MBJP President Prof.JV Hluna'n eng nge a sawi?
November 13,2017 Vanglaini chhuakah (http://www.vanglaini.org/tualchhung/77176) khan MBJP President "Dr JV Hluna chuan, "Mizoram Assembly inthlanah party dang kan thawhpui lo ang," a ti a; Mizorama seat awm zawng zawng chuh tum mah se, national-a an hotute thu a nih thu a sawi bawk" tih tarlan a nih thu a lo lang a.
He thu tho hi kumin February 24 Vanglaini chhuakah khan tarlan (http://www.vanglaini.org/tualchhung/81477) kan hmu leh a, hetiangin "MNF chungchangah JV Hluna chuan, "Tunlaiin MNF party hruaitu ?henkhat chuan BJP nena thawkho tur anga mipui hmaa sawi an awm ?hin a, hei hi thu dik lo a ni," a ti.
Tichuan tun thla October 18,2018 a Vanglaini chhuakah khan (http://www.vanglaini.org/tualchhung/90283) "BJP chuan nimin khan R Deng?huama Hall, Aizawlah Booth Level Members Conference an buatsaih a, BJP National president Amit Shah-a'n hmanpuiin thu a sawi a; Mizoramah BJP-in sorkarna an siam dawn nia sawiin, "Thawhpui kan nei dawn lo," a ti." tih thu a lo lang leh a.
Karkhat a ral a, October ni 25 a Pu Lalthanmawia'n " MNF leh BJP inremna thu Tripura-ah puan a ni" tih a rawn ziak hi chu BJP National President Amit Shah a zah loh thlak ka ti ve thlawt. Tin, a thu lakna Tripurainfo in a tarlan para tawp ber hi han enchiang ila, "Pratima indicated that in the post-poll scenario the opposition MNF MAY HAVE coalition-based relation with the BJP at the time of government formation" tih a ni a, May have tih chu Mai thei tihna tlukpui ang a ni a, chuvangin chaw tak khuka khukpui tur chuan thutling a la ni lo. A dawt leh sentence ah hian 'MNF hotuten mipui nawlpui vote an hmuh tlem an hlauh vangin inthlan hmain thawhhona thuthlung siam an thei lo' tih a ni a. Helai hian a tichiang viau awm e, inremna thuthlung an siam duh loh chuan an siam lo tihna a ni. Tin, MNF hian BJP ai chuan Mizo mipui an dah pawimawh zawk tih a lang a, central-a sorkar mek leh sum pawh ngah tura ngaih nen thawhhona an siam lo hi a lawmawm em em zawk a ni.
MNF Party President Pu Zoramthanga thusawi en let ila :
Kum hnih liamta kum 2016 March 17 a Vanglaini chhuak (http://www.vanglaini.org/tualchhung/51734) kha bih chhin ila, " MNF president Zoramthanga chuan, kum 2018-a Assembly inthlanpui lo awm leh turah MNF party chu party dang thawhpui loin an mal din dawn tih a sawi" thu kan hmu daih tawh a ni.
November 29,2017 a Vanglaini chanchinbu chhuak (http://www.vanglaini.org/tualchhung/78309) kha en leh ila, "Nakkuma MLA inthlanah thawhpui party dang an nei dawn lo tih sawiin Zorama chuan, "Pathian rinchhanin kan mal din dawn. Mi ?henkhat hian BJP nen thawkho tur angtein thu an than tih kan hria. BJP hi kan thawhpui dawn lo, kan maldin dawn a ni," a ti. MNF Party president in BJP nen an thawhdun dawn loh zia hi a sawichianna a rei viau tawh a ni.
February 29,2018 a Vanglaini chanchinbu chhuakah (http://www.vanglaini.org/tualchhung/80853) khan "MNF president Zoramthanga chuan nimin khan North Vanlaiphai community hall-ah MNF Hrangturzo West & East Block Joint Conference a hmanpui a; kum 2018 Assembly inthlanah MNF-in thawhpui an nei dawn lo a, an mal din dawn tih a sawi a, BJP nen inzawmna an neih loh thu a sawi" tih tarlan a ni a. A sawi zelnaah "MNF Prsident chuan, mi ?henkhatin MNF chu BJP nena inzawmna nei ang dawn dawna an sawi ?hin thu sawiin, "BJP nen ngat phei chuan inzawmna pakhat mah kan nei lo leh zual a, kan thuthlungah chhim leh hmar ang kan ni," a ti.
