Skip to main content

Mizo Idol zinga naupang ber Rebecca Zorintluangi

ZORAM TODAY | September 15-5 October, 2015
Khatia Mizo Idol a ni ta chu, chanchinbu lama a kawmna tihchhuah tumin ZORAM TODAY chuan Rebecca Zorintluangi chu kan hêl char char a. A buai vanglai tak a nih avangin hun remchang hmuh a har hle. PUC Girls Hostel-a awm a ni a, hostel-a a luh veleh a hun remchan neih um zuiin, PUC Principal Dr. Tawnenga kan bia a, ani’n hun remchang min siamsak thei hlauh va, kan lawm hle. September ni 10, 2015 zan dar 6:30-ah chuan, Editor, News Editor leh Joint Editor bakah kan photographer William Lalrindika te nen Senhri Devotion Hall-ah Mizo Idol hmachhawnin kan thu thap a. Hei hi kan inkawmna chu a ni.


Zai tan hun...
Kum 4 mi ka nihin Beginner Department-ah ka lo zai tawh thin.
Ka lawmman lak hmasak ber chu, kum 2008 khan Skylink buatsaih Little ZoStar-ah khan ka tel a, palina ka ni.

Mizo idol show neih chhunga chetchhiatna
Pheikhawk sang hi ka bun ngai lo va, top 10 intihsiakna kan neih zan khan ka bun a. Ka zai laiin ka inpal deuh nawk nawk a, chu chu ka chetchhiatna a ni deuh mai.

Idol show neih chhunga chhinchhiah tlak i tih...
Tun dinhmun hi ka thlen ka inring lo lutuk a. Top 20 te kan han thleng a, hlate kha kan zir luai luai a. Final te kan han thleng pha a, pahnih teh tlawng khan kan zir ta a. Top 20 kan tlin tirh lai kha keimahah chuan a thi thei lo.
 
Sawmna hi...
Ka dawng nual a, mahse, internal test a hnaih avangin duh angin ka tihlawhtling thei rih lo. Hostel-a ka awm avang hian harsatna a awm lutuk chuang lo va; principal te, warden te hian min tuipui a, mi hriatthiamna a ngah a, ka lawm khawp mai.

Idol hmasawnna tur...
Kan judge-te hi an tha ka ti a. Kumin idol neih lai hian hla zirna hun kan nei tlem em em a, kan hah a, kan zo hma rêng bawk a. An buatsaih leh hunah chuan tlemin hla zirna hun hi pe tam deuh thei sela tih chu keima duhdan a ni.

Zirna a tibuai em?
Mizo idol hian ka zirna a tibuai hran lo. Keimahah chuan zirna hi a pawimawh zawk a, pawimawh lutuk te chu a lo awm a, chutiang a nih loh chuan class hi thulh ka tum tawh rih lo. Chutih rual chuan zai hi thlahthlam ka tum chuang lo va, a theih chin chinah chuan zai zel ka tum. Gospel ka sa zel ang.

I idol hnu hostel i luh tirha i thiante lo dawnsawn dan che...
Hostel ka luh khan min lo chibai a, min lawmpui thu te min hrilh a. An lo tang lutuk a, min lo tawngtaipui nasa bawk a. An lo ri chel chul a ni ber.

Principal leh zirtirtu dangte, department leh SU hruaitute atangin lawmpuina ka dawng nasa hle a, a hmunah pawh min tawiawm thin. Tin, idol ka nih khan teachers’ day-ah te khan lawmpuina banner an tar a, a nuam ka tiin phu lo ka inti hle.

I nunah Mizo idol zia engtin nge i lantir ang?
A hmasa berah chuan Pathian hriat a pawimawh ka ti a, tawngtai tam hi tha ka ti bawk. Chuan, idol nih hian keimahah chuan danglamna vak a awm lo; mi hriat kan hlawh avangin kan indah sáng tur a ni lo va, amaherawhchu, mi hriat kan nih avangin kan nun kan uluk a ngai ka ti. Tin, thiante zingah pawh min lo be ngam lote an awm thei a, chungte pawh chu keimahni zawkin kan va biak bawrh bawrh a ngai.

Hobby...
Zai tih lohvah chuan lehkhabu chhiar hi nuam ka ti a, Tinkle hi ka chhiar nasa hle.
 
Future plan...
Ka naupan têt te atang tawha ka châk chu teaching lama kal a ni a, tun thleng pawhin ka kal tum a la ni reng bawk a, thil dang lutuk hi ka aim lo.

Thil tawn hrehawm...
Programme neihna velah hian rui te hi an lo awm thin a; chungte chuan min lo pawh buai chang a awm thin a, chu bakah khawlai chhuahnaah pawh âwm lo lutuka inpawh te a awm thin a. Chungah te chuan tlema han hnial chuan ‘i va induh ve’ min ti thin a, chungah chuan chhan ngaihna a awm lo thei khawp mai a. Chungah chuan keimahah tlema inzir a la ngai ka ti.

