Sawrkar committee hrang hrang, thil pawimawh relin an thu chho char char a, department-te kaltlangin a tul anga hmalak nghal zel a ni bawk a ni. Heng committee thuchhuak bakah sawrkar notification/order tihchhuahte hi committee member emaw committee minute ziaktu emaw dealing official te tichhuah(disseminate/publish) tur a ni lo va; Sawrkar kalphung angin Department of Information & Public Relations(DIPR) in Press Release(PR),DIPR’s Website leh Official Social Media Accounts(Facebook, Instagram leh Twitter), Chanchinbu a Display, TV a puantir leh communication chidang a hman theih ang te kaltlang a tichhuah tur a ni.
" Tunhnaiah COVID-19 chungchanga mipui himna tura sawrkar hmalaknate mipuiin hriat an chak avangin sawrkar committee a tel vet e leh file khawihtu official te atangin Information pawimawh tak tak Social Media kaltlangin thehdarh a ni thin a. Hei hi a him lo mai ni lovin heng Pdf, Word, excel, etc..format a information tih chhuah hi siamdang lam(Edit) theih vek a ni".
" Chuvangin, sawrkar notification emaw sawrkar department thuchhuak, screenshot, soft copy- thlalak(photo copy) reng reng Department pawimawh tak hming chhuanna leh file number chuang, hming sign tu nihna leh signature chuang lanna pawh ni se DIPR Website leh Social Media Accounts ah te chian nachang hre thin turin mipuite ngen kan ni a. Kan hun tawng meka kan chi-ai lohna tur leh information diklo social media a vawrh darh kan do tlan theih nan DIPR kaltlanga sawrkar thuchhuah ngaihven thin turin mipuite ngen kan ni," tiin Sorkar thuchhuah chuan a tarlang.
Comments
Post a Comment