Zoram Today

"Mizorama uisa lakluh te chu check gate a vety doctor endik thlap hnua chhiah chawi ngai zawng zawng chawi hnuah lakluh chauh zel an ni"  (File Photo) Aizawl 16th  June, 2018 Inrinni Today News Service Zoram Today:  Uisa Zuar Association (UZA) chuan Humane Society International (HSI) in tun hnaia Ui zawrh tur sawmthum panga leh a phurhna motor an man thu media hrang hranga lo lang chungchangah thil hriat sual a awm thu vawiina thuchhuah an siamah an tarlang. Uisa zuar tute hian Mizoram sawrkarah Societies Registration Act, 2005 (Act No. 13 of 2005) Reg No. MSR 930 0119.04.2018 anneih thu leh lehkha felfai tak nei a ui hi lalut țhin an nih thu an sawi bawk. Uisa Zuar Association chuan an Ui lakluh te chu check gate-ah Vety doctor te check tir hmasak vek hnu ah chhiah(tax) chawi tur ang chawia la lut chauh țhin a nih thu sawiin " Prevention of Cruelty to Animal Act 1960 dan kalh lovin kan ui lakluh te hi a www.zoramtoday.in hrehawm lo thei ang bera phurh...

Tun hnai ruahsur nasa avanga lei tawlh vangin Darlawn Venghlunah In panga seng ruah niin pakhat țhiah ani tawh. Aizawl 16th June, 2018  Inrinni Today News Service Zoram Today:  Darlawn Venghluna lei tawlh hi Zirtawpni dar 11:00 vela in țan ani a, he thu buatsaih lai thleng hian 5ft velin a tla hniam tawh a ni. Lei tawlh huam chhunga awm chhungkaw panga chenna: K.Lalzela, Lalhmasaa, Vanlalhluni, A.Lalrinmawiate awmna in chu seng ruah tawh niin Lalnunthara in, Krossnunpuia luah mek chu țhiah a ni tawh bawk. Darlawn Venghlun VC te chuan vanduaina avanga inthiar chhuak inluah tur neilote inluah tur an zawn sak a. An bungruate pawh Darlawn Venghlun Kohhran Hall-ah inluah tur an hmuh hma chu an dahsak dawn bawk  ani. He laia lei che hi Darlawn Venghlun VC Member, Henry Biakthansanga chuan, "Lei tawlhna lai vel hi lei thawlna lai a ni a,  lei chetna hmun hma hi Darlawn High School II thlang lawk atanga intan niin Agriculture Department Office kawng hian ala dan...

Hunthar Veng, Aizawl a lei tlahniam chu tunhnai ruahsur nasa avangin a che leh a, he lei tlahniam avanga harsatna awm mek leh awmthei te vangin helai kawnga motor kaldan thuneitute'n an ti danglam a; nikum 2017 June ni 13 a Pi B.Sairengpuii(L) building pathum ding tlar zinga pakhat chimta bula ding building dang pakhat pawh chim hlauhawmin tunah hian a awm mek. Aizawl June 16th, 2018 Inrinni  by VL Remruatfela Updated 1:30 am Zoram Today:  Pi B.Sairengpuii (L) In hi nimin leh nizan lam khan a che deuh niin helai chhehvel a awm te'n an sawi a, bakah lei hi chawl lovin a tawlh reng a, In ban in nghahna lei (foundation) pawh a chim thlak zeuh zeuh țan avangin a bulhnaia awmte pawh an in thiar chhuak hial ani. www.zoramtoday.in Nizan dar 9 vel khan he In hi a awn deuh ni a sawi a awm avangin a bul vela chengte an ralkhel hman hle. He thu hriat anih vel leh a hmunah hian Aizawl District Deputy Commissioner Pi A.Mathumma; Addl.DC John LT Sanga leh Aizawl North SDPO bak...

Aizawl 15th June, 2018 Zirtawpni ZORAM TODAY: Prime Minister hlui Atal Bihari Vajpayee chu vawiin chawhma lam khan thi angin social media ah a thang chiam mai a, India mipui tamtak thin a țhawng hman hial ani. Mahse, he thuthang hi thu belhchian dawl lo ani. Vawiin thleng hian AIIMS damdawi In a ICU ah enkawl mek zel a la ni a, a dinhmun hi darkar tinin doctor te'n an endik zel. Nimin June ni 14 a AIIMS Director Randeep Guleria sawi danin kum 93 mi Prime Minister hlui hi a dinhmun a țha chho zel niin a sawi a, hun reilo te hnuah  damdawi In chhuahsan thei khawpa a țhat chhuah leh an beisei thu a sawi bawk. BJP hruaitu hlun Atal Bihari Vajpayee hi June ni 11 khan damdawi In ah dah luh ani a, a kal(kidney) țhatloh vang leh zunkawng lama harsatna a neih vang nia sawi ani. Vajpayee hian zunthlum a nei a, a kal pakhat zawk chauh a țha a, kum 2009 khan stroke nantna vangin harsatna nasa tak a lo nei tawh bawk. Damdawi In ah hian ram puma Political party hruaitu țhahnem...

