Skip to main content

METAL BAND HLAWHTLING IIIrd Sovereign

Mizo death metal band IIIrd Sovereign hi music ngainatu, a bikin \halaite chuan kan hmelhriat tawh viau awm e. Mizorama din ni mah se a tir a\angin Delhi lamah an chetla nasa zawk mah a, band member tam zawk hi Mizo an ni a, chutih rualin awmna hmunte a dan \hin avangin Mizo ni lem lote pawh band-ah hian an tel ve fo. Engpawh nise Mizo band tiin sawi mah ila kan tisual lutuk lo ang.

A tirah chuan
Kum 2003 khan Aizawl Chanmari veng tlangval pathum Reuben Pachuau, Jonah leh Jason te chuan band thar din zai relin a hmingah IIIrd Sovereign an vuah a, death metal music lama tuihal tak an nih avangin an music erawh chuan mipui nawlpui ngainat a hlawh lem lo. Bass guitar perh pahin Jonah chu a zai mai \hin a, a hnuah vocalist atan Mala lain |halfavang Kut leh program dang dangah an perform ve nual a, sawmna neuh neuh pawh an dawng nghal nual a, mahse, Mizoram chhunga perform tur chuan an music tum \hin death metal a nih avangin an inthlahrung deuh \hin! Hemi kum September thla hian an concert hmasa ber chu Vanapa Hall-ah an nei nghe nghe. Hetih lai vel hian college leh university zirlaite an la nih nuk avangin duh thalin an la che thei lo bawk. 2004 khan IIT Delhi lamah te an perform zui bawk.

Delhi lamah
An zirlai an zawh fel hnuin ram danga music zir chhunzawm tumin Reuben leh Jonah te chu an inbuatsaih a, kum 2004 tawp lamah Delhi-ah visa te buaipuiin an kal a, visa an buaipui lai hian Parikrama School of Music-ah leh Noida School of Music-ah te zirtirtu hna thawkin an inhlawh ve bawk a, 2005 chhoah Delhi a an \hiante nen band chu kalpui zelin hmun hrang hrangah an zai mawlh mawlh tawh. Visa an hmuh hnuin music zir chhunzawm pawh chu an tum hleithei ta lo. 2006 ah an EP hmasa ber Horrified Visions chu Chhaino production hnuaiah an tichhuak a, hemi kum hian Republic Veng (Aizawl) tlangval Benjamin chuan a zawm ve a. Hetih lai vel hian Delhi based Mizo Commercial Band hlawhtling tak Toya Band-ah te an play ve lawp lawp bawk. Genre hrang hrang (Pop, blues etc.) an play chuan hmasawnna tam tak a thlen niin an sawi.

Ram pum huapin
2007 a lo herchhuak chuan Mumbai lamah Independence Rock (I Rock) ah te, Great Indian Rock ah te an play chho ve leh ta a, hemi hnu a\ang phei hi chuan chawl loin an kal zel a, India ram a stage lian zawng zawngah chuan an play kim vek tawh a, foreign lam thlengin sawmna an dawng a, harsatna neuh neuh avangin an tihhlawhtling thei lo fo. Death metal hi a music mai bakah a hla thu kente a turu deuhhlek \hin avangin hmun tam takah an inthlahrung viau \hin. Hemi kum hian an record label Demon Stealer hnuaiah album puitling Destined to Suffer an tichhuak leh a. India ram music magazine lar RSJ (Rock Street Journal) chuan an magazine c.d atan an hla pali an produce sak nghe nghe bawk.

Europe ramah
Kum 2008-ah an single Everlasting Burn  tichhuak lehin 2010 thleng active takin an play chho zel a. 2010 hnu lamah hi chuan thawm an nei ta rih meuh lo. Aizawl lamah te rawn haw chhoin Sikulpuikawnah Vortex Studio (Music School leh Recording studio) an din a, sawmna an dawng neuh neuh reng a, an hman kim changin an tihhlawhtling ve leh zeuh \hin a, a tam zawk erawh chu an tihhlawhtling thei tawh meuh lo. Tichuan, 2015 a\angin album buaipui chho lehin an record label Transcending Obscurity hnuaiah kumin 2016 kum tir khan an full length album pahnihna Perversion Swallowing Sanity chu an tichhuak leh ta a ni. A hmaa an tihchhuah tawh te ang thoin an album thar hian Indian metal music fans te a tilawm leh ngang mai. Hei zet hi chu India ramah chauh up beh mai mai theih a ni ta lo va, Indian death metal history a thil thleng zen zen lo ni turin Europe lam thlengin an chanchin an lo hre ta a, Spanish Recording Label Company ‘The Horror Dimensions’ chuan Europe ram pumpuia hralh chhuah tur Europe edition siam an dil ta hial a, tunah hian hmalakna a kal mek a ni.

