ZORAM TODAY | October 20-2 November, 2015 - Fela Ngente
Hosana’ leh ‘Khualzinna ram’ tih hla hre pha lo tan pawh ‘Vanah lawmman ka tan a awm’ tih hla chu hriat loh rual a ni lo vang. ‘The Sun Beams’ hun a liam a, kum 2000 AD a lo her chhuah meuh chuan Mizo gospel music industry sawi nghing lawih thei thil a thleng ta! Kum 2001 June thla a lo thlen chuan tun thlenga kan hriat lar tak em em ‘VOHBIK’ chu Aizawl nula zaithiam palite’n an din a, member panga ni tura an inbeisei viau laiin an zinga pakhat chuan rokhawlhna avangin a zawm thei lo va, Zoram rimawi khawvela hming dai leh ngai tawh lo turin ke an pên ta a ni.
An indin tirh hian hming an la nei mai lo va, Mizo hming neih ngei an duh bawk si avangin an phuah kual nasa hle a, a enga mah chu remchangin an hre thei si lo va, thla khat hnu velah an member zinga pakhat Vari zan mu chu zing dar 2 velah a harh hlawl mai a, ‘Vohbik’ tih chu a rilruah a awm ta tlat mai a; tichuan, in-phone kualin a hming chu an duh hle a, a lehlamah an inthlahrungin hrehna lian tak an nei ve bawk a, a tawpah chuan chung lam pek ngei nia an ngaih avangin VOHBIK tih hming chu an pu ta a ni.
An zaina hmasa ber chu Aizawl Temple Corp S.A.Y inkhawmah niin a tira an hming an han lam zawngte chuan an zak deuh thin a, a hnuah ngaiah an nei ve thei chauh niin an sawi. Official taka zaia sawm hmasa bertute chu Khatla Branch KTP Group pakhat niin group an indin tih an hriatin Gospel Concert an buatsaiha zai turin an sawm nghal a ni.
Member-te:
* Rosalind Varsangzuali
Ani hi a tleirawl chhoh atanga zai thiam tak niin Khatla Pastor Bial Zaipawl member lo ni tawh thin a ni a, tun hnuah hian mi tam zawk chuan Doordarshan Kendra Aizawl Programme ‘Healthy India’ atangin kan hre lar tawh zawk awm e. Host zei tak niin sawrkar, university leh pawl hrang hrang programme lian tak tak zei takin a kaihruai thin a, kum 2004 khan Lalbiakzuala (President, CYMA) nen inneiin fa 2 an nei tawh a, tunah hian Govt. Hrangbana College History Department-ah zirtirtu hna a thawk mek a ni.
* Lalremsangi
Upper Republic nula ni thin hian zai lamah sulhnu a nei ngah hle a, college a kal lai vel kum 1996 atanga kum 2002 thlengin Mizoram Synod Choir-ah 2002 thleng telin tun hnuah Thlarau Bo Zawngtute (TBZ) Choir-ah a tel leh bawk. A member-pui Rasky nen an tleirawl chhuah tirhin duet album an lo siam tawh nghe nghe. September, 2007 khan Rev. Lalrodinga Sailo nen inneiin vanduaithlak takin a pasal hian nikum (2014) khan a boralsan a, fa pakhat an nei hman a ni. Tunah hian Synod Office-ah a thawk mek.
* F. Sanghnuni:
Khatla nula ni thin Mapuii pawh hian zai lamah sulhnu a ngah hle. Mizoram Synod Choir-ah kum 1998 atanga 2002 thleng telin ani pawh hi tun hnuah TBZ Choir-ah hun eng emaw chen a tel bawk. Rawngbawltu lar tak Lalrodinga (LR Colney) nen inneiin tunah hian Odisha lamah an pa rawngbawlna (Restoration India Mission) tawiawmin hun a hmang mek a ni.
* Rosangkimi
Sawi tawh angin Rasky hi a thiannu Remsangi nen an tleirawl chhuah tirha album lo siam tawh ngat a ni. Upper Republic veng nula niin April, 2007 khan Lalzarliana nen an innei a, an chhungkaw sumdawnnna (City Car Bazar & Rentals) enkawlin a buai thin hle. A nulat laiin Besy Choir-ah hun eng emaw chen a lo tel tawh thin a ni.
