ZORAM TODAY | October 6-19 October, 2015
“En ringawt pawhin a nu em em a, a hnuai lamah a tla khawm a, dah rei deuh hnuah a hnuai lamah a tla khawm a. Chung lam atanga enin a sen phút a; han khawih ila, a ban chap a,” tiin Mizoram University hostel-a awm akhat chuan a sawi. Hostel-a awm zirlaite khuan an tui nutzia leh thianghlim lohzia thiam takin an sawi thei vek a, zawh belh pawh ngai lovin, chatlak awm hauh lovin an sawi par par thei! ZORAM TODAY chuan a hmunah kan hmu a, a lo nu em a ni!
“En ringawt pawhin a nu em em a, a hnuai lamah a tla khawm a, dah rei deuh hnuah a hnuai lamah a tla khawm a. Chung lam atanga enin a sen phút a; han khawih ila, a ban chap a,” tiin Mizoram University hostel-a awm akhat chuan a sawi. Hostel-a awm zirlaite khuan an tui nutzia leh thianghlim lohzia thiam takin an sawi thei vek a, zawh belh pawh ngai lovin, chatlak awm hauh lovin an sawi par par thei! ZORAM TODAY chuan a hmunah kan hmu a, a lo nu em a ni!
Kumin kum tir lam khan hmeichhe awmna hostel, Senhri-ah chuan kawthalo hri a lêng a, zirlai tam tak chu kar khat chuang te class mumal thei lovin an awm a, a zirna a tikhaihlak nasa hle. Kaw\halo hri hi hostel hrang hrangah a khât tawkin a lêng zeuh zeuh a, an tui tlan a thianghlim loh vangah an puh ber. Hostel pakhata an prefect (hosteller zingah an hotu) chuan, “Kan hostel-ah filter (tui thlitfimna) kan nei lo va, kan tui in tur chu dawrah mineral water kan lei chawp thin,” tiin a sawi. An tui in tur, dawra an lei thin chu ngaiah an neih tawh ni âwm tak a ni. Hosteller zirlai pakhat chuan, an tui dah khawlna tanky an thuah khât thu leh thuah zing deuh thei se a duh thu a sawi bawk. ZORAM TODAY-in hostel hrang hrang a zir chiannaah, B.Tech hostel tih lohvah chuan filter a awm lo vek a ni.
ZORAM TODAY-in Senhri hostel kan tlawh laiin hmeichhe pakhatin inbualna tur tui a khai mek. Tui thianghlim lo avanga a taksaa harsatna a tawh leh tawh loh chungchang zawhna chu, “Kan inbualna tui hi a ban chap a, inbual zawh hian vun a thak sep sep thin” tiin a sawi. A inbualna tur tui chu chung lam atanga enin bucket mawng a lang thei lo, a nu phút!
Tui nû hi a rei chuan a tling fîm zawk thin a ni ngai a! Mahse, B.Tech hostel-a awm thin Mizo zirlai pakhat chuan, “Kan tui hi rei lo te-ah patêk ang deuh a awm nghal thin. A rei telh telh a, a nu telh telh,” a ti!
Hostel thenkhat an tui chuan rim a nei! Zirlai pakhat chuan, “Tui hi bucket-ah ni hnih vel dah ila, amahin a bal vek thei. Tui rei tak dahna hnu bucket te hi a bal vek thin; inbual fai a har lutuk!” tiin a sawi.
Hostel tui thianghlim lo avang hian kan tarlan tak kawthalo leh vun natna bakah, pum nâ leh sam tla (a bikin hmeichhia) a tam hle a, anmahni an thû vek bakah luak thin an awm. Campus-ah khuan clinic a awm a, clinic pan hi a khât tâwkin an awm reng a ni.
Mizoram University Students’ Council-a hruaitu pakhat chuan, “Tui phurte hi an inthlahdah thin hlein kan hria a; kum dangah pawh hei hi kan harsatna a ni. An tui chawina thlenga kan enfiah châng a awm,” tiin a sawi. “Nitina tui phur thin an nih avangin kan en fiah reng hman bik lo va, khawii emaw lai tui tling remchang, tawp leh thianghlim lo deuh phurh mai hreh lo hi an awm leh thin,” tiin a sawi bawk.
Mizoram University-ah hian nikum, 2014 kum laihawl atangin PHE tui connection a awm ve chauh va, mahse, university mamawh zatve pawh a phuhru pha lo. Hei vang hian kum tinin tui phur motor an ruai ziah a, tunah hian tui supply turin truck (407 kan tih thin) 16 an hmang mek a, chungho chuan nitin University mamawh an chawi thin a ni.
An tui chawina hmun chungchang zawhna chhangin Dr. K. Zirnunsanga, Assistant Registrar (ADM-II-A) chuan, “Thal lai chuan Tlawng lui an chawi a, a nih lem loh chuan campus hnaivaiah te pawh an chawi kan remti bawk,” tiin a sawi a, “Kan tui chawitute hian Tlawng lui ami an chawi ni turah kan ngai a, a hmuna kan hmuhpui tawh loh avangin, chuta mi chu an chawi tak tak em tih erawh kan hre lo,” tiin a sawi. Khawl an neih loh avangin tui in tlak a nih leh nih loh an en chhin loh thu a sawi bawk. An tui chawi te hi tanky-ah an chhûng a, tithianghlim lem lovin chu chu a tulna apiangah an hmang tawh mai thin.