I vei zawng...
Tunlai harhna hi ka sawisel lo nain, mimal nun hi pawimawh ka ti. A phawvuakah kan ral ang tih a hlauhawm. Tin, kohhran kan inthliar lutuk hi tha ka ti lo. Kei ngei pawh hi Presbyterian kohhran ni mah ila, tunah hian Baptist kohhranah ka inkhawm tam zawk a ni.

Lawmthu...
Pathian hnenah lawmthu ka sawi a, ka engkima ka engkim a ni. Ka chhungte min tawiawmna bakah ka hosteller-puite, PUC family min tawimawmna leh min phurpuina zawng zawngah ka lawm tawp. Sairang khawtlang bakah Zarkawt veng mipuite chungah, a bikin Zarkawt-a ka nu u chungah ka lawm takzet. Tin, Mizo mipui min lo tantu zawng zawng chungah lawmthu ka sawi a ni.

Mizo idol ni tawh zazwng zawnga naupang ber Rebecca Zorintluangi Pu Thangchungnunga leh Pi Lalrindiki te fa upa ber niin kum 1996 October ni 27-ah a piang a, unau pali an ni a, hmeichhia pahnih leh mipa pahnih an ni. Sairang Sihhmui tui liak a ni a, Govt. High School, Sairang-ah HSLC zovin Staines Memorial School, Chanmari-ah HSSLC a zo bawk. Tunah hian PUC Girls Hostel, Senhri-ah a awm mek a, Pachhunga University College-ah 3rd Semester BA (Education) a zir mek a ni.q
---------------
Idol contestant-a i kawmngeih ber...
Rachel-i ka ngaina ber.
I idol ve thung...
Zoramchhani hi zai lamah chuan ka idol a ni.
Music instrument...
Guitar ka perh thiam a, khuang a ni leh mai... hehe..
Zirtirtu ngainat...
PUC-a kan zirtirtuah chuan Sir Sabito hi fel ka ti a, ka ngaina ber.
Chhas lam...
Chhas ka nei lo. (..eh!)
-------------
Fav. Singer    : Pensy & Carrie Underwood
Fav. Colour  : Pink
Fav. Dish       : Mizo bai
Fav. Music   : Pop & Country
BFF                  : Lalfamkima, Sairang
Facebook ID : Rebecca Zorintluangi Selate   
Labels:

Comments

Post a Comment

Popular Posts

Albert Einstein chanchin i hriat loh te

ZORAM TODAY | October 20-2 November, 2015 - Lalmuansanga Hlondo Khawvel awm chhung zawnga theihnghilh tawh ngai loh tur, mi tam takin scientist ropui bera an ngaih Albert Einstein hian chanchin maksak tak tak a ngah hle; hriatreng a nih theihna tura khawvel a hnutchhiah thilte hi ropui tak tak a ni hlawm. A nunkawng zawha a thil tihte avangin vawiin thlengin amah belchiangtute mak tih leh ngaihhlut a la hlawh zel a ni. Albert Einstein chungchang i hriat loh 10 (sawm) lek i hre leh tur hian i ngaihsanna a tizual nge a tinêp sawt ang le? Theory of Relativity Albert Einstein-a theory ropui bera ngaih ‘Theory of Relativity’ hi midang hnen atanga a ruk, ama hming chawia buatsaih niin mi thenkhat chuan an ngai. German scientist David Hilbert leh ama tantu te chuan, he Theory of Relativity hi Albert Einstein-a’n a hnen atanga rua hmingthatna zawng zawng khûmah an puh a ni. A nihna takah chuan Hilbert hian Einstein-a theory tam tak hi a copy zawk niin an sawi. Mi tam tak chuan, Einst...
1 comment
Kimchang zawkin »

Khiangawia khualzin kawng

ZORAM TODAY | September 1-14, 2015 - Fela Ngente Kum 1967 a ni a, Thailand rama Yasothon Province-ah chuan loneitu inngaitlawm leh ngilnei tak, taima em em bawk a awm a, a hming chu Yam a ni. An khuaah chuan nula zak thei lo ve tak a awm bawk a, ‘Joei’ tiin an ko thin. Kan hriat awlsam dan tur chuan Yam hi ‘Khiangawia’ kha a ni a, Joei hi ‘Vuani’ tia kan hriat kha a ni! He lemchan hmuhnawm em em hi a thupui chu ‘Yam Yasothon’ a ni a, kum 2005, September ni 8-a an tihchhuah tawh a ni. A hnuah part 2 leh 3 te an siam leh a, tunlaia lar em em hi Yam Yasothon-3 niin kum 2013, August ni 8-a an tihchhuah kha a ni. Yam Yasothon-3 Hei hi Khiangawia film thar ber a ni a, a thawnthu tlangpui chu kan hre nual tawh awm e. Khiangawia leh Vuani te chu an innei chho ta a, an fate pawh an puitling chho tan tawh. An fapa upa zawk Khiangmawia leh Khiangawia bialnu hlui Neihsungi fanu upa zawk Jawr-i te chu an inngaizawng a, Khiangawia fapa naupang zawk Khiangsata leh Neihsungi fanu nau...
Post a Comment
Kimchang zawkin »