* Thanmawii
Ani hian mimal harsatna avangin a tirah a zawm ve thei lo va, kum 2004 atangin active member a ni ve chauh a, zai lamah erawh a thiante ang bawkin sulhnu a nei tha viau mai. Kum 1998 atanga 2002 thleng Mizoram Synod Choir-ah telin Taiwan ram thlenin zaia rawngbawlna an lo nei tawh a ni. Vohbik zinga nula awm chhun niin Zarkawt vengah an khawsa a, J.L. Higher Secondary School-ah Education subject zirtirtu a ni mek.
Studio Album
Album puitling hi 3 an tichhuak tawh a, chungte chu – Hosana (2002), Imanuel - Christmas Album (2002) leh Hmangaihna (2005) te an ni. Hei bakah hian music video hi thahnem tak an siam tawh a, YouTube, DDK leh local channel hrang hrangah an zai hmuh tur a awm. All India Radio-ah hla thahnem tak an khung tawh bawk a, ‘B’ Grade Artiste an ni bawk.
* Rosalind Varsangzuali
Ani hi a tleirawl chhoh atanga zai thiam tak niin Khatla Pastor Bial Zaipawl member lo ni tawh thin a ni a, tun hnuah hian mi tam zawk chuan Doordarshan Kendra Aizawl Programme ‘Healthy India’ atangin kan hre lar tawh zawk awm e. Host zei tak niin sawrkar, university leh pawl hrang hrang programme lian tak tak zei takin a kaihruai thin a, kum 2004 khan Lalbiakzuala (President, CYMA) nen inneiin fa 2 an nei tawh a, tunah hian Govt. Hrangbana College History Department-ah zirtirtu hna a thawk mek a ni.
* Lalremsangi
Upper Republic nula ni thin hian zai lamah sulhnu a nei ngah hle a, college a kal lai vel kum 1996 atanga kum 2002 thlengin Mizoram Synod Choir-ah 2002 thleng telin tun hnuah Thlarau Bo Zawngtute (TBZ) Choir-ah a tel leh bawk. A member-pui Rasky nen an tleirawl chhuah tirhin duet album an lo siam tawh nghe nghe. September, 2007 khan Rev. Lalrodinga Sailo nen inneiin vanduaithlak takin a pasal hian nikum (2014) khan a boralsan a, fa pakhat an nei hman a ni. Tunah hian Synod Office-ah a thawk mek.
* F. Sanghnuni:
Khatla nula ni thin Mapuii pawh hian zai lamah sulhnu a ngah hle. Mizoram Synod Choir-ah kum 1998 atanga 2002 thleng telin ani pawh hi tun hnuah TBZ Choir-ah hun eng emaw chen a tel bawk. Rawngbawltu lar tak Lalrodinga (LR Colney) nen inneiin tunah hian Odisha lamah an pa rawngbawlna (Restoration India Mission) tawiawmin hun a hmang mek a ni.
* Rosangkimi
Sawi tawh angin Rasky hi a thiannu Remsangi nen an tleirawl chhuah tirha album lo siam tawh ngat a ni. Upper Republic veng nula niin April, 2007 khan Lalzarliana nen an innei a, an chhungkaw sumdawnnna (City Car Bazar & Rentals) enkawlin a buai thin hle. A nulat laiin Besy Choir-ah hun eng emaw chen a lo tel tawh thin a ni.
* Thanmawii
Ani hian mimal harsatna avangin a tirah a zawm ve thei lo va, kum 2004 atangin active member a ni ve chauh a, zai lamah erawh a thiante ang bawkin sulhnu a nei tha viau mai. Kum 1998 atanga 2002 thleng Mizoram Synod Choir-ah telin Taiwan ram thlenin zaia rawngbawlna an lo nei tawh a ni. Vohbik zinga nula awm chhun niin Zarkawt vengah an khawsa a, J.L. Higher Secondary School-ah Education subject zirtirtu a ni mek.
Studio Album
Album puitling hi 3 an tichhuak tawh a, chungte chu – Hosana (2002), Imanuel - Christmas Album (2002) leh Hmangaihna (2005) te an ni. Hei bakah hian music video hi thahnem tak an siam tawh a, YouTube, DDK leh local channel hrang hrangah an zai hmuh tur a awm. All India Radio-ah hla thahnem tak an khung tawh bawk a, ‘B’ Grade Artiste an ni bawk.
Mizoram hmun hrang hrangah vawi 200 chuang an zai tawh a, sawrkar leh pawl hrang hrang programme lian tak tak – Chapchar Kut, Thal Favang Kut, KTP General Conference adt.-ah an lo inlan tawh a, vanduaithlak takin Zoram pawna sawmna an dawnte chu an hna leh chhungkua ngaih pawimawh vangin an tihlawhtling thei lo thung.
