ZORAM TODAY | October 20-2 November, 2015 - Hriatpuia Khiangte
Vúr tlang vanga a kehchhiat hnuah tuifinriat mawnga Titanic lawng ropui a pil ruai ruai lai khan mak deuh maiin biscuit pakhat erawh a him pial thung a, vawiin thleng hmuh theiha la vawnthat he biscuit, 'Cracker' hi khawvela biscuit hlu ber nia ngaih a ni der tawh.
Kha lawng ropuia chuangte chhanchhuah hna thawktute zinga mi James Fenwick chuan, thlalak siamna dâwr pakhat hnenah he biscuit hi a hralh phawt a, a tir thu inziak 'Pilot biscuit from Titanic lifeboat 1912' tih pawh a ngai ngaiin chhiar theihin a la awm.
Hemi hnu hian tangka tam tham deuh a hui thei dawn nia ngaiin, lilam tum a ni ta a, tun dinhmunah chuan engtiang chiaha manto nge a nih dawn hriat a la ni lo thung.
UK-a thil hlu tak tak lilamtu Henry Aldridge & Son auctioneers-a an hotupa Andrew Aldridge chuan, “Khawvela biscuit hlu ber tih loh rual a ni lo,” tiin a sawi.
Chhiatna rapthlak tak thleng kara a him thei chu thil mak tak a ni tih sawiin Andrew chuan, “Khawvela lawng lian ber a chesual a, mi sang tél tehmeuhin nunna hlu tak an chân laia a him pial hi a mak thlâwt a ni,” a ti hial.
October ni 24 khian he biscuit hi a ngam huai apiangte hnena hralh turin lilam tum a ni a, engtiang chiaha tovin nge a duhtute’n an ngam dawn tih la sawi chian theih loh mah se, pound 8000-10,000 vel zeta hralh theih beisei a ni a; a hlut avanga kawl duhtu chuan pawisa note a phawrh ve nual a ngai dawn a ni!
Kha lawng ropuia chuangte chhanchhuah hna thawktute zinga mi James Fenwick chuan, thlalak siamna dâwr pakhat hnenah he biscuit hi a hralh phawt a, a tir thu inziak 'Pilot biscuit from Titanic lifeboat 1912' tih pawh a ngai ngaiin chhiar theihin a la awm.
Hemi hnu hian tangka tam tham deuh a hui thei dawn nia ngaiin, lilam tum a ni ta a, tun dinhmunah chuan engtiang chiaha manto nge a nih dawn hriat a la ni lo thung.
UK-a thil hlu tak tak lilamtu Henry Aldridge & Son auctioneers-a an hotupa Andrew Aldridge chuan, “Khawvela biscuit hlu ber tih loh rual a ni lo,” tiin a sawi.
Chhiatna rapthlak tak thleng kara a him thei chu thil mak tak a ni tih sawiin Andrew chuan, “Khawvela lawng lian ber a chesual a, mi sang tél tehmeuhin nunna hlu tak an chân laia a him pial hi a mak thlâwt a ni,” a ti hial.
October ni 24 khian he biscuit hi a ngam huai apiangte hnena hralh turin lilam tum a ni a, engtiang chiaha tovin nge a duhtute’n an ngam dawn tih la sawi chian theih loh mah se, pound 8000-10,000 vel zeta hralh theih beisei a ni a; a hlut avanga kawl duhtu chuan pawisa note a phawrh ve nual a ngai dawn a ni!
Comments
Post a Comment