Zoram Today

ZORAM TODAY | March 1-14, 2016 -Fela Ngente Tunlai thalaiten internet kaltlangin thian kan kawmin rual kan pawl nasa em em a, Zoram chhung leh pawn, khawvel hmun hrang hranga mite nen kan inkawm a, group hrang hrangah kan duh zawng, zalen takin kan sawi a, kan rights kan hriat fu lai hian kan tihtur (duty) lam kan ngaihthah lek lek thin niin a lang. Thu tam tak kan bengah a lut a, kan mitin kan hmu bawk a, kan gadget leh software kan tuaithar rual hian mahni pawh intuaithar reng a tul ta. Tun hnaiah saptawng tualleng kan hmang nasa a, kan hman tur leh hman hun tur kan hriatchian a tul hle mai. Hemi rual chiah hian a lo dawngsawngtu lam pawhin eng emaw chen hi chu hriat ve a tul bawk. Mi rilru zim leh hawi zau tawk lo nih kan hlawh palh hlauh ang e! Tunlaia saptawng tualleng an chher langsar zual deuh deuh tarlang ila, a kim thei hauh lo ang a, Mizo tawnga kan hrilhfiah hian mi thenkhat duhthu pawh a sam vek kher lo vang, tawng tha pangngai a ni lo tih hre reng ila, eng pawh ni se mi...

ZORAM TODAY | March 1-14, 2016 Mysore khawpui hming hi November ni 1, 2014 ‘Mysuru’ tia thlak a ni. Khawpui upa ve tawh tak niin kum zabi 16-na atanga ‘Mahishuru’ hming pua lo ding tawh a ni a, kum 1888 khan Mysore City Municipal dinin khawpui inrelbawlna mumal tak an lo nei tawh a, ward 8-ah then a lo ni diam tawh a ni. Kum 1897 khan hrileng avangin a khaw mipui zatve dawn ngawt an thi. Kum 1903 khan City Improvement Trust Board (CITB) din a ni a, Asia khawmualpuia khawpui inrelna mumal nei hmasa berte zing ami a ni. Kum 1888-a Mysore City Municipal an din hian khawpui chhung inrelbawlna zawng zawng a khawih vek a, kum 1977-ah corporation-ah leh a ni. Khawpui chhung hnathawh zawng zawng, hriselna lam, thianghlimna lam, tui thianghlim pek leh chhiah pek te a keng tel vek a ni. Corporation hi Mayor-in a ho va, a hnuaiah commissioner eng emaw zat leh council member thahnem tak an awm leh bawk. Tunah hian ward 65-ah then sawm a ni. Khawpui hmasawnna leh zauhna lam hi Commissioner kaihh...

ZORAM TODAY | March 1-14, 2016 India ram puma Urban Development ministry-in zirchianna a neih hnuah Karnataka khawpui pakhat Mysuru chu India rama khawpui fai bera thlan a ni a, Chandigarh-in dawtin Tiruchirapalli-in an dawt leh a, New Delhi Municipal Council (NDMC) chu palina niin Visakhapatnam chu pangana a ni bawk. Khawpui 73 thlan chhuah zingah Mizoram khawpui Aizawl chu 41-na a ni. Tun tum ranking an siam hi an vawi hnih neihna a ni tawh a. Kum 2014-a a hmasa ber atana zir chianna an lo neih tawhah pawh Mysuru tho hi pakhatna a lo ni tawh a, tun tuma 10-naa awm Greater Mumbai chu 2-na a ni nghe nghe. Tun tumah hian khawpui bal berah Dhanbad thlan niin Asansol, Patna, Meerut, Raipur, Ghaziabad, Jamshedpur, Kalyan Dombivilli leh Itanagar-in an dawt nghe nghe. Kum 2014 October thla khan Modi chuan India ram khawpui hrang hrangte’n faina lama hma an sawn theih nan Swachh Bharat Mission (SBM) a hawng a, Aizawl khawpuiah pawh nasa takin hma an la tawh a ni. India ram khawpui Delhi ...

