Skip to main content

Lunglei zirlai tițhate chawimawina CM Hawla hovin an nei

 ZORAM TODAY : Chief Minister Pu Lal Thanhawla chuan kumin HSLC leh HSSLC exam-a Lungleia Mizo zirlai tițhate chawimawina hun MZP Headquarters Lunglei in Saikuti Hall-a an buatsaih chu a hmanpui.

 Chief    Minister        chuan    " Vawiina chawimawna dawngtute'n  tun in hlawhtlinna hmuh hi duhtawk mai lova, phur leh zual zawka in kalna tura infuihna ah ngaiin, thahnemngai taka tum mumal tak nei chunga kal zel turin ka chah duh che u ani " a ti.

 Chief Minister hian sorkarin quality education nei tura hmalakna a neih thu te, MYC kaltlangin coaching leh skill development programme dangte kalpui a nih thu te leh, Central Service examination leh Army lamahte Mizo thalai thahnem zawk an luh țul a tih thu sawiin "Chhingchhip a Sainik School, India rama hmeichhia luh ve theihna hmasa ber Mizoramin a neih chu ngaihven nachang hretu tam se ka duh ani " a ti bawk.

Lal Thanhawla chuan tunlaiah ruihhlo in thalaite nun a tihchhiat nasat thu sawiin " Sorkar pawhin a do turin kawng hrang hrang dap in hma a lak a . A hlawhtlinna tak tak erawh țan hona leh mahni mimal nun uluk naah a innghat a ni," a ti a , zirlaite chu ram future an ni a, ram innghahna tlak annih dawn chuan nu leh pa thuawih leh aiai upa zah nachang te leh zirtirtute zah nachang an hriat a, an nun an uluk chuan tuna thalaite hian Zoram thar an siam theih tur thu Chief Minister chuan a sawi.

He hunah hian   Lunglei       Town          area huamchhunga zirna in ațanga exam, HSLC leh HSSLC exam distinction a pass chinte niin , mi 120 vel chawimawna pek an ni a. Anni bakah hian 'Special Award' buatsaih niin , HSLC exam pass thar specially abled zirlai Lalruatsaka    leh     HSLC     exam a pahnihna Lalrintluanga te hnenah lawmpuina hi hlan a ni.

 Programme hi  K. Lalremruata, Vice President, MZP Lunglei Hqrs. chuan kaihruaiin President Pu Lalrammuanawma leh MZP General Hqrs. President Pu L. Ramdinliana Renthlei te'n thu an sawi bawk.
Labels:

Comments

Post a Comment

Popular Posts

Goa beach-ah a bialpa hmuh laiin nula pawngsual

ZORAM TODAY: Tun kar ningani, May ni 24, 2018 khan Goa beach-ah nula pakhat chu a bialpa hmuh laiin sual a ni. He thil thlenna hmun hi Sernabhatim beach-ah niin Panaji atanga km 50 vela hlaah a ni. Police-te chuan South Goa-a thil thleng hi an finfiah tawh thu leh investigation an kalpui mek thu an sawi a, tun thleng hian thil tisualtute hi man an la awm lo. Senior Police Office pakhat sawi danin, "Inngaizawngte hi an thawmhnawte an pawhsak a, an thla te laksakin pawisa an dil zui a ni," a ti a, chumi hnuah an sual zui nghal mai niin a sawi. Hmeichhia zawkin a sawi danin, a bialpa hmuh lai ngeia sualtute hi mi 20 vel an nih thu a sawi. South Goa Superintendent of Police (SP) Arvind Gawas chuan, "Nula hi medical exam an neih tawh thu leh result an nghah mek thu a sawi a ni. Report-a a lan danin, kum 2016 chhung khan Goa-ah hian pawngsual case hi 62 a awm a, 2017-ah hetiang case register hi 70  ngawt a awm bawk. Kum 2016 chhung khan, Delhi tih lohvah Goa hi I...
Post a Comment
Kimchang zawkin »

Vawiin chawhnu leh naktuk june ni 13 school chawlah puang

Aizawl 12th June, 2018 Thawhlehni ZORAM TODAY:  Tunhnaia India hmarchhak state hrang hranga darkar 60 chuang chhumlo chat lova ruah a sur avangin Mizoram ah pawh leimin, tuilian leh in chim eng emawzat a awm mek a, mipui nunphung a khailak avangin Mizoram sorkar pawhin chhiattawkte chhawmdawl dan leh harsatna sutkian nan theihtawp a chhuah mek zel ani. Directorate of School Education chuan order ti chhuakin tunhnai ruah sur nasa avangin harsatna tamtak a thleng thei ani tih hriain vawiin june 12 chawhnu leh naktuk june 13 thleng Mizoram puma sorkarin school permission a pek zawng zawngte chu chawl vek turin a hriattir ani. Sorkar school, Primary ațanga Higher Secondary School zirlaite chu an taksa him nan hemi chhung hian Inchhung chhuahsan lo turin an ngen bawk ani.
Post a Comment
Kimchang zawkin »

Covid-19 Task Group on Commodities an thukhawm

ZORAM TODAY|Aizawl 17th April, 2020: Vawiin khan COVID-19 Task group on Commodities chu an Chairman Pu HL.Rochungnunga, Commissioner of FCS&CA hovin a office chamber ah an thukhawm a. Hri hlauhawm a len mek lai leh inkharkhip, lock down chhunga zoram mipuite ei leh bar buhfai leh thil dang te, nitin mamawh gas leh motor oil te an neih zel theihna tura hmalak dan te an thlir ho a ni. Task group chuan mipui mamawh oil leh thil dang ram pawn atanga Vairengte thlenga an rawn phurh luh dan tur leh load dang la leh tura motor leh driver te in banlet dan tur an duang fel a, essential commodities driver te tan a COVID-19 avanga damlohna leh chhiatna tawk palh thei te tan a insurance awm thei te sawi hoin thu nei tu te hnenah thlen nise an ti a ni.
Post a Comment
Kimchang zawkin »

COVID- 19 laka inveng leh fimkhur turin thurawn pawimawh pe chhuak

ZORAM TODAY | AIZAWL: State Level Task Force on Mitigation of Coronavirus (COVID-19) chuan Covid-19 laka inven nan leh fimkhur thu hlaah mi tupawh khawsik, hritlang, khuh leh thawkna lama harsatna nei te chu school, college, bazar, biakin leh puipunna hmuna kal lova mahni in lamah emaw damdawiin lamah emaw inenkawl turin leh daktawr emaw damdawi lam mithiamte emaw rawn vat turin mipuite hnenah ngenna an siam a, hei hi ngaipawimawh a zawm tum theuh turin mitin te an ngen a ni.
Post a Comment
Kimchang zawkin »