ZORAM TODAY: Vawiin May ni 24, 2018 khan MNF Țhalaite chuan Ramrikawn - Sakawrtuichhun kawng black topping neih mek leh siam zawh tawh chu a hmunah an enfiah a, MNYF headquarters ațangin Vice President Lalremruata Chhangte leh Lalzahawma Khiangte, Treasurer hovin țhahnem tak an kal.
Lalremruata Chhangte chuan, "Kawng siamtu contractor hian hna a thawk lawk thei lo va. Ramrikawn leh Sakawrtuichhun inkar km 3 lek blacktop tur hian Tantia Company te sub-contract-in a thawhtir hial a. Hetiang contractor hna thawk thei lo thlangtu hi Chief Minister Pu Lal Thanhawla leh Lal Thanzara te unau an ni a, contractor nen hnungthak inhiat tawnin sam an inphiar zawm ngeiah kan ngai nghet tlat a, an unau duhsak rawn vai company Sunshine Overseas-a an tih angin engzat % nge share an lak ve sawi thuai turin kan phut a ni," a ti a, "Kum 2018 inthlan campaign fund tuak nana an hman zingah Sakawrtuichhun kawng hi a tel ve em ni tih PWD Minister Lal Thanzara kan zawt a ni," a ti bawk.
MNF Ṭhalai thuchhuahin a tarlan danin, Sakawrtuichhun - PTC Road hi 7.75 km-a thui blacktop tur niin, kum 2016 October thlaa NABARD ațanga sorkar loan hmuh leh state sorkar sum tum belhkhawm cheng nuai 931.86 hmangin contractor Pu Lalfamkima, Ramhlun North chuan January 2017 khan work order a hmu a. Kum 2017 chhunga thawh zawh tur chu May ni 24, 2018 thlenga hna 80% vel bak thawh a la ni lo va, furpui vawi khat pawhin a chiah hmaa thawh zawh chhunte hmun eng emaw zat siamțhat nghal ngai khawpin a chhe leh tawh a, chung siamṭhat hna chu an thawk mek a ni.
MNF Ṭhalai thuchhuahin a tarlan danin, Sakawrtuichhun - PTC Road hi 7.75 km-a thui blacktop tur niin, kum 2016 October thlaa NABARD ațanga sorkar loan hmuh leh state sorkar sum tum belhkhawm cheng nuai 931.86 hmangin contractor Pu Lalfamkima, Ramhlun North chuan January 2017 khan work order a hmu a. Kum 2017 chhunga thawh zawh tur chu May ni 24, 2018 thlenga hna 80% vel bak thawh a la ni lo va, furpui vawi khat pawhin a chiah hmaa thawh zawh chhunte hmun eng emaw zat siamțhat nghal ngai khawpin a chhe leh tawh a, chung siamṭhat hna chu an thawk mek a ni.
MNF Thalai chuan, he kawng hi Hunthar veng lei tlahniama motor a kal țhat theih loh changin Lengpui Airport leh khawthlang pan nana mipuite hman rim ber a ni a, kawng siam zawh hnu thla hnih khat bak a la ral hmaa hetianga a chhiat leh nghal mai avangin Sakawrtuichhun NGO Coordination Committee pawhin nasa takin hma an lo la tawh nghe nghe. Hetianga hnathawh chhe lutuk mai hi a enkawltu contractor bakah a viltu engineer leh PWD Minister inthlahdah vang liau liauvah MNF Țhalaite chuan kan ngai a. Kawng siam hmabak leh siamțhat mek hi a nih dan tur ang taka siam turin Mizoram sorkar kan phut a ni, an ti.
Va chhe em em ve
ReplyDeleteA chhiat bakah FCI motor lian puiq2 ten an rap nghal a. Motor lian tlan phal tir loh tur ania a leilung in a zir loh bakah a kawng a te a. A hrim2 in an kawng hi an siam thalo em ani
ReplyDelete