Advertisement chhuah lovin SSA zirtirtu 58 la

ZORAM TODAY | October 20-2 November, 2015 Sarva Shiksha Abhiyan (SSA), Mizoram hnuaiah kumin 2015 April thla hnu lamah advertisement chhuah lovin zirtirtu leh thawktu dang atan SSA contract scheme hmangin mi 58 lak an ni. Right to Information Act(RTI) hmanga zawhna, Mizoram SSA Mission Additional State Project Director leh State Public Information Officer(SPIO) ni bawk V. Lalsiamthara’n a chhan dan chuan, SSA hnuaia Middle School leh Primary School-a thawk tur hian advertisement chhuah lovin Mamit district-ah 14, Kolasib district-ah 12, Lunglei district-ah 11, Lawngtlai district-ah 8, Aizawl district-ah 6,  Champhai district leh Serchhip district-ah 3 ve ve leh, Saiha district-ah 1 lak an ni. Heng mi 58 te hi UPST(VIII), UPST, Art Instructor, RP(BRC), RP (Subject Specialist) leh RP (CWSN) te niin heng mite hian an hna an zawm vek tawh a ni. Sawrkar hnuaia hna thla thum aia rei thawh dawn chuan district employment exchange kaltlangin hnaruak awm zat leh dil theih dan tur kim...
2 comments
Kimchang zawkin »

Zoram tana voh Vohbik

ZORAM TODAY | October 20-2 November, 2015 - Fela Ngente Hosana’ leh ‘Khualzinna ram’ tih hla hre pha lo tan pawh ‘Vana h lawmman ka tan a awm’ tih hla chu hriat loh rual a ni lo vang. ‘The Sun Beams’ hun a liam a, kum 2000 AD a lo her chhuah meuh chuan Mizo gospel music industry sawi nghing lawih thei thil a thleng ta! Kum 2001 June thla a lo thlen chuan tun thlenga kan hriat lar tak em em ‘VOHBIK’ chu Aizawl nula zaithiam palite’n an din a, member panga ni tura an inbeisei viau laiin an zinga pakhat chuan rokhawlhna avangin a zawm thei lo va, Zoram rimawi khawvela hming dai leh ngai tawh lo turin ke an pên ta a ni. An indin tirh hian hming an la nei mai lo va, Mizo hming neih ngei an duh bawk si avangin an phuah kual nasa hle a, a enga mah chu remchangin an hre thei si lo va, thla khat hnu velah an member zinga pakhat Vari zan mu chu zing dar 2 velah a harh hlawl mai a, ‘Vohbik’ tih chu a rilruah a awm ta tlat mai a; tichuan, in-phone kualin a hming chu an duh hle a, a lehl...
Post a Comment
Kimchang zawkin »

ZNP in an President hluiin dan a palzut an ti

 ZORAM  NATIONALIST  Vawiin September 25, 2020 hian Zoram Nationalist Party(ZNP) chuan an General Secretary JV Pahlira hminga thuchhuah an siam ah ZNP chuan MLA 10 laiin Mizoram Assembly Speaker hnena ZLP Opposition Group Leader Pu Lalduhawma, MLA Ex-President, ZNP chu India Constitution 10th Schedule Para 2(2) a bawhchhiat avanga, a MLA nihna disqualify tura thu an thlen hi thil tih awm takah ZNP Gen. Hqrs chuan a ngai a ni, an ti. An thuchhuah in a tarlan danin ZNP Constitution Bung 7, Para 34 in a sawi angin ‘General Assembly chu Party inkhawmpui lian ber leh thuneitu sangber a ni’ atih mek lai leh Bung 6 Para 33(C) National Council thuneihna - “Thu hmanhmawh ah chuan General Assembly ai a awh thei ang” tih a ni laia ZNP Constitution bawhchhia a ZNP pumpui ZPM Party a in chhunluh vek thu a puang ringawt mai chu mak an tih thu sawiin " MLA (Lalduhoma) a nih ve theihna tur atana kawng engkima theihtawp chhuah tu ZNP mipui te zahlohna leh palzutna-ah ZNP Gen. Hqrs. chuan ...
Post a Comment
Kimchang zawkin »