ZORAM TODAY | September 15-5 October, 2015
Nikum leh kumin chhovah Aizawl khawpui chhunga zirna in hrang hrang rawk a hluar hle a, a bikin college zirna in rawk phei chu a thleng zing malh malh hle. Misualte hian zirna in computer hard disk bakah khawl pawimawh tak tak an ru bo nasa hle a ni. Heng — Govt. J. Thankima College, Govt. Aizawl North College, Govt. Johnson College, Govt. Aizawl College, Pachhunga University College leh Govt. T. Romana College te’n tun hnai kum khat chhungin rawk an tawk a, college thenkhat phei chu tum hnih lai rawk an ni tawh nghe nghe.
“Kum 2014 kum bul lam khan kan college hian misual rawk kan tawk a, college building chhungah lutin ngampa takin principal room-ah te thil an hai nasa a, kan computer hard disk te pawh an la bo daih a ni,” tiin Govt. T. Romana College-a zirtirtu pakhat chuan a sawi.
June ni 27, 2014 a ni a, hetih laia Govt. T. Romana College principal chu Dr. F. Lalhmingsanga a ni. Hemi ni tak hian principal remtihna leh hriatpuina tel lovin SBI Dawrpui Branch atangin cheque no. 91304 hmangin, principal signature-in Lalchhuanmawia inti chuan Rs. 30,000 lai mai chu college cheque hmangin a la chhuak a, a tuk June ni 28, 2014-ah cheque no. 561649-in principal signature hmang bawkin he pa vek hian Rs. 1,00,000 a la chhuak leh nghal a; he thil thleng hi college thuneitute chuan an hre lo niin a lang. Eng emaw changa college thil pawimawh leina tur an lak chhuah pawhin passbook hi an ‘update’ kher ngai lo a ni.
Hetia pawisa lak chhuah a awm tih an hriat hnuah college hotute chu bank lamah an kal nghal a, cheque bu kawl lai an en chian chuan a indawta la lovin cheque blank 9 a bo tih an hmu chhuak a, 7 lai a lo hman tawh avangin, a latu hian pahnih chu a la kawl dawn hi, hemi hmang hian an rawn la leh ngeiin a rinawm a, kar khat chhung kan nghak dawn nia, tiin college hotute leh bank hotute’n ruahmanna an siam a, pawisa hi lak chhuah a nih leh mai si loh avangin college thuneitute chuan police-te chhui turin FIR thehluh an rel a ni.
“SBI Dawrpui Branch-a an hotute hnenah nikum khan principal-in lehkha siamin, mutual agreement-in blank cheque pahnih la chuang hi chu block tawh ang che, tiin a hrilh a, heti chung hian principal thar hnuaiah a signature lem hmanga Rs. 80,000 lai an lo pe chhuak leh hi bank-a thawkte mawhphurhna liau liauvah kan ngai,” tiin college zirtirtu pakhat chuan a sawi.
Hetih lai hian kumina pawisa Rs. 80,000 lo pe chhuaktu chu thawk thar a nih avangin, tun hma lama thil thleng a hriat loh vanga pawisa hi lo pe chhuak ta mai niin college thuneitute hi a hrilh a, pawi a tih thu leh ama sum atanga a rulh leh vek thu a sawi bawk.
Govt. T. Romana College-a Staff Welfare Association Chairman Pu C. Laldinsanga chuan, “July ni 30, 2014-a blank cheque pakhata Rs. 1,00,000 la tura a figure leh word hmanga Lalchhuanmawia intiin a thai chhiat tawh Rs. 10,00,000 anga la chhuak tura ziak tha leha over writing chu bank lamin an lo pawmsak mai hi mak kan ti a, chu aia mak chu Rs. 10,00,000 chin la chhuak tur phei chuan, officer pahnih pathum talin an remtih hnuah a lak chhuah theih chauh a; over writing lehnghal, initial si lo an pawm thei hi uchuak taka fimkhur loh vangah kan ngai a, kan pawisa hi kan hmuh let vek theih nan a tawp thlengin hma kan la dawn a ni,” a ti.
He thilah hian SBI Dawrpui Branch hotute chu ZORAM TODAY chuan be pawpin, he thil hi anmahni chhungkuaah pawh nasa taka inchhui mek an nih avangin chhui chian fel a nih hma chu engmah an sawi theih loh thu an sawi a, SBI Dawrpui Branch Manager chuan, “Thil tisualtu leh tidik lotu, min bumtu hi tute pawh ni se, man chhuah vat kan duh a, hei hi kan tawngtaina pawh a ni,” tiin a sawi a ni.
