Zoram Today

ZORAM TODAY | November 3-16, 2015 Tu pawh mai hian mobile phone kan nei theuh va, a tel lova awm kan harsat ta telh telh mai. A hmang tangkai leh khawih nasa tan phone battery tha hi a pawimawh hle. Battery back up tam bawk si, a man tlawm bawk si kan chhawp chhuak e. 1. Xiaomi Mi 4i A man: Rs. 12,999 Battery: 3120mAh SoC: Qualcomm Snapdragon 615 CPU: Octa core 1.7GHz RAM: 2GB Display: 5-inch 1080p Storage: 16GB (microSD card a support lo hlauh) Camera: 13MP; hnung lamah 5MP OS: Android Lollipop    2. Asus Zenfone 2 (2GB) A man: Rs. 12,999 Battery: 3000mAh SoC: Intel Atom 3560 CPU: Quad core 1.8GHz RAM: 2GB Display: 5.5-inch 720p Storage: 16GB (microSD card hmanga tihlen theih) Camera: 13MP; a hma lamah 5MP OS: Android Lollipop  3. Honor 4X A man: Rs. 9,999 Battery: 3000mAh SoC: Qualcomm Snapdragon 410 CPU: Quad core 1.2GHz RAM: 2 GB Display: 5.5-inch 720p Storage: 8GB (microSD card hmanga tihlen theih) Camera: 13MP; a hma lamah 5MP...

ZORAM TODAY | November 3-16, 2015 Aries (March 21 – April 20) Zu leh ruihtheihthil ti tan hnar hmuh larh larhna tur i tawng dawn! Tlang hrilengin a man dawn che a, inenkawl uluk loh chuan a daih rei hle ang. Kawppui dinhmun a pangngai rih viau. Single tan golden chance a awm dawn e. Taurus (April 21 – May 21) I piancham ni-ah thil ropui leh hriatreng tlak tak i tawng dawn. Chhas nena intihthiam lohna in neih chuan inthiarfihlim a tha maithei, nangmah beisei rengtu che an awm. Sumdawngte tan tanlakna hun a ni a, sum a hlawma luhna tur a lang tlat. Gemini (May 22 – June 21) Tunlai chu ngaihtuahna mak tak takin a bawm vel che a, chu chuan i rilru a tihah fo. Suangtuahna ram atanga a tak rama i chhuah vat loh chuan i hma hun a ngaihtuah awm. I rilru tina em emtu kha theihnghilh la, i hma lam hunah hlimna eng emaw takin a hmuak che a, chumi tur chuan inbuatsaih rawh. Cancer (June 22 – July 22) Mahni mai chuan chakna i nei chau hle niin a lang. I awmna hmun emaw, i boruak hipna hmun e...

ZORAM TODAY | November 3-16, 2015 - Kimi Colney  Arunima Sinha tih hming hi in hre tawh ngai em? Kan ramah hian he hming hi huaisenna leh ngilneihna entirtu ropui tak a ni asin.  Uttar Pradesh khawpui Lucknow atanga km 200-a hlaa awm, Ambedkar Nagar khuaah chuan Arunima Sinha hi kum 1988-ah a lo piang a; a pa hi army-ah engineer niin a nu chu health department-ah supervisor a ni bawk. Kum thum a nih laiin a pain a thihsan a, a nu leh a unau pahnih dang nen an chengho a ni. Arunima te chhungkua hi infiamna ngaina tak an ni a, a naupan têt atanga infiamna chi hrang hrang khelin, taksa insawizawina lam hrim hrim hi a ngaina hle. Football leh volleyball a khel nasa zual a, volleyball-ah phei chuan ram aiawhin a lo chhuak tawh nghe nghe.   MA a zir chhuah hnuah dân (law) lampang a zir chho va, hmabak êng tak beiseiin a zir chhuak a, mahse, a rin angin hlawhtlinna chu a hmuh phakah a rawn inchhawp chhuak mai lo. Kum 2011-ah chuan CISF (Central Industrial Security Fo...

ZORAM TODAY | November 3-16, 2015 Union Ministry of Human Resources Development (HRD) chuan Universal Grant Commission (UGC) research grant chungchang ngaihtuahtu tur member panga telna committee a din. He Review Committee din tharte hian kumin December thla chhungin an zir chianna chu Ministry-ah an thehlut leh dawn a ni. UGC-in NET certificate nei lote tanpuina a pek thin a tihtawp avangin Central University hrang hrangah duh lohna lantir a lo ni tawh a ni.  

ZORAM TODAY | November 3-16, 2015 October ni 26, 2015 khan Tsunami thleng tur laka inralrinna siamtu tur Tsunami Early Warning System Siren chu Mumbai-ah hlawhtling taka enchhinna neih a ni. Enchhinna hi chhun dar 12:00-12:10 chhungin INS Angre, SBS Marg bulah neih a ni. He siren hian Indian Ocean huam chhunga tsunami thleng tur chu a bul kilometre 3 chhunga chengte chu inralrinna a pe zel thei tawh dawn a, minute khat chhung a ri dawn a ni. Siren hi Hyderabad-a inkulh Indian National Centre for Ocean Information Services (INCOIS)-in a enkawl ang.  

ZORAM TODAY | November 3-16, 2015 October ni 21, 2015 khan Union Home Minister Rajnath Singh chuan Indian Police Foundation (IPF) leh Indian Police Institute (IPI) chu New Delhi-ah a hawng. He agency pahnihah hian research culture leh evidence based policy chungchang zir theih a ni ang. Indian Police Foundation (IPF) hi Indian Police kalphung siamthatna atana din a ni ber a; khawvel huap pawha zahpuiawm loh police zir chhuah nan leh zirbingna atan te hman a ni dawn a ni. Indian Police Institute (IPI) hi police officer-te training-na leh zirbingna (research) an neihna hmun tur a ni bawk. Heng thilte hi Prime Minister hmachhawp ‘SMART’ project tihhlawhtlinna kal zel a ni.  

ZORAM TODAY | November 3-16, 2015 Prime Minister Narendra Modi chuan October ni 22, 2015 khan Tirupati, Andhra Pradesh-ah Shri Venkateswara Mobile and Electronics Manufacturing dinna tur lung a phum. Hei hi sawrkar laipui flagship ‘Make in India’ an kalpui hnua mobile siamna hmun tur lung phum hmasa ber a ni. He hmunah hian khawvela electronics thil siam chhuaktu lian Foxconn chuan hna an thawk tan der tawh a, mobile brand Xiomi leh Gionee siam hna an thawk tan tawh a ni. Hei bakah hian Micromax, UTL (Karbonn) Celkon te pawh he hmun atanga siam chhuah a ni ang. Mobile siamna hmunpui din a nih avang hian kum khat chhungin hna 10,000 a siam beisei a ni a; kum 2019 thlenga hna tar nuai 15 siam tumah 5% chu a thawh ve dawn a ni. Mobile siamna hmun hi state sawrkarin a design leh sak hna zawng zawng a tum dawn a, acre 30 a awh ang.