An lo let leh dawn e
Kum 2005 khan an album 3-na an release a ni a, khami hnu khan hla thar pawh nei lem lovin member kim pawhin an perform hlei thei lo va, kum 10 hnuah kim takin an lo let leh dawn e! Tunah hian studio album 4-na tur buaipuiin hla 7 lai chu an record zo leh der tawh! Kum thar tir lama tihchhuah hman tumin an bei ngawrh hle a, an album tharah hian audio leh music video pangngai bakah praise and worship programme zeh tel an tum thu an sawi a, an hla record tawhte pawh belhchian a dawlin beng an titlai hle. An aw a la chuai lo va, tunlai zaithiam tam tak tan pawh el tham a la tling viau ang!
An hla pakhat ‘Jordan Lui’ phei chu an member Remsangi pasal boral ta hriatrengna tura an tih a ni nghe nghe. Anmahni phuah bakah mi chi hrang hrang hla phuah leh lehlin a ni hlawm.
Tlangkawmna:
Mizo rimawi tihlu tur leh sulhnu tha tak tak hnutchhiah turin an indin a, Pathian fak nana an aw leh kate ui lova hman zel chu an duhthusam leh an tawngtaina ber pakhat a ni. Chutianga an kal chhoh zel nan leh album hlawhtling tak an neih theih nan ZORAM TODAY chuan duhsakna sang ber kan hlan e.
Mizo rimawi tihlu tur leh sulhnu tha tak tak hnutchhiah turin an indin a, Pathian fak nana an aw leh kate ui lova hman zel chu an duhthusam leh an tawngtaina ber pakhat a ni. Chutianga an kal chhoh zel nan leh album hlawhtling tak an neih theih nan ZORAM TODAY chuan duhsakna sang ber kan hlan e.
---------------------
An album thara hla tur an record tawhte
1. Tawngtai theihnghilh Suh: He hla hi rual u zawkte chuan an hre fur ang. Rev. Lalrinmawia (Synod) lehlin niin Hauhnar Recording Studio-ah an record a, an peih fel tawh nghe nghe.
2. Jordan Lui Malin Ka Kai Lo Ang: Hei pawh hi mi tam takin kan hriat lar sa a ni a, Rev. Lalthanmawia (Baptist) lehlin niin an sa nalh hlarh hlarh hle!
3. Eng Chu Zui Rawh: An member zinga mi Thanmawii phuah a ni a, belhchian a dawl hle.
4. Chatuan Nunna: An member Thanmawii nuta pa Lalthanzama phuah a ni a, a phuahtu hi kohhran upa a nih angin a hla pawhin belhchian a dawl hle a ni.
5. Thinlung Puanzar: Rev. Lalhunliana (Synod) lehlin niin hei pawh hi a nalh lehpek hle a. A phuahtu hian hla dang tha tak tak a lo letling tawh nghe nghe.
6. Hla Taka Khaw Dur leh Ruahpui Saw: Kristian Hla Bu ami a ni.
7. Lal Isua I Chawimawi Ang: Khatla nu Lbi Fanai phuah niin hla tha tak a ni.
1. Tawngtai theihnghilh Suh: He hla hi rual u zawkte chuan an hre fur ang. Rev. Lalrinmawia (Synod) lehlin niin Hauhnar Recording Studio-ah an record a, an peih fel tawh nghe nghe.
2. Jordan Lui Malin Ka Kai Lo Ang: Hei pawh hi mi tam takin kan hriat lar sa a ni a, Rev. Lalthanmawia (Baptist) lehlin niin an sa nalh hlarh hlarh hle!
3. Eng Chu Zui Rawh: An member zinga mi Thanmawii phuah a ni a, belhchian a dawl hle.
4. Chatuan Nunna: An member Thanmawii nuta pa Lalthanzama phuah a ni a, a phuahtu hi kohhran upa a nih angin a hla pawhin belhchian a dawl hle a ni.
5. Thinlung Puanzar: Rev. Lalhunliana (Synod) lehlin niin hei pawh hi a nalh lehpek hle a. A phuahtu hian hla dang tha tak tak a lo letling tawh nghe nghe.
6. Hla Taka Khaw Dur leh Ruahpui Saw: Kristian Hla Bu ami a ni.
7. Lal Isua I Chawimawi Ang: Khatla nu Lbi Fanai phuah niin hla tha tak a ni.
Comments
Post a Comment