ZORAM TODAY | November 17-30, 2015
Tunlai Zoram titi lian ber chu politics hlir a ni. Kan hma lawkah Aizawl North-III Assembly by-election a awm dawn a, Aizawl Municipal Council leh Lai Autonomous District Council inthlanin a zui zat dawn bawk a; party tinte’n thapui an thawh mek a; Aizawl khaw chhungah bik chuan by-election awm turin sawi a hlawh ber niin a lang a, titi pawh a titamin boruak a siam hle.
He by-election-ah hian minister leh MLA a nihna atanga bang ta, Lal Thanzara bakah, eptu party lian ber MNF thalai president K. Vanlalvena leh NDA atangin ZNP president Lalduhoma te an inkhing dawn a. Kan hriat theuh angin MNF president K. Vanlalvena hova MNF thalaite’n, khatih laia health minister, Aizawl North-III bialtu ni bawk Lal Thanzara chu, Sunshine Overseas Pvt. Ltd.-a share neih chungchang bakah HP Food Products biscuit supply chungchangah office of profit dan bawhchhiaa ngaiin bang turin an nawr a, chumi avanga bang nghal ta pawh niin a lang. Chutih laia by-election-a Lal Thanzara leh K. Vanlalvena te inbitum leh chat hi mipui hmuh châk leh ennawm a tling a, MNF thalaite puhna chu Aizawl North-III mipuite’n engtiang chiahin nge an lo ngaih tih chu result puan hunah a hriat mai dawn a ni. He inthlan hian kum 2018 MLA election lo awm turah nghawng lian tak a neih rin a ni bawk.
Aizawl Municipal Council inthlan lo awm turah pawh, candidate tinte chu campaign-in an hmanhlel hle tawh a; AMC term hnihna hi kil thum atangin an inchuh dawn a ni. Rorel lai party, Congress leh MPC chu an tang dun a, MNF mal dinin ZNP leh BJP an thawk dun bawk. Councilor ni lai ding tawh lo tur an awm tam avangin hmel thar tam zawk kan hmu dawn niin a lang. Councilor ni lai, term hmasaa an dinna party chhuahsana party dang hminga ding tur hi pahnih an awm a; AMC term hmasa ber a chiri avangin sawrkar bakah councilor an insiksawi nasa hle. Hei vang hian mipuite’n AMC sawrkar thar lo awm turah, beiseina sáng tak an nei mek niin a lang.
LADC inthlang tur pawh hian boruak a nei zel a. Congress leh MNF-in candidate tura an puan hi, inthlan dang zawng aiin candidate an set fuh lo nia ngai an tam hle. Party leader-te chu campaign turin Lawngtlai-ah pawnthuah an invawmlut chho zel a, party worker leh chhungkhat hnaivai candidate neite chu campaign-in theihtawp an chhuah mek a, party inbeihna pawh a ngaihnawm chho hle a ni.
He by-election-ah hian minister leh MLA a nihna atanga bang ta, Lal Thanzara bakah, eptu party lian ber MNF thalai president K. Vanlalvena leh NDA atangin ZNP president Lalduhoma te an inkhing dawn a. Kan hriat theuh angin MNF president K. Vanlalvena hova MNF thalaite’n, khatih laia health minister, Aizawl North-III bialtu ni bawk Lal Thanzara chu, Sunshine Overseas Pvt. Ltd.-a share neih chungchang bakah HP Food Products biscuit supply chungchangah office of profit dan bawhchhiaa ngaiin bang turin an nawr a, chumi avanga bang nghal ta pawh niin a lang. Chutih laia by-election-a Lal Thanzara leh K. Vanlalvena te inbitum leh chat hi mipui hmuh châk leh ennawm a tling a, MNF thalaite puhna chu Aizawl North-III mipuite’n engtiang chiahin nge an lo ngaih tih chu result puan hunah a hriat mai dawn a ni. He inthlan hian kum 2018 MLA election lo awm turah nghawng lian tak a neih rin a ni bawk.
Aizawl Municipal Council inthlan lo awm turah pawh, candidate tinte chu campaign-in an hmanhlel hle tawh a; AMC term hnihna hi kil thum atangin an inchuh dawn a ni. Rorel lai party, Congress leh MPC chu an tang dun a, MNF mal dinin ZNP leh BJP an thawk dun bawk. Councilor ni lai ding tawh lo tur an awm tam avangin hmel thar tam zawk kan hmu dawn niin a lang. Councilor ni lai, term hmasaa an dinna party chhuahsana party dang hminga ding tur hi pahnih an awm a; AMC term hmasa ber a chiri avangin sawrkar bakah councilor an insiksawi nasa hle. Hei vang hian mipuite’n AMC sawrkar thar lo awm turah, beiseina sáng tak an nei mek niin a lang.
LADC inthlang tur pawh hian boruak a nei zel a. Congress leh MNF-in candidate tura an puan hi, inthlan dang zawng aiin candidate an set fuh lo nia ngai an tam hle. Party leader-te chu campaign turin Lawngtlai-ah pawnthuah an invawmlut chho zel a, party worker leh chhungkhat hnaivai candidate neite chu campaign-in theihtawp an chhuah mek a, party inbeihna pawh a ngaihnawm chho hle a ni.
Comments
Post a Comment