Skip to main content

Advertisement chhuah lovin SSA zirtirtu 58 la

ZORAM TODAY | October 20-2 November, 2015
Sarva Shiksha Abhiyan (SSA), Mizoram hnuaiah kumin 2015 April thla hnu lamah advertisement chhuah lovin zirtirtu leh thawktu dang atan SSA contract scheme hmangin mi 58 lak an ni.

Right to Information Act(RTI) hmanga zawhna, Mizoram SSA Mission Additional State Project Director leh State Public Information Officer(SPIO) ni bawk V. Lalsiamthara’n a chhan dan chuan, SSA hnuaia Middle School leh Primary School-a thawk tur hian advertisement chhuah lovin Mamit district-ah 14, Kolasib district-ah 12, Lunglei district-ah 11, Lawngtlai district-ah 8, Aizawl district-ah 6,  Champhai district leh Serchhip district-ah 3 ve ve leh, Saiha district-ah 1 lak an ni. Heng mi 58 te hi UPST(VIII), UPST, Art Instructor, RP(BRC), RP (Subject Specialist) leh RP (CWSN) te niin heng mite hian an hna an zawm vek tawh a ni.

Sawrkar hnuaia hna thla thum aia rei thawh dawn chuan district employment exchange kaltlangin hnaruak awm zat leh dil theih dan tur kimchang tarlan tur a ni a; hetih lai hian SSA hnuaia thawk tur la tur hian employment exchange hriattir an ni lo. Advertisement chhuah lova hna lak chungchang hi, February ni 13, 2015 khan SSA hotute’n ‘36th State executive committee meeting’  an nei a, he meeting resolution number 4-in a rel angin State Project Director chu  a tul anga hnaruak hnawhkhah theihna ‘authority’ pek a ni, tiin new post ni lo casual vacant post chu a ruak hmasa apiang sikul mamawhna avangin hnawhkhah thin a nih thu an tarlang. Hetih lai hian he meeting resolution hi The Emloyment Exchange (Compulsory Notification of Vacancy) Act, 1959 Section 3(1)(C)-in Sawrkar hnuaia hnaruak thla thum aia rei thawh tur hnawh khah a nih dawn chuan employment exchange kaltlanga tarlan hmasak phawt tur tih leh, hemi zulzui a lak tur a ni, tih awm hi a kalh niin a lang. Mizoram SSA Mission hnuaiah hian State Project Director chu Lalhmachhuana niin Additional State Project Director chu V. Lalsiamthara a ni a, Deputy State Project Director te bakah thawktu dang eng emaw zat an awm mek a ni.

Zirtirtu lak chungchangah ‘The Right of Children to Free and Compulsory Education Act, 2009 [Hei hi Govt. of India Extra Gazetted pt. II, Sec. 3 (ii) dated 19th February, 2010-a chhuah a nih angin 1st April, 2010 atanga hman a ni]. Chapter IV, Section 23-ah te, ‘Mizoram Education Recruitment Rules of Middle School Teacher, 2015’ leh ‘Guideline for the Recruitment of Teaching and Non-Teaching Employees of SSA and RMSA, Mizoram’-ah chuan zirtirtu atana qualification ngai leh lak dan tur chiang tak ziah a ni a, hetiang hian:

(1) Zirtirtu lak (direct recruitment) dawnin advertisement chhuah ngei ngei tur a ni. (2) Central sawrkar pawm academic authority-in minimum qualification a siamte pass an ni ngei ngei tur a ni, tih te. Mizoram-ah chuan DIET training chhuak leh Teacher Eligibility Test (TET) paltlang an ni tur a ni, tih a ni a; training chhuak lo leh TET nei lo tan direct-in SSA leh RMSA hnuaia zirtirtu-ah a luh theih loh a, tuna zirtirtu an lak tam zawk hi an luh hmaa DIET-a training nei lo leh TET paltlang lo deuh vek niin Zoram Today thu dawnna chuan a tarlang.

