Horoscope-4

ZORAM TODAY | November 17-30, 2015

Aries (March 21 – April 20)

Hun rei tak chhas nei lova i single reng hnuah chhas thar a lo lang dawn. Duhthlan theih turin pahnih aia tam an lo lang dawn a, fimkhur taka thutlukna i siam a ngai ang. I hma lam hunah thil hlimawm takin a hmuak dawn che a, vir pilh chuang suh.

Taurus (April 21 – May 21)

Thianho chawi eikhawm a hnai a, tun hmaa i zirlaipui hluite nen in intawng nawlh dawn niin a lang. A ruka nangmah ngaihventu che an awm a, i mit leh hnar i len deuh a tul ang. Hun tha zawk a inher chhuak dawn a, chumi tur chuan i inbuatsaih a ngai. 

Gemini (May 22 – June 21)

Thlarau lama hlim tharna i neih kha, i hma hunah thlemtu a lo lang dawn. Chumi do hneh theih tura i intuaihriam a tul ang. Tuna i chhas kha i tan a tha tawk niin a lang a, heltu leh bemtu tam tak kalsana nangmah beltu che a ni a, dimdawiin duat thiam viau rawh.

Cancer (June 22 – July 22)

Zirlai tan exam i neih hnaivaiah duh anga i che tha lo a nih pawhin insiamthatna hun i nei. Kumin chhung ringawt pawha theihtawpa i beih chuan i tluk loh kha lehpelh theihna chance i la nei. Hna tul i ngah dawn avangin chhas lampang a lang tam vak lo. Chhungkuaa i dinhmun pawimawh tak kha hlen a pawimawh.

Leo  (July 23 – August 21)

Chhas thar a lo lang a. chhas neih lai i nei bawk si a. Chhas kawp i rilrua lo lang kha tibo rawh. Chhas kawp hian a ruala inthen a awl a, chhas nei lovin a dawng lel theih. Tun hnai hun lo kal turah thiante bula awm tam loh a that lai a ni a, chu vangin thian kawm tam loh a sual lo hle ang.

Virgo (August 22 – September 23)

Kohhranah nihna pawimawh tak pek i ni dawn a, pha lova tlawmngai leh tlin taka hlen kha i tan a tha zawk. Chu chuan thian tha tak tak a pe dawn zawk che niin a lang. Krismas atan inbuatsaih a hun tan a, chhungkua i ngaihsan lehzual a tul thung. I tan hun lawmawm lo thleng hnai e.

Libra (September 24 – October 23)

I chhas-in a kawp che nia hriatna i neih kha paihbo rawh. A rûk têa i lo thîk ve em em kha a lamhnai tak a ni zawk. I hna lamah zin chhuahna tur pawimawh tak a awm dawn a, i zin chhuahna lamah pute laka mark score viauna tur remchang i tawng dawn e. Ei leh in insum i ngai, i hriselnain a tuar hnai tlat.

Scorpio (October 24–November 22)

Chhungkuain hun hlimawm tak in hmang dawn a, chhungkaw inpawh tlan nan leh chhungkaw hlim zawk neih theih nan a tangkai hle ang. I chhas neih, i chhungte laka i zep ve tang tang kha an hre chhuak dawn che a, chhungkaw kima in awm laiin an chhaih dawn che. I sen ap ap ang.

Sagittarius (November 23–December 22)

Tuna i ngaihtuahna luah bertu, i dream thina kha hlawhtling thei tur chi niin a lang lo va, i sukthlek kha thlak nghal a tha ang. Thurawn leh fuihna tha tak i mamawh a, chutiang dawng thei turin inbuatsaih ang che. Chhas lam a kal tluang viau rih niin a lang.

Capricorn (December 23–January 20)

I hma lam hun hla lo takah hlim taka i awm theihna tur thil thleng a awm dawn niin a lang. Eng ber nge a nih a lang lo va, mahse, chumi tur atana i lo inbuatsaih a tul ang. Zirna lamah i che tha lua lo va, i chhungte’n nangmahah rinna an hloh tan. Theihtawp i chhuah thar leh a tul e.

Aquarius (January 21–February 19)

In lamhnaiah chhiatna tawk an awm dawn niin a lang tlat. Hlim taka hun hman i tum laia chhiatna in tawk tur hian a tihnual hle dawn che a, ngaiawh leh vat erawh i mamawh hle ang. Chumi tur chuan i kawppui a pawimawh hle dawn.

Pieces (February 20 – March 20)

I project siam kha a hlawhtling dawn hnai ta e. Mahnia eizawnna i dapna tur kawng a nih avangin a pawimawh hle ang. Chhas lampang ngaihtuah vak a ngai lo va, i tan a rinawm tawk rih hle. Nupui/pasal atan pawha neih tlak hial tur a nih avangin ngaihtha taka awm rih i tan a sual lo; nang i rinawm phawt chuan.