ZORAM TODAY | September 15-5 October, 2015
Kan ramah hian hmasawnna ruhrel kan siam dawn hian a enkawlna tur sum chungchangah a bo emaw, a hman lohna tura hman emaw, a hman zat tur aia tam hman vanga hmasawnnain a kawng zawh mek a tawpsan a awm ta fo mai. Heng sum bo tam takte hi mi pamhamte avanga chingpen a awm rualin, thawktute inthlahdah vang liau liauva chingpen pawh a awm ve thin bawk.
Nikum July thla atang khan Aizawl-a college lian leh lar ber te zinga mi Govt. T. Romana College sum cheng nuai 17.9 zet chu principal cheque hmang ngei siin tu a nih hriat lohvin a lo la chhuak hmiah mai a, case a luh hnuah pawh kuminah ngei hian cheng nuai khat dawn lak chhuah a ni leh a, hei hi ngun taka han chhui chian hian misual tu emaw thil tih a nih rualin a phena lo lang ve chu, thawktute inthlahdah leh fimkhur loh vang a ni tih chiang takin a lang thei.
Indian financial system-a transaction atana clean sheet pawimawhzia hre ber tura ngaih bank lam thawktute’n cheque over write awm an lo pawm mai te, lak chhuah tur ziah aia let sawma tam pek chhuah a ni mai te hi a phenah hian hamthatna lo dawng an awm ve a ni mai lo maw tih hi zawhna lian tak a ni. Chutih rualin, customer tam takte’n bank hnathawkte dawr hrehawmzia leh inthlahdahzia an sawi thin tilangtu chiang tak a ni thei bawk ang. Hei hi insiamthatna atan hmang thei se, a duhawm hle.
Kan police lam pawh FIR a luh hnu kum khat tling dawnah pawh hmasawnna hmel hmuh tur an la chhawp chhuak thei lo hi an ngaihthah leh inthlahdah vang a ni thei mai ang em? Eng pawh ni se, heng beih letna kawngah hian mipui leh sawrkar a tanrual a tul takzet a ni. Dan dik lo deuh pawh ni se kan tana tha tur nia ngaihah chuan pen ruak ruak duh mi kan nihna te hi mahni leh mahni kan inbeih letna tur pawimawh tak a ni.
Ram thatna chu sawrkarah a innghah rualin sawrkar chu mipuiah leh mimal nunah a innghah ve tlat avangin phel hran theih loh phelh hran kan tum thin hi kan ram hmelma diktak a ni. He pawikhawihna hi sawrkar hnathawk emaw, eng hnathawk tan pawh, mahni hnaa rinawm a ngaihzia te, taimak leh fimkhur a ngaihzia te tilang chiangtu a ni a, tun hnuah chuan sawrkar hnathawkte hian tan lak thar phah sauh nan hmang thei se a duhawm hle ang.
Nikum July thla atang khan Aizawl-a college lian leh lar ber te zinga mi Govt. T. Romana College sum cheng nuai 17.9 zet chu principal cheque hmang ngei siin tu a nih hriat lohvin a lo la chhuak hmiah mai a, case a luh hnuah pawh kuminah ngei hian cheng nuai khat dawn lak chhuah a ni leh a, hei hi ngun taka han chhui chian hian misual tu emaw thil tih a nih rualin a phena lo lang ve chu, thawktute inthlahdah leh fimkhur loh vang a ni tih chiang takin a lang thei.
Indian financial system-a transaction atana clean sheet pawimawhzia hre ber tura ngaih bank lam thawktute’n cheque over write awm an lo pawm mai te, lak chhuah tur ziah aia let sawma tam pek chhuah a ni mai te hi a phenah hian hamthatna lo dawng an awm ve a ni mai lo maw tih hi zawhna lian tak a ni. Chutih rualin, customer tam takte’n bank hnathawkte dawr hrehawmzia leh inthlahdahzia an sawi thin tilangtu chiang tak a ni thei bawk ang. Hei hi insiamthatna atan hmang thei se, a duhawm hle.
Kan police lam pawh FIR a luh hnu kum khat tling dawnah pawh hmasawnna hmel hmuh tur an la chhawp chhuak thei lo hi an ngaihthah leh inthlahdah vang a ni thei mai ang em? Eng pawh ni se, heng beih letna kawngah hian mipui leh sawrkar a tanrual a tul takzet a ni. Dan dik lo deuh pawh ni se kan tana tha tur nia ngaihah chuan pen ruak ruak duh mi kan nihna te hi mahni leh mahni kan inbeih letna tur pawimawh tak a ni.
Ram thatna chu sawrkarah a innghah rualin sawrkar chu mipuiah leh mimal nunah a innghah ve tlat avangin phel hran theih loh phelh hran kan tum thin hi kan ram hmelma diktak a ni. He pawikhawihna hi sawrkar hnathawk emaw, eng hnathawk tan pawh, mahni hnaa rinawm a ngaihzia te, taimak leh fimkhur a ngaihzia te tilang chiangtu a ni a, tun hnuah chuan sawrkar hnathawkte hian tan lak thar phah sauh nan hmang thei se a duhawm hle ang.
Comments
Post a Comment