Aizawl 15th June, 2018 Zirtawpni ZORAM TODAY:  Mizoram State Health Society Executive Committee Meeting vawi 16-na chu vawiin khan Secretariat Conference Hall, Aizawl-ah neih a ni a. Meeting hi Chairman Pu Lalrinliana Fanai, IAS, Commisssioner & Secretary, Health  & Family Welfare-in a kaihruai a, Committee Member-te an kal tha hle. Mizoram State Health Society Executive Committee Meeting-ah hian Agenda hrang hrang zingah National Health Mission hnuaia thawktu hrang hrangte harsatna sutkian dan tur sawiho a ni a. NHM Guidelines-in a sawi angin NHM hnuaia thawkte chu State sorkar hna lakah a remchan dan ang leh a theih ang anga duhsak nise tih pass a ni a. Nau neite tana ‘Maternity Leave’ chungchang pawh sawiho niin fa 2 nei chin tan State sorkarin Dan a siam sa chu hman tur leh sorkar hnathawk ten mamawh tawk ang zela an chanvote an hman thiam a tul thu an sawi bawk. Heng bakah hian Programme Officer hrang hrangten an programme-a harsatna an neih leh programm...

Aizawl 15th June, 2018 Zirtawpni By VL Remruatfela ZORAM TODAY:    Nimin June ni 14 khan Chief Minister’s Conference Hall-ah PWD hotute leh Central YMA hruaitute'n Mizoram chhunga kawng siam chungchangah inremna thuthlung (Memorandum of Understanding) an ziak. PWD Minister Pu Lal Thanzara chuan PWD leh CYMA ten kawng, lei, insak thlengin thawhhona thuthlung an ziak chu lawmawm a tih thu a sawi a. " Heng thawhhona avang hian kawng quality tha zawk  a thlen ngei ka beisei a, chak taka hnathawh a nih ngei ka ring ani" a ti. Central YMA President Pu Vanlalruata chuan thu sawiin, "Nikum 2017 YMA General Conference, Zotlang, Champhaia neihah khan agenda-ah Mizoram chhunga inkalpawhna kawngpui tha leh changtlung zawk kan neih theih nan CYMA in hma la rawh se tih a rawn lut a, chumi bawhzuina chuan PWD nen inremna thuthlung ziah a lo ni ta a ni", a ti a.  Kawngpui chu mizo mipuite ta a ni a, PWD in an enkawl a ni tih kan hrethiam tan a ni, a ti a. Ram hmasa...

Aizawl 12th June, 2018 Thawhlehni ZORAM TODAY:  Tunhnaia India hmarchhak state hrang hranga darkar 60 chuang chhumlo chat lova ruah a sur avangin Mizoram ah pawh leimin, tuilian leh in chim eng emawzat a awm mek a, mipui nunphung a khailak avangin Mizoram sorkar pawhin chhiattawkte chhawmdawl dan leh harsatna sutkian nan theihtawp a chhuah mek zel ani. Directorate of School Education chuan order ti chhuakin tunhnai ruah sur nasa avangin harsatna tamtak a thleng thei ani tih hriain vawiin june 12 chawhnu leh naktuk june 13 thleng Mizoram puma sorkarin school permission a pek zawng zawngte chu chawl vek turin a hriattir ani. Sorkar school, Primary ațanga Higher Secondary School zirlaite chu an taksa him nan hemi chhung hian Inchhung chhuahsan lo turin an ngen bawk ani.

Aizawl June 11, 2018 Thawhțanni ZORAM TODAY:  Vawiin june ni 11 thawhțanni chhun dar 12:00 khan MZP chuan an conference hall-ah MZP general headquarters executive meeting an nei a, he meeting hi an President L. Ramdinliana Renthlei chuan a kaihruai ani. Meeting-ah hian June ni 30 Remna Ni hman dan tur an ngaihtuah. MZP meeting chuan MZP rorelna sang federal council sitting-in a lo rel tawh angin, ni 30 (Remna Ni) June, 2018 hi Zofate tan chuan ni chhinchhiahtlak leh hlu tak a nih avangin Mizoram hmun hrang hranga awm Zofate'n he ni hi kan hlut deuh deuh theih kan duh an ti a, "Rualkhai tak leh inlungrual taka kan hman zel theih nan MZP huaihawta Mizoram hmun hrang hranga hman nise" tiin a rel ani. Hemi ni hian Aizawlah pawh hman tum a ni a, Remna Ni hi Mizorama political party hrang hrangte leh NGO hrang hrangte nen a huhoa lungrual taka hman tura ruahman a nih thu an thuchhuah ah tarlan ani. Remna Ni hi Mizoram hmun hrang hrangah pawh MZP hruaitute ruahmannaa h...

