ZORAM TODAY | November 3-16, 2015
Hnam lian zawk leh tam zawkte chimralna lak ata Mizoram Mizote kan him theihna tura siam, Inner Line Regulation chu siam danglam a ni a, hei hi Mizote tan a pawi thei ang em, tih zawhna lian tak a awm mek.
October ni 16, 2015 khan Mizoram Chief Secretary Lalmalsawma chuan notification (No. F.22016/56/2011-HMP) a tichhuak a, chu a notification chhuah chu Mizoram-a hnam dang lut turte tana temporary ILP an pek thin chu sponsorship tel kher lo pawha pe chhuak tura hriattirna a ni:
“In the interest of the public, the Government of Mizoram is pleased to relax Para 4 of the ILP Guidelines and hereby authorize R.C, New Delhi, Addl. R.C, Kolkatta, Jt. R.C/Dy. R.C, Mumbai, Guwahati, Shillong and Silchar to issue Temporary ILP without sponsorship to the non-indigeneous person for entering into Mizoram with immediate effect and until further order” tiin.
Mizoram sawrkarin 8.9.2006-a Gazette a tih chhuahah Inner Line Regulation guidelines tarlan niin No. 1 (2)-ah temporary ILP chungchang tarlan a ni a. Hetah hian temporary ILP pe chhuak theitu tur tarlan niin, temporary ILP hmanga Mizorama hnam dang (non-indigeneous) lutte hi ni 15 aia rei lo chauh an awm theih thu a chuang a; temporary ILP dilna application tarlanah sponsor-tu hming leh address dahna tur a awm bawk. Tuna Chief Secretary notification chhuah anga sponsor-tu awm lova temporary ILP pek chhuah a nih chuan, Mizoram-ah hian hnam dang an pun belh hle rin a ni. Kum 1986-a MNF leh India sawrkar inremna (Memorundum of Settlement) Article 8-ah ‘Inner Line Regulation’ state sawrkar râwn lova siamthat emaw, tihbo emaw a ni lovang’ tiin tar lan a ni a; state sawrkar hian tihdanglam theihna nei mah se, a nawm a maka tihdanglam a nih fo chuan he ILP hi a la nghing nge nge dawn niin a lang.
“In the interest of the public, the Government of Mizoram is pleased to relax Para 4 of the ILP Guidelines and hereby authorize R.C, New Delhi, Addl. R.C, Kolkatta, Jt. R.C/Dy. R.C, Mumbai, Guwahati, Shillong and Silchar to issue Temporary ILP without sponsorship to the non-indigeneous person for entering into Mizoram with immediate effect and until further order” tiin.
Mizoram sawrkarin 8.9.2006-a Gazette a tih chhuahah Inner Line Regulation guidelines tarlan niin No. 1 (2)-ah temporary ILP chungchang tarlan a ni a. Hetah hian temporary ILP pe chhuak theitu tur tarlan niin, temporary ILP hmanga Mizorama hnam dang (non-indigeneous) lutte hi ni 15 aia rei lo chauh an awm theih thu a chuang a; temporary ILP dilna application tarlanah sponsor-tu hming leh address dahna tur a awm bawk. Tuna Chief Secretary notification chhuah anga sponsor-tu awm lova temporary ILP pek chhuah a nih chuan, Mizoram-ah hian hnam dang an pun belh hle rin a ni. Kum 1986-a MNF leh India sawrkar inremna (Memorundum of Settlement) Article 8-ah ‘Inner Line Regulation’ state sawrkar râwn lova siamthat emaw, tihbo emaw a ni lovang’ tiin tar lan a ni a; state sawrkar hian tihdanglam theihna nei mah se, a nawm a maka tihdanglam a nih fo chuan he ILP hi a la nghing nge nge dawn niin a lang.
Mizo Hnam inhung bingna dan tia sawi mai theih ILP hi Bengal Eastern Frontier Regulation 1873 behchhana siam a ni a, he dan Act 5 of 1873-ah hian regulate dan tur a inziak a, chumi zulzui chuan Home Department hian guidelines a siam thin a, kum 1995 atang phei kha chuan council of minister-in an approve hnuah official gazette-in notification pawh chhuah a ni tawh nghe nghe a ni. He dan tlawhchhana permit (ILP) nei lova Mizorama hnamdang (non-mizo) an awm a niha hmuhchhuah (detect) an nih hian thawn haw emaw dan anga man emaw an ni thin.
Mimal ILP sponsor tam zual 10-te (24.8.2015)
ILP hian dodalna a lo tawk ve tawh a. UT kan neih (1972) atang khan a hluar tan a. Dodalna karah Non Trading Regulation pawh kha tihsei a ni a, kum 1977 leh 1987 velah te pawh khan, RAP hmathehin Inner Line Regulation hian beihna a tawk thin. A langsar hnaivai deuh chu, kum 2008-a North East Plains Trader and Youth Federation-in a dodal kha a ni. June ni 2, 2008-a Inner Line Permit khinna Guwahati High Court-a an thehluh avangin June ni 13, 2008-ah high court chuan ILP hmang tawh rih lo tura khapna thupek a chhuah a nih kha.
ILP hi sponsor theih zat bituk a awm a, mi pakhat (private) tan tum khatah mi 10 zel sponsor theih a ni a, sawrkar department/PSU/firm/company tan tum khatah mi 100 zel sponsor theih a ni thung. Tunah hian Mizoram puma ILP nei zat chiah hriat a harsa hle a, ILP nei lo hi engtik lai pawhin man tur an awm reng a ni. Mizoram Police-te’na kumin chhung, September ni 6 thlenga ILP nei lo case an register zat hi 46 niin, thawn haw hi mi 242 lai an awm a, tlawmngai pawlte’n eng emaw zat man an nei bawk.
