Kil thum atangin AMC; LADC inthlanah MNF vrs INC

ZORAM TODAY | November 17-30, 2015

State Election Commission, Mizoram chuan Aizawl Municipal Corporation (AMC) leh Lai Autonomous District Council (LADC) inthlan hun atan November ni 26, 2015 a ruat a, AMC vote tla hi inthlan ni-ah chhiar nghal a ni ang a, LADC vote tla hi November ni 28-ah chhiar a ni ang.

AMC Candidate tur hi MNF-in puang hmasa berin November ni 2, 2015 khan Mizo Hnam Run-ah MNF president Zoramthanga’n a puang a. Chung zingah councilor ni lai pahnih — Lalrinenga Sailo leh PC Lalhmingthanga an tel a ni.

AMC Candidate-te

INC leh MPC tangkawp candidate turte hi November ni 3, 2015 khan MPCC president Lal Thanhawla’n Congress Bhavan-ah a puang a. Councilor ni lai pali—Rosiamngheta (MPCC), Lalzirliana (MPCC), Lalrimawia (MPCC) leh C. Lalsawivunga (MPC) te an tel. Party pahnih thawhhonaah hian MPCC-in ward 13 changin MPC-in ward 6 an chang ve bawk.

ZNP leh BJP tanhona NDA pawhin November ni 4, 2015 khan ZNP office-ah candidate tur an puang a, councilor ni lai an awm lo va, mi thar vek an ni. Thawhhonaah hian ZNP-in ward 14 an chang a, BJP-in ward 5 an chang thung. BJP candidate pakhat Vanlalremruatfeli a inhnuhdawh leh tak avangin NDA hian ward 18 chauh an chuh dawn a ni.

AMC inthlan ni, November ni 26, 2015-ah vek Lai Autonomous District Council (LADC) inthlan neih a ni dawn a, hemi atan hian INC leh MNF chuan November ni 4, 2015 khan an candidate tur an puang. INC candidate hi MPCC president Lal Thanhawla’n Lawngtlai-a Congress Bhavan-ah a puang a, MNF candidate tur hi MNF vice president R. Tlanghmingthanga’n Lawngtlai-a MNF office-ah a puang bawk.

LADC Candidate te

Hetih lai hian Election Commission of India (ECI)-in Aizawl North-III by-election vote chhiar ni atana November ni 24 an ruat chu, by-election result-in AMC leh LADC inthlan a nghawng thei dawn nia an hriat avangin vote chhiar ni sawn turin an ngên a. Hemi hnu hian BJP pawhin ngenna an siam ve leh a, he thu buatsaih lai hian thu thar a la awm lo a ni.

Comments

Zopa technology a sang lua e!

ZORAM TODAY | March 1-14, 2016 Mizote eizawnna pui ber chu lo neih a ni tih kan hre theuh awm e. Ram mipui za zela sawmsarih bawr vel lai hi kut hnathawka eizawng kan ni a, chung zinga a tam zawk chuan tlangram lo neih (Shifting cultivation) kan la buaipui bawk. Pi leh pu hun lai ata tawh tun thlengin lo nei tura pawimawh hmasa ber lo vah leh hlo thlawh nikhuaa hman tur chempui leh tuthlawh bak kan la nei meuh lo. A nachang hre deuhin chemkawm/kawi an hman tawk a. Hmasawnna hmuh tur a vang hle. Pu HV Lalzuimawia, Salem veng chuan loneitute tha sên leh thawh chhuah inmil lohzia hriain kum 2004 chho vel atangin hmanraw tangkai tur khawl siam a buaipui ngat ngat a, tunah chuan a hlawhtlinna phochhuah theihin a awm ta. Kum eng emaw zat a lo buaipui tawh dan chanchin hi a ngaihnawm a, zir tham a tling takzet. Zoram Today chuan a chênna inah kan zu tlawh a... Aizawl Venghnuaia pianga seilian, Pu Zuia hian khawvel mi ropui tam takte ang bawkin zirna lamah chhuan tur a nei lo va, paw...

