Congress MLA Lalrinliana Sailo Show Cause Notice dawng hmasa lovin an ban nghal mai dawn em? Congress Party boruak a khi nasa.

Vawiin Zirtawpni September ni 21, 2018 hian Congress Sawrkara Cabinet Minister hlui leh Tuichang bialtu MLA nilai Lalrinliana Sailo chuan Congress MLA candidate tan Tuichang bialah tlin a har dawn thu a sawi.

ZORAM TODAY: Vawiin khan thuthar thehdarhtu thenkhatte'n amah an kawmna ah Tuichang bialtu MLA chuan Congress tan Tuichang bial chu tlin nan bial harsatak anih tur thu sawiin " Pu Tawna (MNF Sr.Vice President) hi vote 3000/4000 velin a chak tawh mai lo maw aw ka ti," tiin an tan bial hautak anih tur thu a sawi a. Rina Sailo chuan " Khawzawl mipuite'n district tihpuitlin an duhna a nasa a, tin kan sawrkarin zu kan zawrh avangin kan tla hniam bawih bawih a, kan party tan chak a harsa tawh dawn ani," a ti a. Sawrkarin zu an zawrh chu kohhranah an tlaknatloh phah thusawiin pawi a tih thu a sawi lang bawk.

 Congress Party General Secretary leh Aizawl District Congress Committee a President pawh lo nitawh Lalrinliana Sailo hian September ni 19 khan chanchinbumi ṭhenkhatte hmaah Congress in an Vice President R.Lalzirliana an hnawtchhuak chu pawi a tih thu leh Home Ministerin Saitual district function bial mipuite aiawha a ngiat chu awm a tihpui thute, Congress sawrkar tan thil tih hlawhtlin harsa anihloh thu a lo sawi tawh ani.

Congress party hian an party tana thu lawmawmloh a sawi ṭhin avangin insawifiah turin Rina Sailo hi an lo ti tawh a, tunhnai khan Bhavanah thu sawiin a bial hi a chhuahsan anih chuan bial mipuite a ngaih tur thu leh Congress chhuahsan atan ala in phal loh thu a lo sawi tawh a. Tin, an Party President Lal Thanhawla leh Minister Zodintluanga te chuan Nomination Committee an party in an siam hma hauhin vawi thum lai he biala a din nawn leh tur thu an lo sawi tawh bawk. Hemi hnu hian Rina Sailo hian thudang a sawi leh tak zel avang hian MPCC Disciplinary Action Committee in R.Lalzirliana anga Show Cause Notice an pek a rinawm ta hle ani.