ZORAM TODAY: Mizo Students' Union (MSU) General Headquarters chuan May ni 21, 2018 Thawhtanni chawhma dar 10:30 khan Lal Thanhawla Auditorium, Aizawl-ah Higher Secondary School Leaving Certificate (HSSLC) Examination, 2018-a Mizo zirlai tițha top 3 - Arts, Science, Commerce & Vocational te lawmpuina leh chawimawina hun an hmang a, he hunah hian Pu Lal Thanhawla, Chief Minister chu khuallian niin Pu R. Lalzirliana, Home Minister chu khualzahawmah an hmang.
Thusawitu MSU President RB Lalmalsawma chuan, "Mizoram sorkarin zirlaite study tour/excursion neihna tur atana kum 30 hnuah budget-a dah a nih avangin sorkar hnenah lawmthu kan sawi a, zirlaite chu zirna ngai pawimawh a, ram tana an thiamna leh finna te hmang thei tura zirna chhunzawm zel turin ka sawm a ni. Medical doctor țhenkhatte an clinic aia damlo mangangte tanpui duhna thinlung pu leh enkawl an awm hi lawmawm ka ti hle a ni," a ti. "Zirlai pass thar zawng zawngte MSU-in a lawmpui takzet a, zir hmabak leh HSSLC exam la hmachhawn turte pawh lawmpuina hman leh huna dawhsana thu thei ngei tura lehkha zir turin ka sawm bawk a ni," a ti bawk.
He hun hi Benjamin Lalnghaka Fanai, Vice President-in a kaihruai a, Lalthanzuala, General Secretary-in MSU chanchin leh MSU thil tum sawiin inhmelhriattirna hun a nei bawk.
Vawiina zirlai titha lawmpuina hlante hi a vaiin mi 12 an ni a. Arts Stream atangin (i) C. Vanlalremruati d/o C. Sangthanga, Home Mission School, Aizawl, (ii) Jammy Vanhmingliana s/o R. Vanlawmkima, Oikos Hr. Sec. School, Aizawl (iii) Lalpianpuii d/o Sangkunga, Synod Hr. Sec. School, Aizawl; Science Stream atangin (i) Angela Vanlalhmangaihi d/o Lalneihthanga Colney, (ii) Ruth Lalrinawmi d/o Vanlalhriata , (iii) K. Lalrinpuii d/o Lalrochhuanga te niin, an vai hian St. Paul's Hr. Sec. School, Aizawl atanga pass an ni. Commerce Stream atangin (i) K. Lalthansanga s/o K. Lalromawia, St. Joseph Hr. Sec. School, Aizawl (ii) Phillip Lalremtluanga s/o Zoliansanga, St. Paul's Hr. Sec. School, Aizawl, (iii) H. Lalrohlua s/o Lalengzauva, Oikos Hr. Sec. School, Aizawl; leh Vocational Stream atangin (i) Lalhriatkimi d/o H. Lalchhandama (Commerce Garment Designing & Making), Govt. Mamawii Hr. Sec. School, Aizawl, (ii) R. Laltlanmawii d/o R. Lalrinawma (Sericulture), Govt. Saitual Hr. Sec. School, Saitual (iii) C. Lalhundika s/o Peter Rothazuala (Sericulture), Govt. Zemabawk Hr. Sec. School, Aizawl te an ni a. Citation leh pawisafai bakah lehkhabu pek theuh an ni. Zirlaite bakah hian stream tin a top 3 zirlai nei school pakua (9) hnenah lawmpuina hlan a ni bawk. Kumin HSSLC Exam-ah hian zirlai exam 11,802 zingah 9,500 pass in, pass percentage chu 80.49% a ni a. Nikum 2017 khan HSSLC pass percentage chu 74.36% a ni.
Vawiin MSU Gen. Hqrs-in Mizo zirlai tithate lawmpuina inkhawm a buatsaihah hian Career Awareness neih tel a ni bawk a: Pu Lalhruaitluanga, Managing Director, ZoCareer Solution leh Pu Joseph L. Ralte, Expert Member, MEDMOC atangin thusawi ngaihthlak a ni a. MSU chuan vawiin programme ah hian Chief Minister chu zirlaiten state tour & excursion an neih theih nana kumin State Budget a sum dah a nih avangin leh, Home Minister chu HPC(D) te nen inremna thuthlung Mizoram Sawrkarin a ziah avangin chawimawna an hlan bawk a ni.
Vawiin MSU Gen. Hqrs-in Mizo zirlai tithate lawmpuina inkhawm a buatsaihah hian Career Awareness neih tel a ni bawk a: Pu Lalhruaitluanga, Managing Director, ZoCareer Solution leh Pu Joseph L. Ralte, Expert Member, MEDMOC atangin thusawi ngaihthlak a ni a. MSU chuan vawiin programme ah hian Chief Minister chu zirlaiten state tour & excursion an neih theih nana kumin State Budget a sum dah a nih avangin leh, Home Minister chu HPC(D) te nen inremna thuthlung Mizoram Sawrkarin a ziah avangin chawimawna an hlan bawk a ni.
Comments
Post a Comment