August 22,2018 a Vanglaini chanchinbua (http://www.vanglaini.org/tualchhung/74418) a lan danin "Nimina Mizo Hnam Rûna inkhawmah thu sawiin Zoramthanga chuan, MNF chu BJP nena thawk dun tur anga sawi a ni ?hin chu thu dik lo a ni tih a sawi a, "BJP kan thawhpui dawn lo a, a malin kan ding dawn a ni," a ti tih kha kan hmu leh vek awm e.
Pu Zoramthangan kum thum chhunga a thusawi hrang hrang khi en ila, "Mal din, BJP thawhpui loh" hi an dinna ngai reng a la ni zel tih candidate puan hnu thlengin kan hre awm e.
MPCC President Pu Lal Thanhawla'n eng nge BJP lam hawi a sawi ve?
May 31,2104 a Vanglaini chanchinbu chhuak Congress ni lo hrawn an nuam zawk: Hawla (http://www.vanglaini.org/tualchhung/19794) Chief minister leh MPCC president Lal Thanhawla chuan, Mizorama Congress sorkarin Central-ah Congress ni lo sorkar a lo hrawn tawh ṭhin tih sawiin, sorkar laipuia Congress sorkar aiin Congress ni lo sorkar hrawn an nuam zawk niin a sawi a; Central-a Congress-in thuneihna a chang lo chu Mizoram Congress tan a ṭhatna kawng tam tak a awm niin a sawi bawk.
July ni 5 , 2014 Vanglaini chanchinbu chhuakah chuan "India ram Hindu rama siam tura BJP hmalakna ka hre lo: Hawla (http://www.vanglaini.org/tualchhung/21260) MPCC president Lal Thanhawla chuan, BJP-in India ram Hindu rama siam tura hma an lakna tun thlenga an la hriat loh thu sawiin, "BJP chu India ram Hindu rama siam duh an ni a, mahse, an zingah duh lo tam tak an awm ve tho a ni," a ti.
June 11 , 2016 a Vanglaini chanchinbu tarlan dan : NDA-in Mizoram min duhsak - Chief Minister
(http://www.vanglaini.org/tualchhung/55884) Chief Minister hian nimin khan Congress Bhavan-ah thu sawiin, "UPA sorkar khan min duhsak an tum hle a, kan dawngsawng ṭha thiam lo lek lek zawk a ni. UPA ai khan NDA-in min duhsak zawk em aw tih ka ngaihtuah," a ti
July 9, 2016 a Vanglaini chanchinbu tarlan dan :
BJP-in India hi Hindu ramah siam a tum: Lal Thanhawla (http://www.vanglaini.org/tualchhung/57235) Chief minister Lal Thanhawla chuan, BJP-in India ram chu Hindu ramah siam an tum a, chumi lak ata chu lo inven mai tur a nih thu a sawi. hetihlai hian Mizo tam takin an hlauh Yoga chu hlauhawma a ngaih loh thu a sawi thung.
Kum hnih hmalamah chuan "India ram Hindu rama siam tura BJP hmalakna ka hre lo: Hawla" a ti a; mahse July 7,2016 ah chuan "BJP-in India hi Hindu ramah siam a tum: Lal Thanhawla" a ti leh a..
May 5, 2018 a Vanglaini chhuak en ila :
'Hawla'n BJP an thawhpui chhan a sawi Buddhist BJP-te hi hlauh tur an ni lo - Hawla' (http://www.vanglaini.org/tualchhung/84099) Congress party persident Lal Thanhawla chuan, Chakma Autonomous District Council (CADC)-a BJP an thawhpui chu BJP lamin thawhho an duh vanga thawhpui an nih thu a sawi a, "Buddhist BJP-te hi hlauh tur an ni lo," a ti.
Kan hmaa inthlanpui vote chhiar zawhah sorkarna siam thei khawp party an awm lo a nih chuan sorkarna siam tumin eng party pawh an inrim tawn ang. Chu chu inthlang rama thil kalphung pangngai pakhat a ni. BJP hian Hmarchhaka Kristian tamna state-ah chak zawh an inrin loh vangin inthlanpui zawha sorkar siamnaah tel an tum ziah a. Chu chu an thupui India ram atanga Congress nuaibo (Congress Mukht Bharat) tum ber pawh a ni. Chutiang a nih reng lai chuan kumin May thla tirah India rama thil thleng ngai lo CADC ah BJP leh Congress thawhdunna sorkar a piang a nih kha. A va mak ve, tun inthlanpuiah pawh hian an inmawngzawm reng lo ang tih tunge sawi thei?!
-Lallianzuala Fanai
Comments
Post a Comment