ZORAM TODAY | November 3-16, 2015
October ni 27, 2015 khan Joint Electricity Regulatory Commission (JERC), Mizoram & Manipur leh Power & Electricity department, Mizoram tangkawp chuan Synod conference Centre, Aizawl-ah electricity kaihhnawih thilte zirhona (workshop) an nei a, he hunah hian Aizawl khawpui chhung Local Council hruaitute, Consumer Union, tlawmngai pawl aiawh hruaitu thahnem tak an tel a, Chief Minister Lal Thanhawla chu khuallian a ni.
Power & Electricity department, Mizoram atangin Engineer-in-Chief Liannghinglova Pachuau leh a thawhpuite bakah JERC (M&M) atangin Chairperson R.K. Kishore Singh leh thawktu dangte’n thusawina hun an nei a, Mizoram electric power chungchanga thil hriat tur pawimawh hrang hrang—kan ram dinhmun te, power lei leh hralh chhuah dan te, Mizo mipuiin elctric bill kan chawi dan kalphung tlangpuite sawi lan a ni. He workshop hi JERC leh Power & Electricity department-in tangruala an vawi khat huaihawtna a ni nghe nghe.
Mizoram census village chhinchhiah zawng zawng khaw 704 tih-ên tumin Power & Electricity department chuan hmalakna an kalpui mek niin an sawi a, kum 2001 leh 2011 census inkar khan Mizoram-ah khaw 29-in census village hi pung anga chhinchhiah a ni a, heng khaw 29 bakah khaw te pên khaw 15 tih-ên tumin hmalakna an kalpui mek niin he huna thusawitu Liannghinglova Pachuau, Engineer-In-Chief, P&E department chuan a sawi a. Mizoram-ah electric consumer 1,90,000 vel an nei niin a sawi bawk. Kum 2014-2015 chhung hian state pawn atangin 502.50 million unit Mizoram sawrkarin a lei a, heta sum senso hi Rs. 169.48 crore niin chawhrualin unit khat leina hi Rs. 3.37 vel zel anga chhut a ni. Hetih lai hian kan ram chhung atanga power siam chhuah hi 35.18 million unit a ni ve thung a! Chuti a nih chuan Rs. 11.87 crore man chu he state hian a nei tihna a ni.
Mizoram-in power a mamawh zat hi chhun lamah MW 45-60 inkar niin zan lamah MW 70-85 inkar vel a ni tlangpui a, chutih mek laiin vawiin thlenga kan state-in power siam chhuahna hrang hrang hydel project sawm pakhat kan neihte atangin MW 29 vel kan siam chhuak ve a, kan power mamawh zatve pawh min phuhru zo lo va, Mizoram-in state kan nih atanga kum 30 dawn thlengin kan mamawh chin tal kan la siam chhuak lo erawh sawi fiah thiam a har hle. Mizoram hian hydel project atang ringawtin MW 3500 aia tlem lo siam chhuah theihna ram rohlu a awm niin P & E Department hotute chuan an sawi.
Tunah hian Mizoram sawrkar hian hydel project megawatt thahnem tak pe chhuak thei turin central sector leh company dangte hnenah MOU a sign-pui tawh niin thuneitute’n an sawi.
Power & Electricity department, Mizoram atangin Engineer-in-Chief Liannghinglova Pachuau leh a thawhpuite bakah JERC (M&M) atangin Chairperson R.K. Kishore Singh leh thawktu dangte’n thusawina hun an nei a, Mizoram electric power chungchanga thil hriat tur pawimawh hrang hrang—kan ram dinhmun te, power lei leh hralh chhuah dan te, Mizo mipuiin elctric bill kan chawi dan kalphung tlangpuite sawi lan a ni. He workshop hi JERC leh Power & Electricity department-in tangruala an vawi khat huaihawtna a ni nghe nghe.
Mizoram census village chhinchhiah zawng zawng khaw 704 tih-ên tumin Power & Electricity department chuan hmalakna an kalpui mek niin an sawi a, kum 2001 leh 2011 census inkar khan Mizoram-ah khaw 29-in census village hi pung anga chhinchhiah a ni a, heng khaw 29 bakah khaw te pên khaw 15 tih-ên tumin hmalakna an kalpui mek niin he huna thusawitu Liannghinglova Pachuau, Engineer-In-Chief, P&E department chuan a sawi a. Mizoram-ah electric consumer 1,90,000 vel an nei niin a sawi bawk. Kum 2014-2015 chhung hian state pawn atangin 502.50 million unit Mizoram sawrkarin a lei a, heta sum senso hi Rs. 169.48 crore niin chawhrualin unit khat leina hi Rs. 3.37 vel zel anga chhut a ni. Hetih lai hian kan ram chhung atanga power siam chhuah hi 35.18 million unit a ni ve thung a! Chuti a nih chuan Rs. 11.87 crore man chu he state hian a nei tihna a ni.
Mizoram-in power a mamawh zat hi chhun lamah MW 45-60 inkar niin zan lamah MW 70-85 inkar vel a ni tlangpui a, chutih mek laiin vawiin thlenga kan state-in power siam chhuahna hrang hrang hydel project sawm pakhat kan neihte atangin MW 29 vel kan siam chhuak ve a, kan power mamawh zatve pawh min phuhru zo lo va, Mizoram-in state kan nih atanga kum 30 dawn thlengin kan mamawh chin tal kan la siam chhuak lo erawh sawi fiah thiam a har hle. Mizoram hian hydel project atang ringawtin MW 3500 aia tlem lo siam chhuah theihna ram rohlu a awm niin P & E Department hotute chuan an sawi.
Tunah hian Mizoram sawrkar hian hydel project megawatt thahnem tak pe chhuak thei turin central sector leh company dangte hnenah MOU a sign-pui tawh niin thuneitute’n an sawi.
HEP-a MOU Mizoram sawrkarin a sign-puite :
Kan ramin power kan siam chhuah MW 29 vel atang hian Serlui ‘B’ tih loh chuan fur lai chauhin êng an siam chhuak thei a, a dang zawng hydel power project 10 chu thal laia êng siam chhuak turin engmah a thawk thei lo tihna a ni. Serlui ‘B’ KW 12000 hmangin state dang atanga lakluh hi a lo belh bawm ve a ni!
Comments
Post a Comment