, mahse, thenawm khawveng tan an bengchheng a ni.

* An in chhungah a kezungpui chauha hrui thlungin a lo inkhai lu lu a. A thianpa’n a rawn hmu thut a.
“Eng nge tih i tum a?”
“Ka inawkhlum dawn!”
“Tunge kezungpuia inawkhlum ngai? Nghawngah alawm an inawhhlum thin!”
“Ka thi ang asin!”

* Pitar bengngawng deuh khualzin tur pakhat pawh khan bus hi a lo phar ding a, conductor chuan, “Ka pi, kan chêp tawh em mai, motor dangah lo kal mai ta che,” a tia, pitar chuan, “I va ti lawmawm ve!” a tia, bus-ah a lut nghal tharh!

* A denrite hnîm kawng sirah a lo tap hluam hluam a. Pa pakhat kawng kal hian, “Vala, tinge i tah a? Denrite i hnîm elo?” a lo tia. Ani chuan, “Ka pu, kum 13 ka nih atangin ka hnîm ve tawh a, power ka nei ve thei lo reng reng,” a ti a, a tap leh ta hliam hliam a.

* U Khuma pawh kha a thinchhe ve khawp mai. Broiler chaw a pe a, an inchuh an tibaw leh thin a. U Khuma thinin a tuar tawh ngang lo, “In-line r’u!” a ti tuarh a, Broiler ar te chu an in-line nghal thap!

* Nupa titi.
Pa : Ka thih hnuah pasal dang i nei leh ang em?
Nu : Nei lo vang, ka unaunu nen ka damchhungin kan awmdun ang. Nih leh, thi hmasa ila, ka thih hnuah nupui dang i nei ang em?
Pa : Kei pawh i unaunu nen dam chhungin kan awmdun ang!

* A thiante nen nula an rim a, a in-control thei lo chu a vawih palh a, a zak lutuk chu inah a haw nal nal a, a thiante ngaihtha lo chuan an um zui a, a in an va thlen chuan saruak veka lo inphelhin, chemte keng chungin, “Pittt han ti leh teh,” tiin a mawngkua a lo vau vel!

* Nula kawng kal a lo fiam ve a, “Ehem! Chhe lo ve!” a lo ti vel a. Nula chuan, “I hmelchhe kuh ching kam pen pawng mai a nih chu!” a lo ti zek a, a fiam chhunzawm tawh lo chiang mai mai asin aw.