Tui hi mitin nunna a ni a, tui thianghlim lo avangin natna tam tak a thleng thei a, thihna thlengin a thleng thei. Tun hnaia Mizoram University-a zirlai hmeichhe pakhat thih chhanah pawh, tui thianghlim lo avanga natna lo thleng thei - tuihri (cholera) natna tel nia sawi a awm a, hei erawh finfiahna a awm loh bakah, ZORAM TODAY-in a chhuinaah, he zirlai hian tui thianghlim lo vangin taksa harsatna lo tawk fo thin mah se, a thih chhanah erawh chutiang a awm lo niin a lang.
Mizoram University-ah khuan zirlai awmna hostel 8 a awm a, chung zingah pahnih — Hmuifang leh Chalfilh chu B.Tech awmna bik niin anni chauh hi MZU hostel zinga filter nei awmchhun an ni. Mipa awmna hostel hi pathum awmin Phawngpui, Lengteng leh Tan tiin hming an vuah a; hmeichhe awmna bik hostel hi pathum bawk niin Senhri, Ainawn leh Dingdi tiin hming an vuah bawk. Heng bakah hian tun hnaiah hostel din belh a awm zel a ni. Heng hostel-ah te hian zirlai 700 chuang an awm mek a ni.
Hostel thenkhat an tui chuan rim a nei! Zirlai pakhat chuan, “Tui hi bucket-ah ni hnih vel dah ila, amahin a bal vek thei. Tui rei tak dahna hnu bucket te hi a bal vek thin; inbual fai a har lutuk!” tiin a sawi.
Hostel tui thianghlim lo avang hian kan tarlan tak kawthalo leh vun natna bakah, pum nâ leh sam tla (a bikin hmeichhia) a tam hle a, anmahni an thû vek bakah luak thin an awm. Campus-ah khuan clinic a awm a, clinic pan hi a khât tâwkin an awm reng a ni.
Mizoram University Students’ Council-a hruaitu pakhat chuan, “Tui phurte hi an inthlahdah thin hlein kan hria a; kum dangah pawh hei hi kan harsatna a ni. An tui chawina thlenga kan enfiah châng a awm,” tiin a sawi. “Nitina tui phur thin an nih avangin kan en fiah reng hman bik lo va, khawii emaw lai tui tling remchang, tawp leh thianghlim lo deuh phurh mai hreh lo hi an awm leh thin,” tiin a sawi bawk.
Mizoram University-ah hian nikum, 2014 kum laihawl atangin PHE tui connection a awm ve chauh va, mahse, university mamawh zatve pawh a phuhru pha lo. Hei vang hian kum tinin tui phur motor an ruai ziah a, tunah hian tui supply turin truck (407 kan tih thin) 16 an hmang mek a, chungho chuan nitin University mamawh an chawi thin a ni.
An tui chawina hmun chungchang zawhna chhangin Dr. K. Zirnunsanga, Assistant Registrar (ADM-II-A) chuan, “Thal lai chuan Tlawng lui an chawi a, a nih lem loh chuan campus hnaivaiah te pawh an chawi kan remti bawk,” tiin a sawi a, “Kan tui chawitute hian Tlawng lui ami an chawi ni turah kan ngai a, a hmuna kan hmuhpui tawh loh avangin, chuta mi chu an chawi tak tak em tih erawh kan hre lo,” tiin a sawi. Khawl an neih loh avangin tui in tlak a nih leh nih loh an en chhin loh thu a sawi bawk. An tui chawi te hi tanky-ah an chhûng a, tithianghlim lem lovin chu chu a tulna apiangah an hmang tawh mai thin.
Tui hi mitin nunna a ni a, tui thianghlim lo avangin natna tam tak a thleng thei a, thihna thlengin a thleng thei. Tun hnaia Mizoram University-a zirlai hmeichhe pakhat thih chhanah pawh, tui thianghlim lo avanga natna lo thleng thei - tuihri (cholera) natna tel nia sawi a awm a, hei erawh finfiahna a awm loh bakah, ZORAM TODAY-in a chhuinaah, he zirlai hian tui thianghlim lo vangin taksa harsatna lo tawk fo thin mah se, a thih chhanah erawh chutiang a awm lo niin a lang.
Mizoram University-ah khuan zirlai awmna hostel 8 a awm a, chung zingah pahnih — Hmuifang leh Chalfilh chu B.Tech awmna bik niin anni chauh hi MZU hostel zinga filter nei awmchhun an ni. Mipa awmna hostel hi pathum awmin Phawngpui, Lengteng leh Tan tiin hming an vuah a; hmeichhe awmna bik hostel hi pathum bawk niin Senhri, Ainawn leh Dingdi tiin hming an vuah bawk. Heng bakah hian tun hnaiah hostel din belh a awm zel a ni. Heng hostel-ah te hian zirlai 700 chuang an awm mek a ni.
Comments
Post a Comment