ZORAM TODAY | March 1-14, 2016 February ni 26, 2016 tlai lam dar 3 vel khan Tuichawng chhaka khaw pakhat, Tuichawngchhuah-a SSA Primary School chu a kâng a; hemi chungchangah hian mawhphurtu nia ngaiin Mizo Students’ Union (MSU) hruaitu mi pakua chu Lunglei Police-te’n an man a, Lunglei District Jail-ah zan khat tângin, a tuk February ni 27, 2016 tlai lam dar 5 vel khan chhuah an ni leh ta a ni. Dova khaw din nia MSU-in an sawi Tuichawngchhuah hi Belpei VC ram chhunga awm niin, kum 2011 census atanga a lan dan chuan chhungkaw 44 awmin mipa 115 leh hmeichhia 96 an awm a, an vaiin mi 211 an ni. Tun dinhmunah chuan chhungkaw 49 an awm a, mipa 124 leh hmeichhia 98 an awm mek. An vaiin mi 222 an ni a, vote nei hi mi 82 an awm bawk. Tuichawngchhuah hi Tuichawng atanga boat-a kalin darkar chanve kal a ni. Tuichawngchhuah hi Local Administration Department (LAD)-in kum 2014-a Lunglei district chhunga Sub-Village a tihchhuah khaw 23 zingah a awm lo va, Belpei VC ram chhunga awm a ni. H...

ZORAM TODAY | March 1-14, 2016 Delhi-a Indira Gandhi International Airport (IGIA) chuan Airports Council International (ACI)-in a pek khawvel pum huap award pathum a dawng. ACI-in Airport Service Quality (ASQ) survey a neihah IGAI hian tehna 1 to 5-ah 4.96 a hmu a, a hmu sang hle. A lawmman dawnte hi, kum hnih chhung a zawna passenger maktaduai 25-40 nei thei zingah number one a ni. Hei hi category hran siamin Million Passengers Per Annum (MPPA) an ti. Hei bakah hian size & region Asia Pacific (25-40 MPPA) category-ah airport tha ber atana thlan a ni a, Asia Pacific region bikah airport tha ber dawt a ni bawk. IGIA hi Delhi International Airport Limited (DIAL)-in a enkawl mek a ni. ASQ hian airport-a passenger pun dan te, sumdawnna lama hma a sawn dan te  chu tehkhawng pawimawh takah a hmang. ACI hi kum 1991-a din niin airport him nan leh inkalpawhna tha leh mumal tak a awm theih nan te hma a la thin.

ZORAM TODAY | March 1-14, 2016 India chuan April ni 12, 2016 atanga neih tan tur Asia Ministerial Conference on Tiger Conservation vawi thumna chu a thleng dawn. He inkhawmpui hi sakei humhalhna lam hawi a ni a, Prime Minister Narendra Modi-in a hawng ang. He inkhawmpuiah hian Asia rama sakei tamna ram 13 Bangladesh, Bhutan, Cambodia, China, India, Indonesia, Lao PDR, Malaysia, Myanmar, Nepal, Russia, Thailand, leh Vietnam te an tel dawn a ni. He inkhawmpuia ram hrang hrang kalkhawmte hian sakei an humhalh dan te, sakei humhalhna kawnga thil pawimawh tak takte an inhrilh tawn dawn a, khawvel pum huapa tangruala sakei humhalh dan tur te pawh an sawiho rin a ni. Asia Ministerial Conference on Tiger Conservation hmasa ber hi kum 2010  khan Hua Hin, Thailand-ah neih a lo ni tawh a, a vawi hnihna hi Thimphu, Bhutan-ah 2013 khan neih a lo ni tawh bawk. India ramah hian khawvel puma sakei 70% a awm a, kum 2014-a sakei chhiarpui neihah khan India ramah sakei 2,226 zet a awm. K...

ZORAM TODAY | March 1-14, 2016 Himachal Pradesh Cricket Association (HPCA) chuan February ni 20, 2016 khan Dharamsala-ah ‘Swachh Himachal – Padhai bhi, Safai bhi’ campaign a hawng. HPCA hi India cricket association zinga Sawrkar laipuiin Swach Bharat Abhiyan a kalpui mek tana campaign nei hmasa ber a ni.   He campaign hian Himachal Pradesh state-a thingtlang leh khawpui faina leh hriselna atana naupang zawkte’n tha an thawh theih dan tur te, an state chu India rama fai ber leh ramngaw tha ber state nihtir te chu a tum ber a ni. Faina beihpui thlakna hi university leh zirna in hrang hranga zirlaite nen tangkawpa beih chhoh tum a ni bawk.