Advertisement chhuah lova hna lak a ni tih an hriat veleh Tuichangral Zirlai Pawl (TCZP) chuan dodal nghalin an bial chhung Chekawn Government Middle School-a zirtirtu dan dik lo leh qualify lo lak a ni chu hrethiam lovin, August ni 28, 2015 khan Chekawn Govt. Middle School leh Govt. Primary School chu tiam chin awm lovin an lo khar tawh a, hei bakah Mizoram Governor Lt. Gen. (Rtd) Nirbhay Sharma hnenah advertisement chhuah lo leh qualify lova Mizoram SSA hnuaia zirtirtu lak  a ni chu tha lo an tih thu leh Mizoram sawrkarin an sut leh vek theihna tura hma lakpui turin ngenna lehkha an lo thehlut tawh a; Ministry of Human Resource Development Minister Smriti Irani hnenah pawh he lehkha hi an thehlut bawk. Advertisement chhuah lova SSA hnuaia thawktu lak chungchangah hian court-a Public Interest Letigation (PIL) thehluh mai tum an awm thu ZORAM TODAY chuan kan dawng bawk.
Advertisement chhuah lova SSA zirtirtu lakte






Labels:

Comments

  1. LB Vanchhawng9 November 2015 at 01:19

    Good post.... ZORAM TODAY Gooooooooooooooo

    ReplyDelete
  2. Robert f crocker28 September 2018 at 19:23

    Tradeshows offer the most overt intelligence gathering environment imaginable. It is important to pay careful attention to any unfamiliar exhibitors... carefully approach tradeshows with one eye toward protecting your intellectual assets. Models for tradeshows

    ReplyDelete

Post a Comment

Popular Posts

Mizo tlangval siam android games a hlawhtling

ZORAM TODAY | August 17-31,  2015  July thla chawhnu lama publish, ‘Bajrangi Bhaijaan’ mobile android games chu playstore-a download theiha dah a nih atanga kar hnih hnu lawkah mi nuai thum chuangin an download tawh a, Google Play ‘new free games’-ah pahnihna a ni mek a, action bik free games-ah pakhatna a ni mek bawk. Chu mai a la ni lo, Google Play-a free games awm zawng zawngah 13-na a ni mek; ranking hi active users leh download tam zawng atanga siam a ni ber. He games siamtu hi Chaltlang tlangval Kima @Mizohican a ni a, July ni 11-a tihchhuah a ni. Nikum kum tawp lam khan India rama mobile games development company lar ni chho mek ‘FITH Media’ company chu a thiante nen an din a; tun thlengin playstore-ah games pasarih an publish tawh a, an games siam hmasak pahnih - ‘Nikal Padi: Slumdog Plumber & Pipes Puzzle’ leh ‘Where's My Cat’ tih games-te hi India rama gaming ho zawng zawng hruaitu lu NASSCOM Game Developers Conference (NGDC)-ah ‘Mobile Game of th...
8 comments
Kimchang zawkin »

Zahawma : Rising Star of Indian Football

ZORAM TODAY | September 1-14, 2015 - Fela Ngente Sawi tur ber pawh  ka hre lo!” Manchester  United-a training  thei tura a tling chiah chu a lawm bawk a ni ang, a nghilh dup a ni ber. Ni, eng football club fan pawh ni la, khawvela club lian ber zinga mi Manchester United stadium ‘Old Trafford’-a thut luh ve ringawt pawh inchhuanna tham a tling. Hetah hian kumina kum 15 tling tur Zahawma chuan kar khat chhung training a nei. A tirah chuan Subedar Lalpianthara leh Pi Baby Lalrintluangi te fa naupang zawk Vanlalzahawma hi December ni 29, 2000 khan Kolasib Hospital-ah a piang a. Chutih lai chuan Thingdawl Hmarveng-a an thenawm khawvengte chuan kumpinu lalrama football la pêt tur a ni tih an hre lawk bik kher lo vang!  Delhi lamah A pa hnathawhna (Assam Regiment) avangin Mizoram an chhuahsan a tul a, kum 2004 February thlaah an chhungkuain West Bengal lamah an insuan lailawk a. Kum thum an awm hnuin Delhi-ah an insawn leh a, tun thleng hian an la a...
4 comments
Kimchang zawkin »

Lalduhoma voice leak in sawi a hlawh. 'MNF a campaign pui!'

