Aizawl 09th June, 2018 Inrinni
ZORAM TODAY: Aizawl East-II Area MUP leh NECS hotupa, Aizawl Football Club neitu nibawk Pu Robert Romawia Royte, Chhinga Veng te'n hun rei tak ațanga thawh hona an neihin a țha zawngin nghawng a nei zel.
Kum upate hamțhatna atan leh thawhona țha neih zel theihnan vawiin june ni 9 Inrinni hian Saron Veng a Mizo Upa Pawl(MUP) member sawm(10), area leader leh an hruaitute panga(5) te chuan Țhuampui Helipad ațangin Helicopter-in Aizawl khawpui an fangkual ani.
Helicopter a Aizawl fankual neih hmaa hunserh tawi neih ah NECS Chief Managing Director Pu Robert Romawia Royte chuan thusawiin, Upate chu hnam rohlu an ni a, an tana intihhlimna tur a buatsaih thei chu lawmawm a tih thu a sawi. "Helicopter la chuang ngailote puala program buatsaih hi Mizo te'n Upate zahna leh ngaihpawimawh nachang kan hriatzel nan a țangkai ka beisei ani" a ti.
Aizawl East-II Area MUP President Pu Rorehlova Sailo pawhin thusawiin, Pu Romawia Royte te chhungkuain hun reitak ațang tawha Aizawl East-II huamchhunga MUP te an lo țanpui tawh țhin dan a sawilang nghal a, "An chhungkaw chunga MUP member te kan lawmzia leh kumin kum 2018 Aizawl East-II MUP Meet sum cheng nuaih bi senga a sponsor tawh hnua MUP memberte la tawn ngailoh ‘Helicopter Ride’ member 100 zet tana sum tamtak senga a buatsaihsak leh ta hi hriatreng tlak anih angin kan hre reng dawn a ni" a ti bawk.
Kum 2018 Aizawl East-II Area MUP Meet-a ‘Lengkhawm Zai’ intihsiaka 1-na an nih avangin Saron Veng MUP te hian 'Helicopter Ride' hi an nei hmasa ber a, Aizawl East-II huamchhunga MUP Unit dang 6 – Chite, Dawrpui, Chhinga Veng, Tuithiang, Armed Veng leh Armed Veng South atanga MUP unit te'n an thlanchhuah member 100 te'n ‘Helicopter Ride’ hi a inchhawkin an nei zel dawn niin kan thu dawnna chuan a sawi.
ZORAM TODAY: Aizawl East-II Area MUP leh NECS hotupa, Aizawl Football Club neitu nibawk Pu Robert Romawia Royte, Chhinga Veng te'n hun rei tak ațanga thawh hona an neihin a țha zawngin nghawng a nei zel.
Kum upate hamțhatna atan leh thawhona țha neih zel theihnan vawiin june ni 9 Inrinni hian Saron Veng a Mizo Upa Pawl(MUP) member sawm(10), area leader leh an hruaitute panga(5) te chuan Țhuampui Helipad ațangin Helicopter-in Aizawl khawpui an fangkual ani.
Helicopter a Aizawl fankual neih hmaa hunserh tawi neih ah NECS Chief Managing Director Pu Robert Romawia Royte chuan thusawiin, Upate chu hnam rohlu an ni a, an tana intihhlimna tur a buatsaih thei chu lawmawm a tih thu a sawi. "Helicopter la chuang ngailote puala program buatsaih hi Mizo te'n Upate zahna leh ngaihpawimawh nachang kan hriatzel nan a țangkai ka beisei ani" a ti.
Aizawl East-II Area MUP President Pu Rorehlova Sailo pawhin thusawiin, Pu Romawia Royte te chhungkuain hun reitak ațang tawha Aizawl East-II huamchhunga MUP te an lo țanpui tawh țhin dan a sawilang nghal a, "An chhungkaw chunga MUP member te kan lawmzia leh kumin kum 2018 Aizawl East-II MUP Meet sum cheng nuaih bi senga a sponsor tawh hnua MUP memberte la tawn ngailoh ‘Helicopter Ride’ member 100 zet tana sum tamtak senga a buatsaihsak leh ta hi hriatreng tlak anih angin kan hre reng dawn a ni" a ti bawk.
Kum 2018 Aizawl East-II Area MUP Meet-a ‘Lengkhawm Zai’ intihsiaka 1-na an nih avangin Saron Veng MUP te hian 'Helicopter Ride' hi an nei hmasa ber a, Aizawl East-II huamchhunga MUP Unit dang 6 – Chite, Dawrpui, Chhinga Veng, Tuithiang, Armed Veng leh Armed Veng South atanga MUP unit te'n an thlanchhuah member 100 te'n ‘Helicopter Ride’ hi a inchhawkin an nei zel dawn niin kan thu dawnna chuan a sawi.
Comments
Post a Comment