Nui ila-2

ZORAM TODAY | September 1-14,  2015 
* Pa pakhat pawh khan phone thar a lei ve a, a phone thar neih kha message ngeiin a thianpa hrilh kha a duh ve sia. A chhu mual mual a, a en leh vung vung thin a. A tih ngaihna a hre ta ngang lo va, “Mama, phone hi kengin zuk tlan la, i pa Hminga zuk chhiartir rawh,” a ti chhut!

* “Nang kha, eng nge i tih dawn? Hralh ruk i tum em ni?”

“Aih, ka inthiar dawn…”

“A lo ni maw, mawngek thiarna seipa!”

* Zawngtah a lo ru a, a neitupain a lo hmu, Mizopa sairawkherh bial pawp khawpin a kuai a, a zakah a’n perh pawp mai chu! Mahse, khapa kha pa ti thlip thlep a lo ni hlauh a; a chem ken lai a sât bur tê tê a, a iptepui ah lai a bang fel a, tla mai lo turin a kakpuiah a inkherh tâng leh a. Chumi zawhah a phone ah lai a phawrh a, a chhungte hnenah SMS-in hliam a tawrh thu a han hrilh leh tê tê a. Chuan, a na ti lutuk khan zawngtah kakpui chu a dêpin a’n dêp ngawng ngawng mai a nih kha!

* A kareh a zau mai mai, a ha a check-tir a, doctor-in, “Han âng teh,” a ti kha a’n âng mai chu doctor-in, “I va’n ang zau pem pum ve, pem pum ve, pum ve…” a tia, ani chuan, “Sawi nawn kher a ngai ami?” a tia, doctor chuan, “Ka sawi nawn hleinem, a thangkhawk a nih kha, a nih kha, a nih kha,” tiin a lo chhang a.

*Pathianni tuk chaw ei khamah nuber khan, a fate hnenah, “Inkhawm nge in duh vawkchaw zawn?” a tia, a fate chuan em te, iptepui te, cement bag ruak te an inchuh nak nak!

* Vawi khat pawh mut pahin a bialnu a phone a. Duat tak maiin, “Boihte, ka ngai tawh lutuk che. Eng nge i tih a?” a tia, a nu chuan phone a lo la a lo nia. “A nu ka nia, dawrah a kal lawk a…” a’n ti mai chu, a zak khu luih luih mai maw le. A hnuah a bialnu chu a hrilh leh a, “Nang aiin ka zak ang. Mâwl thei lutuk!” a la rawn ti hrep zui zawk maw le.

*Mi thlamah khan a lo ê a, thlam neitu kha a rawn thleng thut a, thinrim tawkin, “Ngati nge khatah khan i êk ngawt a?” a tia. Tlangval chu ngawi rengin a inha mawlh mawlh a, thlam neitupa’n, “Ngati nge i êk ngawt?” a tih leh pawhin a ngawi tlat a. Ngawi rengin a chhuak a, in a thleng chu bathroom-ah lutin zawitein, “Ka ê a ni mai ni,” a ti dût.

* An chapchar kut hmang zo, a bialnu nen chance an nei hlauh mai, a rai palh a hlau bawk nen damdawi dawrah, “Condom thangchhuah kawr rawng in nei em?” a’n ti deuh kher ah!

* Pa pakhat pawh a hmui a pawrh lutuk a, nopuiin tui a in a, a hmui chung lam a lang luap luap a, a in zo a hmui a phawi chiah chu tawm leh tual tual mai maw le.

* Cowboy thawnthu a ziak ve a, a changtupa kha pâ deuha sawi a tum ve a.

“A changtupa chuan saloon kawngkhar chu a rawn rawt chimit a, a mit chu a sen rum a, a mit hmulah chuan, a tawn tawn in kg 1 lung a tâwn bet ve ve a...”

* Thil phura inhlawh thin vaipa pakhat pawh hi a puin digene mum 1 a pe a, chu vaipa chuan, “Eng nge ni a?” a ti a. A pu chuan, “Chakna a nih kha,” a ti mai a. Buhfai bag 1 chu a pu lawp a, a tukah mum 2 a pe leh a, bag 2 harsa ti tawkin a pu leh lawp a. A tukah mum 3 pek a tum leh chu vaipa chuan, “Ei pei tawh lo, rit em mai,” a ti hlawl.