ZORAM TODAY: Aizawl, November 7th; 2018 :  Tunhnai khan ZPM Chief Ministerial Candidate Lalduhoma leh BJP hruaitu pakhat telephone-a in biakna âw chu record niin social media ah a pút darh chiam mai a, sawi zui a hlawh thar hle. Hetah hian Lalduhoma hian MNF leh BJP inkar te, BJP leh ZNP/ZPM chungchang a ngaihdan chiang takin a sawi a. Mizoram awm chhung chu engtikahmah MNF te chu an BJP dawn lo ani, tiin BJP erawh tun MLA Inthlan 2018 lo awm turah thawhdun pui a chak thu uar takin a sawi ani. He voice record tu hi hriat ani tawh bawk. ZPM chhungkua-ah he ' voice leak' avang hian inhnialna nasa tak alo awm tawh nia hriat ani. ZNP President Lalduhoma chuan hruaitu dangte hriat lemlohin BJP hruaitu pakhat nen hian telephone hmanga sawi chi nilo thil pawimawh tak tak an sawi tih voice leak ah hian a lang chiang hle. (A hnuaiah hian ngaihthlak tur chhawpchhuah ani.) Lalduhoma chuan Mizoramah MNF a chak poh leh BJP party ṭhanzelna tur chu a ping tial tial dawn ani, tiin ...
4 comments
Kimchang zawkin »

Hmuchhuaktu Prof. Lalnuntluanga

ZORAM TODAY | September 15-5 October, 2015 - Fela Ngente Prof. Lalnuntluanga, Mizoram University-a Dean, Students’ Welfare (DSW) ni lai leh, Environmental Science Department-a professor ni mek chuan research scholar eng emaw zat kaihruaiin a hnuaiah hian mi pathumin Ph.D an zo tawh a, Ph.D scholar kaihhruai (guide) mek mi 8 lai a nei bawk. A hnuaiah vek hian M.Sc. dessertation submit tawh mi 20 chuang an awm tawh. Prof. Lalnuntluanga hi September ni 24, 1975 khan Aizawl-ah a piang a, unau 8 zinga a upa ber a ni. Naupang harhvang leh duhawm tak niin Zemabawk Venglai-ah a seilian bawk. Zirna kawngah a tluang em em a, Nursery atanga Ph.D a zawh thak thlengin Mizoram chhungah vek a zir a ni. Ama insawi dan takah Durtlang pelin lehkha a zir ve ngai lo! Academic line-ah chuan Mizoram tihmingthatute zinga mi a ni a, zirtirna mai bakah zirbingna (research) lamah a kal nasa em em a, a thawhpuite leh a nauteho nen thil thar eng emaw zat an hmuchhuak tawh a, tun hnaiah sangha chi (spe...
3 comments
Kimchang zawkin »

Khiangawia khualzin kawng

ZORAM TODAY | September 1-14, 2015 - Fela Ngente Kum 1967 a ni a, Thailand rama Yasothon Province-ah chuan loneitu inngaitlawm leh ngilnei tak, taima em em bawk a awm a, a hming chu Yam a ni. An khuaah chuan nula zak thei lo ve tak a awm bawk a, ‘Joei’ tiin an ko thin. Kan hriat awlsam dan tur chuan Yam hi ‘Khiangawia’ kha a ni a, Joei hi ‘Vuani’ tia kan hriat kha a ni! He lemchan hmuhnawm em em hi a thupui chu ‘Yam Yasothon’ a ni a, kum 2005, September ni 8-a an tihchhuah tawh a ni. A hnuah part 2 leh 3 te an siam leh a, tunlaia lar em em hi Yam Yasothon-3 niin kum 2013, August ni 8-a an tihchhuah kha a ni. Yam Yasothon-3 Hei hi Khiangawia film thar ber a ni a, a thawnthu tlangpui chu kan hre nual tawh awm e. Khiangawia leh Vuani te chu an innei chho ta a, an fate pawh an puitling chho tan tawh. An fapa upa zawk Khiangmawia leh Khiangawia bialnu hlui Neihsungi fanu upa zawk Jawr-i te chu an inngaizawng a, Khiangawia fapa naupang zawk Khiangsata leh Neihsungi fanu nau...
Post a Comment
Kimchang zawkin »