Band thawkrim IIIrd Sovereign
Heti taka hlawhtlinna chang tur hian IIIrd Sovereign te hian an ti mai mai lo va, an entawntlak hle. Zirna lamah an graduate (B.A) vek a, an concert leh exam hunte a innang titih fo va, an buai ve hle \hin. Band an din tirh a\angin instrument \ha ber ber an hmang bik lo va, heti taka thiam tur hian ni tin darkar khat tal an practice \hin. An drummer Reuben Pachuau phei chuan tunah hian Mizoram University Education Department hnuaiah M.phil zir zoin Ph.d a bei leh mek a, college a kal lai a\ang tawhin exam lai pawh ni se ni khatah darkar khat tal drums a vuak \hin thu leh chu chuan a zirlai a tibuai lo mai ni lovin lungawi taka lehkha a zir theih phah \hin thu a sawi.

An metal vak lo!
Tunlai tleirawl, a bikin rock music ngainate chuan intih pa nan ‘inlak metal’ kan uar hle! T.V leh Youtube vela kan hmuh \hin death metal band tam takte hi stage a an lan ang ngawt an lo ni kher lo tih IIIrd Sovereign band a\ang hian a hriat theih khawp mai. Polite leh smart takin min lo dawng sawng a, an hawiher leh che velah lehkhathiam an nihna a lang bawk. An metal vak lo a nih chu! A metal lai ber erawh an bassist Jonah-a’n 2014 khan accident avangin a kut zungte vei lam a titliak a, a tirah harsatna thlen bawk mah se beidawn nan a hmang lo va, nasa taka practice zawkin tunah chuan a kutzungte a hmang thei lo tih hriat loh khawpin a play leh thei tawh a, a entawntlak tak zet a ni.

Hmachhawp
An hun tam zawk Vortex lama an hman a \ul tawh avangin Delhi based band ni mah se Delhi-ah an khawsa meuh tawh lo a, manager anga an hman mek Delhi nula Marian Farah chuan an band management leh thil \ul apiang a lo buaipui mai \hin. Kumin chhung hian E.P tihchhuah leh hman an tum. Anmahni hna \heuha buai chungin hla thar an buaipui reng a, an vocalist, Assam tlangval Vedant pawh an chhungkaw sumdawnna lam enkawl chungin a \ul hun apiangah Aizawl lamah a lo chho ve mai \hin a ni.

Lunatic Chamber  
Hman deuha Local TV demand channel lama lar em em \hin, metal music hmanga turu taka Nursery Rhymes hrang hrang satu Lunatic Chamber te kha IIIrd Sovereign drummer Reuben te, Boomerang bassist Joshua te leh Magdalene guitarist Victor te ho an lo ni reng!


Band Line Up
Vocals : Vedant, Assam
Guitar : Benjamin, Republic Veng, Aizawl
Bass : Jonah, Chanmari, Aizawl
Drums : Reuben, Chanmari, Aizawl

Album/Single tihchhuah tawh
Name                              Type                 Year
Horrified Visiions        EP                     2006
Destined to suffer        Full Length     2007
Everlasting Burn          Single              2008
Extreme metal madness Split              2008
Perversion Swallowing Sanity Full Length   2016                                                                                                                                                                                                                                                       
Labels:

Comments

Post a Comment

Popular Posts

Mizoram-ah Chanakya IAS Academy

ZORAM TODAY | September 1-14, 2015 -  Lalremruata Chhangte Mizo thalaite’n UPSC leh MPSC  exam hrang hrang hmachhawn tumin theihtawp an chhuah a, tun hnaiah exam tum zirlaite’n coaching class kal an intihhmuh nasa a, thil intihhmuhah chuan a tha lam tak ni pawhin a lang. Kan ramah sawrkar hna nghet leh tha thawh tur a vàn avangin heti lamah pawh hian kan thalaite an kal na ta niin a hmuh theih. Hmanah chuan Mizorama coaching class mumal taka kalna awm hmasa ber pawl chu Study Forum, Chanmari, Aizawl ami hi a ni awm e. Tunah pawh hian pangngai takin a la kal zel a, zirlai chher chhuah pawh an ngah tawh viau a ni. Kum 2009-2011 chhung khan Mizoram Youth Commission (MYC) kaltlangin Lord Krishna Mission (IAS Academy) chu chah chhuah a lo ni tawh a, hemi tum hian sawrkarin cheng nuai 33 lai a sêng nghe nghe a, thalai thahnem takin an chhawr tangkai em em a ni. Sawrkar sum harsatna avangin he academy hi kalpui zel theih a ni ta lo. Chumi hnuah Aizawl-ah mimalin co...
9 comments
Kimchang zawkin »

Zopa technology a sang lua e!