Aizawl 09th June, 2018 Inrinni ZORAM TODAY:  Aizawl East-II Area MUP leh NECS hotupa,  Aizawl Football Club neitu nibawk Pu Robert Romawia Royte, Chhinga Veng te'n hun rei tak ațanga thawh hona an neihin a țha zawngin nghawng a nei zel. Kum upate hamțhatna atan leh thawhona țha neih zel theihnan vawiin june ni 9 Inrinni hian Saron Veng a Mizo Upa Pawl(MUP) member sawm(10), area leader leh an hruaitute panga(5) te chuan Țhuampui Helipad ațangin Helicopter-in Aizawl khawpui an fangkual ani. Helicopter a Aizawl fankual neih hmaa hunserh tawi neih ah NECS Chief Managing Director Pu Robert Romawia Royte chuan thusawiin, Upate chu hnam rohlu an ni a, an tana intihhlimna tur a buatsaih thei chu lawmawm a tih thu a sawi. "Helicopter la chuang ngailote puala program buatsaih hi Mizo te'n Upate zahna leh ngaihpawimawh nachang kan hriatzel nan a țangkai ka beisei ani" a ti. Aizawl East-II Area MUP President Pu Rorehlova Sailo pawhin thusawiin, Pu Romawia Royte te chh...

Aizawl 09th June, 2018 ZORAM TODAY:  Nimin June ni 8 khan PRISM Party General Secretary Pu SL Ngursailova Sailo chuan PRISM Party office-ah PRISM Party ‘Phochhuah Beihpui’ kal zelah press mite kawmin, ram hruaitute zinga mi Minister John Rotluangliana hausakna chu kum 5 chhungin cheng nuai 969.23 in a pung hman niin a sawi. Ngursailova Sailo chuan John Rotluangliana hi kum 1993, 2008 leh 2013-ah te MLA atan thlan tlin a ni, a ti a. "Kum 2008 MLA thlan khan a nupui leh a dependent te nena an thil neih chu : Pawisa Rs 11,36,948 (Nuai sawm pakhat singthum sangruk zakua sawmli pariat) Gypsy 2, In pakhat Rs 90,80,000/- (Nuai sawmkua singriat) man leh ram 4 a hlutna Rs 7,60,000 (Nuai sarih singruk) a ni a. A hausakna hlut zawng hi Rs 109,76,948 (Nuai za pakua, sing sarih sangruk zakua sawmli pariat) leh Gypsy 2 a ni. He termah hian Dy. Speaker a ni" a ti a. "Kum 2013 inthlan khan Mamit Constituency-ah ding lehin a nupui leh a dependent te nena an thil neih chu : Pawis...

Aizawl June 8th, 2018 ZORAM TODAY: Mizoram Govt. Lumpsum Grant-In-Aid Higher Secondary School (MIGLAHSSA) pakua-te chuan Adhoc Status-a hlangkai tura sorkar an phut ani tih lantir nan nimin june ni 7 ațang khan ‘Demand Day’ an hmang a, zirtirtute pawhin zirlaite an zirlai an zirtir lo. Thuchhuah an siamah MIGLAHSSA chuan khawtlang enkawl mek Higher Secondary School-te hi mamawhna a san em avanga khawtlang țangrualin kum 2004 leh a hma lama a din te an ni tiin, "Kum 14 chuang zet khawtlangin sum leh pai thawhkhawmin a lo enkawl tawh a ni" an ti a. Vawi engemaw zat sawrkar thuneitute hnenah dinhmun țha zawka dah ve tura an ngen pawhin sawrkar ațangin thu lawmawm an hmu ngailo niin an sawi bawk. School pakhat zelin zirtirtu hlawh atan chauh pawh tun thlengin mipui thawh khawm cheng nuai 60 ațanga 80 vel țheuh an seng tawh niin an sawi a, "MIGLAHSSA chuan School Managing Board-te’n zirlaite hmakhua an ngaihtuah em em laia loh theih lohna avanga 'Demand Day' ...

Aizawl June 8th, 2018 ZORAM TODAY : Ex- Mizo National Army Association (Ex- MNA) chuan June 7 ningani khan thuchhuah siamin ram leh hnam tana an rawngbawlpui unau, MNF Uderground Returnees Association (MURA)te'n sorkara an thilphutte kum 10 dawn dawhthei taka an nghah thu sawiin "Sorkarin tihlawhtling tura an laka a lo intiam anga vawiin ni thlenga a la tihhlawhtlinsak theih loh avanga chawngheia nawr hial a lo ngai ta mai hi Ex-MNA Association chuan pawi a ti a, a lainat takzet ani" an ti. Ex- MNA chuan kum lam pawha upa tawh takte, kum 60 chunglam an unaute'n chawngheia sorkar an nawr a ngai ta mai chu an taksa hriselna paw'n a tawrh phah thei tiin "An ngaihtuahawm kan ti a. Lo nghak tura sorkarin hun a tiam leh chhung pawha a la tihsak thei ta lo fova, hetianga chawngheia nawr hial a ngai ta mai hi vanduaithlak kan tihpui takzet a ni" tiin an thuchhuah ah tarlan ani. Congress sorkar hian MURA laka a intiamna hrang hrangte, tuna an thilphutte ...