Skip to main content

Serh chhungah heroine thukru!

ZORAM TODAY | August 17-31,  2015 

Tavapai County Sheriff Office thu puangtu chuan, tun hnai maiah mipa pakhat leh hmeichhe pahnih Arizona hmar lama traffic stop pakhatah drugs avanga man an nih thu a puang nnin KSAZ News chuan a tarlang. An man zinga pakhat chu damdawiina kalpui nghal a ngai tlat mai. A chhan chu, a heroine ken lai chu a serh chhungah a lo thukru tãt a!


August ni 3, 2015 khan an chuanna car khalhtu Michael Torrez chuan hmanrua thenkhat a sut chhiat avangin traffic stop-ah tihdin an ni a, car-ah hian Torrez bakah hmeichhe dang pahnih, kum 19 mi ve ve, Miranda Baldonado leh Sarah Valencia, New Mexico atanga lo kalte chu an tel bawk niin KPHO News chuan a tarlang.

Report-in a tarlan danin, hemite hian dan an bawhchhiat bakah damdawiin tawlhruk an tum nia thu an dawn avangin traffic stop-ah tihdin an ni a, police-te’n damdawi tawlhruk tum nia an hriat thu leh, an car endik an dil chuan Boldonado chuan, car chu dan ang thlapa register a ni tiin endik lo phal lo va, mahse, an endik chuan heroine pound eng emaw zat chu an hmu chhuak a ni. A then chu condom chhunga khung a ni hlawm.

Police-te chu an taksa an dap a, Valencia chuan a thuhrukna atangin a rawn phawrh chhuak nghal mai a, mahse, Baldonado erawh chu damdawiin atanga lak chhuah a lo ngai ta thung a ni! An hreroine man zawng zawng hi pound 1.8 (kg 1 tling lo deuh, 0.82 kg) ngawta rit niin an sawi. 
Labels:

Comments

Post a Comment

Popular Posts

Goa beach-ah a bialpa hmuh laiin nula pawngsual

ZORAM TODAY: Tun kar ningani, May ni 24, 2018 khan Goa beach-ah nula pakhat chu a bialpa hmuh laiin sual a ni. He thil thlenna hmun hi Sernabhatim beach-ah niin Panaji atanga km 50 vela hlaah a ni. Police-te chuan South Goa-a thil thleng hi an finfiah tawh thu leh investigation an kalpui mek thu an sawi a, tun thleng hian thil tisualtute hi man an la awm lo. Senior Police Office pakhat sawi danin, "Inngaizawngte hi an thawmhnawte an pawhsak a, an thla te laksakin pawisa an dil zui a ni," a ti a, chumi hnuah an sual zui nghal mai niin a sawi. Hmeichhia zawkin a sawi danin, a bialpa hmuh lai ngeia sualtute hi mi 20 vel an nih thu a sawi. South Goa Superintendent of Police (SP) Arvind Gawas chuan, "Nula hi medical exam an neih tawh thu leh result an nghah mek thu a sawi a ni. Report-a a lan danin, kum 2016 chhung khan Goa-ah hian pawngsual case hi 62 a awm a, 2017-ah hetiang case register hi 70  ngawt a awm bawk. Kum 2016 chhung khan, Delhi tih lohvah Goa hi I...
Post a Comment
Kimchang zawkin »

Vawiin chawhnu leh naktuk june ni 13 school chawlah puang

Aizawl 12th June, 2018 Thawhlehni ZORAM TODAY:  Tunhnaia India hmarchhak state hrang hranga darkar 60 chuang chhumlo chat lova ruah a sur avangin Mizoram ah pawh leimin, tuilian leh in chim eng emawzat a awm mek a, mipui nunphung a khailak avangin Mizoram sorkar pawhin chhiattawkte chhawmdawl dan leh harsatna sutkian nan theihtawp a chhuah mek zel ani. Directorate of School Education chuan order ti chhuakin tunhnai ruah sur nasa avangin harsatna tamtak a thleng thei ani tih hriain vawiin june 12 chawhnu leh naktuk june 13 thleng Mizoram puma sorkarin school permission a pek zawng zawngte chu chawl vek turin a hriattir ani. Sorkar school, Primary ațanga Higher Secondary School zirlaite chu an taksa him nan hemi chhung hian Inchhung chhuahsan lo turin an ngen bawk ani.
Post a Comment
Kimchang zawkin »

Covid-19 Task Group on Commodities an thukhawm

ZORAM TODAY|Aizawl 17th April, 2020: Vawiin khan COVID-19 Task group on Commodities chu an Chairman Pu HL.Rochungnunga, Commissioner of FCS&CA hovin a office chamber ah an thukhawm a. Hri hlauhawm a len mek lai leh inkharkhip, lock down chhunga zoram mipuite ei leh bar buhfai leh thil dang te, nitin mamawh gas leh motor oil te an neih zel theihna tura hmalak dan te an thlir ho a ni. Task group chuan mipui mamawh oil leh thil dang ram pawn atanga Vairengte thlenga an rawn phurh luh dan tur leh load dang la leh tura motor leh driver te in banlet dan tur an duang fel a, essential commodities driver te tan a COVID-19 avanga damlohna leh chhiatna tawk palh thei te tan a insurance awm thei te sawi hoin thu nei tu te hnenah thlen nise an ti a ni.
Post a Comment
Kimchang zawkin »

COVID- 19 laka inveng leh fimkhur turin thurawn pawimawh pe chhuak

ZORAM TODAY | AIZAWL: State Level Task Force on Mitigation of Coronavirus (COVID-19) chuan Covid-19 laka inven nan leh fimkhur thu hlaah mi tupawh khawsik, hritlang, khuh leh thawkna lama harsatna nei te chu school, college, bazar, biakin leh puipunna hmuna kal lova mahni in lamah emaw damdawiin lamah emaw inenkawl turin leh daktawr emaw damdawi lam mithiamte emaw rawn vat turin mipuite hnenah ngenna an siam a, hei hi ngaipawimawh a zawm tum theuh turin mitin te an ngen a ni.
Post a Comment
Kimchang zawkin »