Govt T. Romana College-in University Grants Commission (UGC) atanga pawisa an hmuh chu State Bank of India (SBI) Dawrpui Branch-a an dahthatna account atangin nikum khan mi tu tih hriat lohin Rs. 17.9 lakhs chu college principal signature lem hmangin a la chhuak nia hriat a ni a, he pawisa la chhuaktu hi tunge a niha, engtianga heti tak maia awlsama cheng nuai tel la chhuak thei nge a nih tih chu zawhna lian tak a ni. Thil sual titu hi vawiin thleng hian man chhuah a la ni lo.
ZORAM TODAY-in a chhui chiannaa a lan danin, Govt. T. Romana College hian SBI Dawrpui Branch-ah hian college pawisa thahnem tak an dah a, a then chu college tihhmasawnna tura sum an hmuh te, thenkhat chu zirtirtu leh zirlaite thawhkhawm niin a tam ber chu University Grants Commission (UGC) atanga an pawisa hmuh a ni.
Nikum leh kumin chhovah Aizawl khawpui chhunga zirna in hrang hrang rawk a hluar hle a, a bikin college zirna in rawk phei chu a thleng zing malh malh hle. Misualte hian zirna in computer hard disk bakah khawl pawimawh tak tak an ru bo nasa hle a ni. Heng — Govt. J. Thankima College, Govt. Aizawl North College, Govt. Johnson College, Govt. Aizawl College, Pachhunga University College leh Govt. T. Romana College te’n tun hnai kum khat chhungin rawk an tawk a, college thenkhat phei chu tum hnih lai rawk an ni tawh nghe nghe.
“Kum 2014 kum bul lam khan kan college hian misual rawk kan tawk a, college building chhungah lutin ngampa takin principal room-ah te thil an hai nasa a, kan computer hard disk te pawh an la bo daih a ni,” tiin Govt. T. Romana College-a zirtirtu pakhat chuan a sawi.
“Hriat loh laiin kan college cheque thenkhat hi a bo a nih kan ring a; passbook pawh a bo daih a, principal hi college-ah hotu lu ber a nih avangin college bank passbook leh cheque hi a kawl tha tlat a, a chang leh inah hawnin a chang chuan hawn kher lovin office thingremah a dah mai thin,” tiin a sawi bawk.
June ni 27, 2014 a ni a, hetih laia Govt. T. Romana College principal chu Dr. F. Lalhmingsanga a ni. Hemi ni tak hian principal remtihna leh hriatpuina tel lovin SBI Dawrpui Branch atangin cheque no. 91304 hmangin, principal signature-in Lalchhuanmawia inti chuan Rs. 30,000 lai mai chu college cheque hmangin a la chhuak a, a tuk June ni 28, 2014-ah cheque no. 561649-in principal signature hmang bawkin he pa vek hian Rs. 1,00,000 a la chhuak leh nghal a; he thil thleng hi college thuneitute chuan an hre lo niin a lang. Eng emaw changa college thil pawimawh leina tur an lak chhuah pawhin passbook hi an ‘update’ kher ngai lo a ni.
Lalchhuanmawia inti hian Govt. T. Romana College principal Dr. F. Lalhmingsanga signature hmang hian cheque-in a thla leh July thla chhungin vawi nga lai mai pawisa lak chhuah a nei a, July ni 18-ah vawi hnih la chhuakin chu chu Rs. 1,80,000 a ni a; July ni 21-ah Rs. 40,000 leh July ni 25-ah Rs. 80,000; July ni 30-ah phei chuan Rs. 10,00,000 lai lak chhuah a ni ta a. Principal signature hmanga pawisa lak chhuah zawng zawng hi a vaiin Rs. 17,00,000 a tling.
Hetia pawisa lak chhuah a awm tih an hriat hnuah college hotute chu bank lamah an kal nghal a, cheque bu kawl lai an en chian chuan a indawta la lovin cheque blank 9 a bo tih an hmu chhuak a, 7 lai a lo hman tawh avangin, a latu hian pahnih chu a la kawl dawn hi, hemi hmang hian an rawn la leh ngeiin a rinawm a, kar khat chhung kan nghak dawn nia, tiin college hotute leh bank hotute’n ruahmanna an siam a, pawisa hi lak chhuah a nih leh mai si loh avangin college thuneitute chuan police-te chhui turin FIR thehluh an rel a ni.