ILP hi sponsor theih zat bituk a awm a, mi pakhat (private) tan tum khatah mi 10 zel sponsor theih a ni a, sawrkar department/PSU/firm/company tan tum khatah mi 100 zel sponsor theih a ni thung. Tunah hian Mizoram puma ILP nei zat chiah hriat a harsa hle a, ILP nei lo hi engtik lai pawhin man tur an awm reng a ni. Mizoram Police-te’na kumin chhung, September ni 6 thlenga ILP nei lo case an register zat hi 46 niin, thawn haw hi mi 242 lai an awm a, tlawmngai pawlte’n eng emaw zat man an nei bawk.
ZORAM TODAY-in RTI Act hmanga a zawhna, H. Lalhmingthanga, State Public Information Officer & Sub-Divisional Officer (Sadar), Aizawl District-in a chhan danin, ILP nei chunga hnam dang sumdawng awm hi mi 26 lai an awm. Chungte chu a hnuaia mite hi an ni:
Inner Line Regulation guidelines point 8 (1)-in a tarlan danin, sawrkarin [guidelines-ah chuan Mizo District Council leh Autonomous District Councils (Lai, Chakma leh Lakher) tia tarlan a ni] a pek chhuah Permanent Trade License neite tan ILP hi kum 1 chhung hman theih niin, kum 3 aia rei lo a ni thung. Hemi hun chhung a zawh hnuah kum khat chhung atan zel pawhsei theih a ni bawk. Tin, Permanent Trade License neitute hian an hnathawk-tu atan tum khatah hnam dang (non-indigeneous) mi pathum aia tam lo an sponsor thei bawk.
ILP nei sumdawng mi 26 zinga pakhat tih loh chu Aizawl-a mi vek an ni a, pahnih hian Mizo hmingin dawr an siam a, a dang pawh Mizo hming anga ngaih theih dawr siam an awm bawk. An hming diktak hmanga Trade License nei thei si, Mizo hminga dawr an siam leh thei hi thil mak tak a ni a, license issue-tute thiam loh niin a lang.
Aizawl-ah ringawt pawh hnam dang siam dawr a tam hle a, a bikin restaurant a tam hle. Heng mite Trade License leh Inner Line Permit hi a khât tawka endik fo a tha hle a, an Trade License a lo valid tawh lo a nih chuan ILP nei mah se, dân bawhchhia an ni tho tho. Tin, an mi chhawrte hi ILP an neih leh neih loh bakah, a sponsor-tu hriatchian a tha hle a; ILP pe chhuaktu lam fimkhur tawk loh vang emaw, tihsual palh emaw avanga sponsor theih zat aia tam sponsor hi thil awm thei a ni bawk.
ILP nei sumdawng mi 26 zinga pakhat tih loh chu Aizawl-a mi vek an ni a, pahnih hian Mizo hmingin dawr an siam a, a dang pawh Mizo hming anga ngaih theih dawr siam an awm bawk. An hming diktak hmanga Trade License nei thei si, Mizo hminga dawr an siam leh thei hi thil mak tak a ni a, license issue-tute thiam loh niin a lang.
Aizawl-ah ringawt pawh hnam dang siam dawr a tam hle a, a bikin restaurant a tam hle. Heng mite Trade License leh Inner Line Permit hi a khât tawka endik fo a tha hle a, an Trade License a lo valid tawh lo a nih chuan ILP nei mah se, dân bawhchhia an ni tho tho. Tin, an mi chhawrte hi ILP an neih leh neih loh bakah, a sponsor-tu hriatchian a tha hle a; ILP pe chhuaktu lam fimkhur tawk loh vang emaw, tihsual palh emaw avanga sponsor theih zat aia tam sponsor hi thil awm thei a ni bawk.
----------------------
ZIRLAI PAWL LEH ILP
ILP nei lo dap chhuah leh dân lova sumdawng dap chhuah kawngah zirlai pawl pahnih Mizo Zirlai Pawl (MZP) leh Mizo Students’ Union (MSU) te an thawhhlawk hle a, YMA pawhin hmun thenkhatah ILP nei lo an dap chang a awm thin bawk.
MZP hian kum tin hnam dang ILP nei lo dap chhuah beihpui an thlak ziah a, mi thahnem tak an man chhuak thin a. Hei bakah hian kumin, 2015 March thla atang khan Mizo Thalai Pawl (MTP) nena tangkawpin dân lova hnam dang sumdawng dap chhuah beihpui an thlak a, dawr 30 chuang zet chu an khar a ni.
Mizo Students Union (MSU) pawhin kumin, 2015 September thla khan hnam dang ILP nei lo an dap a, zingkar khatah mi 20 zet an man chhuak a, heng mite hi police kutah hlan vek an ni.
MZP hian kum tin hnam dang ILP nei lo dap chhuah beihpui an thlak ziah a, mi thahnem tak an man chhuak thin a. Hei bakah hian kumin, 2015 March thla atang khan Mizo Thalai Pawl (MTP) nena tangkawpin dân lova hnam dang sumdawng dap chhuah beihpui an thlak a, dawr 30 chuang zet chu an khar a ni.
Mizo Students Union (MSU) pawhin kumin, 2015 September thla khan hnam dang ILP nei lo an dap a, zingkar khatah mi 20 zet an man chhuak a, heng mite hi police kutah hlan vek an ni.
Comments
Post a Comment