ZORAM TODAY | November 3-16, 2015
Mizoram-in Inner Line Regulation kan neih hi hmarchhak state thenkhat pawhin an nei ve a. A nei lo zing ami, Manipur pawhin kumin kum chawhma lam khan ILP neih ngiatin nawrh an lo huaihawt chiam tawh a, nunna chân phah ta hial pawh an awm a nih kha. Tunlaiah hnam fing leh hnam lian zawkte chuan an aia tê, an chhehvela chêngte an chimral (assimilate) tawh a, chuvangin a fing apiang chuan ILP tangkaina an hria a ni. Chutih laiin keini erawh chuan hnam dang laka kan inhumhimna kulhpui ILP hi kan thlahdul hret hret zel si.
Chief Secretary-in sponsor-tu awm lova temporary ILP issue theih tura notification a chhuah hian mi a thâwng hle a, eng nge a chhan tak hriat chian pawh a châkawm hle bawk. Temporary ILP emaw, Permanent ILP emaw hi a guidelines-ah chuan sponsor-tu awm ngei ngei tur a ni a, chuti chung chuan sponsor-tu awm chu sawi loh, ILP nei lo hnam dang awm hnemzia hi rapthlak khawp a tling. Zirlai pawl leh pawl thahnemngai dang dangte’n tlawmngaiin hnam dang ILP nei lo an check thin a, eng hunah pawh, khawi hmunah pawh football team khat daih zet chu man chhuah tur an awm ziah. Hei hi law & enforcement chak loh vang a ni em, tih ngaihtuahna a awmtir a ni.
Mizoram Police hnuaiah hian ILP Branch emaw ILP Cell emaw din a tul tawh hle niin a lang. Police lam hian thla tinin ILP check thin mah se, an mante chu an thawn haw leh mai a, a hremna dan hi a nêp avangin ILP nei lo man chhuah hi a sawngsawhlawt lutuk lo niin a hriat a. An sakhaw ni pawimawha Lammual tlat tlata a sin varho an bungbu suau suau thin hmuh hi chuan ram hmangaihtu rilru-ah hlauhthawnna leh rinhlelhna a awm nghal lo thei lo a ni ber.
ILP neih a awlsam ta lutuk te, sponsor a harsa ta lo lutuk te hi ngaihtuah a ngai a, hnam dangin hnam dang vek a sponsor thei phei chu tihtawp a tha hle. ILP issue thei apui an tam ta lutuk te hi tihtlem theih ni se, ILP nei lo chunga awlsam taka Vairengte Check Gate paltlang a ni thin te, ILP nei lo hremna nêp lutuk te hi ennawn ni mawlh se a duhawm hle mai. Hemi tur hian, ILP Guidelines hi a tha thei ang bera siamthata, sawrkar thuneitute pawhin an duh hun huna duh dan dan an tihdanglam theih tawh lohna tura dan tha tak hnuaia kharkhip tlat theih ni se a tha hle ang.
Chief Secretary-in sponsor-tu awm lova temporary ILP issue theih tura notification a chhuah hian mi a thâwng hle a, eng nge a chhan tak hriat chian pawh a châkawm hle bawk. Temporary ILP emaw, Permanent ILP emaw hi a guidelines-ah chuan sponsor-tu awm ngei ngei tur a ni a, chuti chung chuan sponsor-tu awm chu sawi loh, ILP nei lo hnam dang awm hnemzia hi rapthlak khawp a tling. Zirlai pawl leh pawl thahnemngai dang dangte’n tlawmngaiin hnam dang ILP nei lo an check thin a, eng hunah pawh, khawi hmunah pawh football team khat daih zet chu man chhuah tur an awm ziah. Hei hi law & enforcement chak loh vang a ni em, tih ngaihtuahna a awmtir a ni.
Mizoram Police hnuaiah hian ILP Branch emaw ILP Cell emaw din a tul tawh hle niin a lang. Police lam hian thla tinin ILP check thin mah se, an mante chu an thawn haw leh mai a, a hremna dan hi a nêp avangin ILP nei lo man chhuah hi a sawngsawhlawt lutuk lo niin a hriat a. An sakhaw ni pawimawha Lammual tlat tlata a sin varho an bungbu suau suau thin hmuh hi chuan ram hmangaihtu rilru-ah hlauhthawnna leh rinhlelhna a awm nghal lo thei lo a ni ber.
ILP neih a awlsam ta lutuk te, sponsor a harsa ta lo lutuk te hi ngaihtuah a ngai a, hnam dangin hnam dang vek a sponsor thei phei chu tihtawp a tha hle. ILP issue thei apui an tam ta lutuk te hi tihtlem theih ni se, ILP nei lo chunga awlsam taka Vairengte Check Gate paltlang a ni thin te, ILP nei lo hremna nêp lutuk te hi ennawn ni mawlh se a duhawm hle mai. Hemi tur hian, ILP Guidelines hi a tha thei ang bera siamthata, sawrkar thuneitute pawhin an duh hun huna duh dan dan an tihdanglam theih tawh lohna tura dan tha tak hnuaia kharkhip tlat theih ni se a tha hle ang.
Comments
Post a Comment