August ni 11, 2014 khan khatih lai principal Dr. F. Lalhmingsanga hmingin Aizawl Police Station-ah Govt. T. Romana College principal signature lem hmanga college pawisa lak chhuah thu-ah FIR chu thehluh a ni ta a.
Police-te’n ngun takin an chhui a, kum khat dawn a ni ta! Police-te hian vawiin thlengin thil sual titute man chhuah lamah hmasawnna em em an la nei lo nia hriat a ni. FIR an thehluhna, Aizawl Police Station hotute chuan, pawisa lakchhuahna cheque te, college SU leader leh staff te signature an lakte en chiang turin Kolkatta-a Central Science Forensic Laboratory-ah thawn mek a nih thu an sawi.
Kumin kum bul lam khan principal hi a hna atanga a pension tak avangin Dr. Lalrintluanga chu Mizoram sawrkarin principal thar atan a ruat a, principal charge a lak hnu rei lo te-ah college cheque bo pahnih la awm zinga pakhat atangin principal hlui Dr. F. Lalhmingsanga leh principal thar Dr. Lalrintluanga signature ziah ve vena hmangin Lalchhuanmawia inti tho hian Rs. 80,000 lai chu SBI, Dawrpui branch atang bawk hian a la chhuak leh ta mai a, mak tih a hlawhin bank-a thawkte fimkhur loh vangah an puh ta hial mai.
“SBI Dawrpui Branch-a an hotute hnenah nikum khan principal-in lehkha siamin, mutual agreement-in blank cheque pahnih la chuang hi chu block tawh ang che, tiin a hrilh a, heti chung hian principal thar hnuaiah a signature lem hmanga Rs. 80,000 lai an lo pe chhuak leh hi bank-a thawkte mawhphurhna liau liauvah kan ngai,” tiin college zirtirtu pakhat chuan a sawi.
Hetih lai hian kumina pawisa Rs. 80,000 lo pe chhuaktu chu thawk thar a nih avangin, tun hma lama thil thleng a hriat loh vanga pawisa hi lo pe chhuak ta mai niin college thuneitute hi a hrilh a, pawi a tih thu leh ama sum atanga a rulh leh vek thu a sawi bawk.
Govt. T. Romana College-a Staff Welfare Association Chairman Pu C. Laldinsanga chuan, “July ni 30, 2014-a blank cheque pakhata Rs. 1,00,000 la tura a figure leh word hmanga Lalchhuanmawia intiin a thai chhiat tawh Rs. 10,00,000 anga la chhuak tura ziak tha leha over writing chu bank lamin an lo pawmsak mai hi mak kan ti a, chu aia mak chu Rs. 10,00,000 chin la chhuak tur phei chuan, officer pahnih pathum talin an remtih hnuah a lak chhuah theih chauh a; over writing lehnghal, initial si lo an pawm thei hi uchuak taka fimkhur loh vangah kan ngai a, kan pawisa hi kan hmuh let vek theih nan a tawp thlengin hma kan la dawn a ni,” a ti.
Nikum, 2014 khan Consumer Court-ah Govt. T. Romana College hi an kal tawh a, Mizoram sawrkarin Consumer Court-a President/Chairman tur a la ruat loh avangin he thil hi an ngaihtuah thei lawk lo va, tun hnai lawka P. Singthanga President/Chairman atan ruat thar a nih hnu, September thla tir khan Consumer Court chuan he buaina hi a ngaihtuah ta a, thla thum chhunga ching fel hman tura tih a ni.
Tunah hian Govt. T. Romana College nge SBI Dawrpui Branch hian hnehna chang zawk dawn tih hriat a la ni lo nachungin, he thil chungchangah hian thil dik lo lian tak inphum ru a awm ngei ni-ah ZORAM TODAY chuan a ngai a, police lam pawhin a chhui zui ve zel a, thil sual titu leh dikna chu a rawn lang chhuah vat a rinawm.
He thilah hian SBI Dawrpui Branch hotute chu ZORAM TODAY chuan be pawpin, he thil hi anmahni chhungkuaah pawh nasa taka inchhui mek an nih avangin chhui chian fel a nih hma chu engmah an sawi theih loh thu an sawi a, SBI Dawrpui Branch Manager chuan, “Thil tisualtu leh tidik lotu, min bumtu hi tute pawh ni se, man chhuah vat kan duh a, hei hi kan tawngtaina pawh a ni,” tiin a sawi a ni.
Comments
Post a Comment