ZORAM TODAY: Vawiin May ni 28, 2018 (Thawhtanni) khan Mizo Hnam Run chhung inkhawm neih a ni a, MNF President Pu Zoramthanga'n thu sawiin, "Hnam thinlunga kan harh theih lohna chu Mizoramah hnam thinlung dodaltu Congress a la lian lutuk a, tun thlengin an la sorkar bawk si a; hnam thinlung dodaltu hi a chhiat phawt a ngai a, India ram pumah an zawmpui an tlachhe chho ta zel a, Mizoramah pawh Congress sorkar a tlachhe ve mek a. Mizoram mipui kan tho chhuak dawn ta. Tunah chuan hnam thinlungah kan harh tawh dawn a ni," a ti.
Pu Zoramthanga chuan, "Tuna Mizoram dinhmun chu a chhe hle a, Mizoram kawng zawng zawngte pawh ICU-a awm ang a ni a, thingtlang khaw chengker pawh ni lo Champhai khawpuiah meuh pawh thla 5 hnuah pawh Gas an hmu chhunzawm thei lo. Nationalism tihchhiat tumtu Congress sorkar hnuaiah hian kan rum a, kan tap a ni. Pathianin, 'Amor ho sualna a kin hma loh chuan' a lo tih angin thil thleng tura a remruat 'factors' chi hrang hrang tunah a thlen kimtir tan ta a ni. Pathian leh mipui zarah MNF a sorkar chuan Sorkarah 'Pa' a thu ang a, party-ah 'Nu' a thu thung ang a, rorelna fel taka kalpui a ni dawn a ni," a ti.
MNF chuan hmathlir a induang fel hle tawh tih sawiin MNF hmalakna tur thenkhat a sawi a, "MNF sorkar chu langtlang sorkar a ni tawh dawn a, langtlang sorkarah chuan corruption pawh automatic-in a insawr zim tawlh tawlh dawn a, tih hleihtheih lohvin a awm thuai dawn a ni. Aizawl khawpuia lirthei tawt siamfel nan kawng chhawng (elevated road) siam vek kan tum a, motor parking thahnem tak kan siam ang. MNF kan sorkar chuan Assam Rifles-te pawh insawn chuuak ngei turin mipuiin an beisei dawn a ni. Economy-a kan tumpui ber chu Delhi mamawh miah lova awm theih hi a ni a. Kan danglamna tur chu chu 'keini MNF-te chu a neitu dik tak kan ni, a dangte hi chu mikhual min hawsan leh mai tur an ni," a ti bawk.
MNF chuan hmathlir a induang fel hle tawh tih sawiin MNF hmalakna tur thenkhat a sawi a, "MNF sorkar chu langtlang sorkar a ni tawh dawn a, langtlang sorkarah chuan corruption pawh automatic-in a insawr zim tawlh tawlh dawn a, tih hleihtheih lohvin a awm thuai dawn a ni. Aizawl khawpuia lirthei tawt siamfel nan kawng chhawng (elevated road) siam vek kan tum a, motor parking thahnem tak kan siam ang. MNF kan sorkar chuan Assam Rifles-te pawh insawn chuuak ngei turin mipuiin an beisei dawn a ni. Economy-a kan tumpui ber chu Delhi mamawh miah lova awm theih hi a ni a. Kan danglamna tur chu chu 'keini MNF-te chu a neitu dik tak kan ni, a dangte hi chu mikhual min hawsan leh mai tur an ni," a ti bawk.
Comments
Post a Comment