Kimchang zawkin »

Scientist sang rual hmaa paper present-tu Krista Roluahpuia

ZORAM TODAY | October 20-2 November, 2015 International Conference lian, professor leh scientist a sang tel inhmuhkhawmna, September ni 15-18, 2015-a neih EMRS Fall Meeting 2015, Warsaw University of Technology, Warsaw-ah Mizo tlangval pakhat chuan paper pahnih a zu present a. Chu tlangval chu a chanchin kan chhiar tur Krista Roluahpuia, Pu K. Liannawla fapa, Mualbu (L), Lawngtlai District mi a ni. A paper pakhat zawkah chuan Ge1-xSnx quantum heterostructure chhunga atom inremkhawm dan a zir chian chu a present a. Molecular Beam Epitaxy hmanga quantum heterostructure nei tura atom an remkhawm dan te, tin, a bik takin temperature hniam lutuk atom an rem avanga thil lo danglam bik dan te leh Atom te chu tha chakna, entirnan lumna hmanga tha an pekin engtin nge an lo danglam tih a zirchianna chu a zu present a ni. Pakhat zawkah chuan Ge1-xSnx chu quantum well anga siamin a chhah zawng chu de Broglie wavelength (kan hriatthiam theih nan electron wavelength a ni ber mai) an...

Kimchang zawkin »

Mizo tlangval siam android games a hlawhtling

ZORAM TODAY | August 17-31, 2015 July thla chawhnu lama publish, ‘Bajrangi Bhaijaan’ mobile android games chu playstore-a download theiha dah a nih atanga kar hnih hnu lawkah mi nuai thum chuangin an download tawh a, Google Play ‘new free games’-ah pahnihna a ni mek a, action bik free games-ah pakhatna a ni mek bawk. Chu mai a la ni lo, Google Play-a free games awm zawng zawngah 13-na a ni mek; ranking hi active users leh download tam zawng atanga siam a ni ber. He games siamtu hi Chaltlang tlangval Kima @Mizohican a ni a, July ni 11-a tihchhuah a ni. Nikum kum tawp lam khan India rama mobile games development company lar ni chho mek ‘FITH Media’ company chu a thiante nen an din a; tun thlengin playstore-ah games pasarih an publish tawh a, an games siam hmasak pahnih - ‘Nikal Padi: Slumdog Plumber & Pipes Puzzle’ leh ‘Where's My Cat’ tih games-te hi India rama gaming ho zawng zawng hruaitu lu NASSCOM Game Developers Conference (NGDC)-ah ‘Mobile Game of th...

Kimchang zawkin »

Mizoram-ah Chanakya IAS Academy

ZORAM TODAY | September 1-14, 2015 - Lalremruata Chhangte Mizo thalaite’n UPSC leh MPSC exam hrang hrang hmachhawn tumin theihtawp an chhuah a, tun hnaiah exam tum zirlaite’n coaching class kal an intihhmuh nasa a, thil intihhmuhah chuan a tha lam tak ni pawhin a lang. Kan ramah sawrkar hna nghet leh tha thawh tur a vàn avangin heti lamah pawh hian kan thalaite an kal na ta niin a hmuh theih. Hmanah chuan Mizorama coaching class mumal taka kalna awm hmasa ber pawl chu Study Forum, Chanmari, Aizawl ami hi a ni awm e. Tunah pawh hian pangngai takin a la kal zel a, zirlai chher chhuah pawh an ngah tawh viau a ni. Kum 2009-2011 chhung khan Mizoram Youth Commission (MYC) kaltlangin Lord Krishna Mission (IAS Academy) chu chah chhuah a lo ni tawh a, hemi tum hian sawrkarin cheng nuai 33 lai a sêng nghe nghe a, thalai thahnem takin an chhawr tangkai em em a ni. Sawrkar sum harsatna avangin he academy hi kalpui zel theih a ni ta lo. Chumi hnuah Aizawl-ah mimalin co...

Kimchang zawkin »

Mobile phone i tlo zawk nan

ZORAM TODAY | September 15-5 October, 2015 Tunlaiah mobile phone tel lovin kan awm hleithei tawh lo a ni ber a. Mobile phone changkang tak tak a lo chhuak a, smartphone chi hrang hrangah application changkang leh tunlai ber ber kan dah ta rup mai. Kan nitin nuna a pawimawh tawh em avangin, mobile phone hi a tangkai a, engtin nge hmang ila a daih rei ang le? Mobile phone reng reng battery hmang a nih vek avangin battery chungchang han sawi hmasa ila. Mobile phone battery hi chi hrang hrang awm mah se, tunlaiah chuan Li-Ion hi hman lar ber a ni. He battery hi a thar lei zawh hlimah, a tlangpuiin darkar 4-5 chhung charge ngei ngei tur a ni. Hman vat kan duh thin avangin a thar tirha a charge mamawh zat pawh charge hman lovin kan khawih thin a, hei hian battery a titlo lo. Battery leh phone insîkna hi thlatin vawi khat tal tihfai ziah a tha hle. Charge pawh hi duh hun hunah charge tur a ni lo. A battery a zawh hma deuh, 9% vel a la awm lai hian charge chauh tur a ni a, battery e...

Kimchang zawkin »

Zoram Today

Search This Blog