ZORAM TODAY | March 1-14, 2016 Mizote eizawnna pui ber chu lo neih a ni tih kan hre theuh awm e. Ram mipui za zela sawmsarih bawr vel lai hi kut hnathawka eizawng kan ni a, chung zinga a tam zawk chuan tlangram lo neih (Shifting cultivation) kan la buaipui bawk. Pi leh pu hun lai ata tawh tun thlengin lo nei tura pawimawh hmasa ber lo vah leh hlo thlawh nikhuaa hman tur chempui leh tuthlawh bak kan la nei meuh lo. A nachang hre deuhin chemkawm/kawi an hman tawk a. Hmasawnna hmuh tur a vang hle.  Pu HV Lalzuimawia, Salem veng chuan loneitute tha sên leh thawh chhuah inmil lohzia hriain kum 2004 chho vel atangin hmanraw tangkai tur khawl siam a buaipui ngat ngat a, tunah chuan a hlawhtlinna phochhuah theihin a awm ta. Kum eng emaw zat a lo buaipui tawh dan chanchin hi a ngaihnawm a, zir tham a tling takzet. Zoram Today chuan a chênna inah kan zu tlawh a... Aizawl Venghnuaia pianga seilian, Pu Zuia hian khawvel mi ropui tam takte ang bawkin zirna lamah chhuan tur a nei lo va, paw...
5 comments
Kimchang zawkin »

'Game Changers of the Decade' te zinga thlan Mizo tlangval chu

ZORAM TODAY | September 1-14, 2015 Vanlalruatkima Hrahsel (@Mizohican & Sandman) hi Aizawl Chaltlang veng-a Pu V.L. Rema fapa niin pawl 3 a nih atangin Mizoram pawnah lehkha a zir a, St. Thomas Boys School, Calcutta-a a zir hnuah Montfort School, Tamil Nadu lamah a insawn leh a. School a zir zawh hnuah PSG Tech Coimbatore-ah Computer Science Engineering zir lehin, a zawh hnuah CAT coaching class a kal a, CAT exam a pek hnuin IIM-Bangalore-ah a lut leh a ni. IIM-Bangalore 2nd year a zir kumin UPSC coaching class a kal tan a ni. Chumi hnuah a tuina lam advertising-ah a chhungte phalna ngeia thawkin, Webchutney-ah a lut a, tun thleng hian a eizawnna lamah a la kal tluang zel a ni. Amah Vanlalruatkima Hrahsel chu! National Games Developer Conference, Pune, 2014 Kum tam tak India rama Digital Advertising Agency changtlung berte zing ami ‘Webchutney’-a a thawh hnuin a thiante nen mobile games development company an din a, a hmingah ‘FITH Media’ tih an vuah. Mobil...
6 comments
Kimchang zawkin »

Mobile phone i tlo zawk nan

ZORAM TODAY | September 15-5 October, 2015 Tunlaiah mobile phone tel lovin kan awm hleithei tawh lo a ni ber a. Mobile phone changkang tak tak a lo chhuak a, smartphone chi hrang hrangah application changkang leh tunlai ber ber kan dah ta rup mai. Kan nitin nuna a pawimawh tawh em avangin, mobile phone hi a tangkai a, engtin nge hmang ila a daih rei ang le? Mobile phone reng reng battery hmang a nih vek avangin battery chungchang han sawi hmasa ila. Mobile phone battery hi chi hrang hrang awm mah se, tunlaiah chuan Li-Ion hi hman lar ber a ni. He battery hi a thar lei zawh hlimah, a tlangpuiin darkar 4-5 chhung charge ngei ngei tur a ni. Hman vat kan duh thin avangin a thar tirha a charge mamawh zat pawh charge hman lovin kan khawih thin a, hei hian battery a titlo lo. Battery leh phone insîkna hi thlatin vawi khat tal tihfai ziah a tha hle. Charge pawh hi duh hun hunah charge tur a ni lo. A battery a zawh hma deuh, 9% vel a la awm lai hian charge chauh tur a ni a, battery e...
7 comments
Kimchang zawkin »

Scientist sang rual hmaa paper present-tu Krista Roluahpuia

ZORAM TODAY | October 20-2 November, 2015 International Conference lian, professor leh scientist a sang tel inhmuhkhawmna, September ni 15-18, 2015-a neih EMRS Fall Meeting 2015, Warsaw University of Technology, Warsaw-ah Mizo tlangval pakhat chuan paper pahnih a zu present a. Chu tlangval chu a chanchin kan chhiar tur Krista Roluahpuia, Pu K. Liannawla fapa, Mualbu (L), Lawngtlai District mi a ni.   A paper pakhat zawkah chuan Ge1-xSnx quantum heterostructure chhunga atom inremkhawm dan a zir chian chu a present a. Molecular Beam Epitaxy hmanga quantum heterostructure nei tura atom an remkhawm dan te, tin, a bik takin temperature hniam lutuk atom an rem avanga thil lo danglam bik dan te leh Atom te chu tha chakna, entirnan lumna hmanga tha an pekin engtin nge an lo danglam tih a zirchianna chu a zu present a ni. Pakhat zawkah chuan Ge1-xSnx chu quantum well anga siamin a chhah zawng chu de Broglie wavelength (kan hriatthiam theih nan electron wavelength a ni ber mai) an...
9 comments
Kimchang zawkin »