HIGHLIGHTS by Lalremruata Chhangte
February ni 20
•Chin National Day
•Mizoram State Day
•Zomi Nam Ni
•Rokunga Piancham
Pu Rokunga piancham: February 20 hi Mizo hla phuah thiam, Poet of the Century, Rokunga piancham a ni a, ani hi kum 1914 February ni 20 khan a lo piang a. Zofate tan hla ṭhatak tak min phuah sak bakah, kum 1947 khan Central YMA buatsaiha ‘Hnam Hla’ inphuah siak-ah khan Pu Rokunga hla phuah “Ro min rel sak ang che’' tih chu 'Hnam Hla' atan thlan ani a, Mizo hnam hla a ngaih ala ni zel nghe nghe a ni. He hla hi kan Hnam Pathian hnena hlanna leh ro relsak tura intlukluhna niin a lang. He ni hi Zofate tan a hlu hle a ni.
Chin National Day: 1948 February 20, Burma leh India ram in zalenna an hmuh hlim hlawt ah, Chin Hills a cheng Zofate 'Chin' Mipui 5000 chuang zet chu chutih laia Chin Hills khawpui Falam khuaah intawhkhawmna an nei a, hemi hnu kum 3-na February ni 20,1951 ah Chin National Day hmasa ber chu Mindat khua ah lawm ani a, chuta ṭang chuan he hun hi kumtin in khawvel hmun hrang hrangah hman ṭhin a ni. (Aizawl ah pawh 2009 khan hman niin Parl. Secy Pu Lalthanzara leh Pu JH Zoremthanga, President, CYMA in an hmanpui a, Lawngtlai ah pawh kum 2010 khan Pu C Ngunlianchunga CEM, LADC ho a hman ani bawk.)
Zomi Nam Ni: February 20 ni tho hi Zo hnahthlak unau Zomi ho chuan “Zomi Nam Ni” an ti thung a, he hun hi kumtin khawvel hmun hrang hrangah hman țhin a ni.
Mizoram State Day: Hemi ni vek February ni 20 hi Mizo National Front hruaitu Pu Laldenga pawhi'n India nena remna thuthlung ziah anih hnu ah, Mizoram chu India State-23-na ni tur leh Chief Minister a lak luh a nih na 'NI' atan khan ngun taka ngaihtuah in an lo thlang tawh a ni. A hre deuh te'n an sawi dan chuan, hemi ni kherlo pawh thlan theih anih laiin, kum 1948 aṭanga lo awm tawh Zo hnahthlak hlawm lian Chin te'n Chin National Day an lo hman țhin nen in mil turin February 20 kher hi a thlang e, an ti a. Tichuan, February 20 hi Mizoramah chuan Mizoram State Day, tiin hman țhin alo ni ta.
Lai Miphun Ni: February ni 20 vek hi Zo hnahthlak 'Laiho' chuan “Lai Miphun Ni” an ti ve leh bawk.
Zo hnahthlak te Ni ințawm pawimawh tak Febuary ni 20 hian makna riau a nei tlat mai a, nakin zelah he ni hi hei aiin a rawn la pawimawh viau thei tlat a ni!
# Thu belh Chin National Day champha vawi 66-na ni 20 February 2014 a Mindat, Chin State, Myanmar-a lawmna turah Ministry of Foreign Affairs, Republic of Union of Myanmar leh Indian Embassy, Yangon, Myanmar kaltlangin khatih laia Chief Minister Pu Lal Thanhawla chu tel turin an rawn sawm a, (Source : DIPR, 15th February 2014, 2:03 PM) hemi bakah hian 20 February 2014-a Mimbung, Mizoram a Zomi Namni vawi 66-na hmanna tur ah pawh khan Mizoram Chief Minister Pu Lal Thanhawla chu sawm a ni nghe nghe. (Source, Phualva Times Feb. 2014)
Chin National Day, 2019 ah Chief Minister Pu Zoramthanga leh Pu Nothankapa te an Khuallian dawn.
Aizawl 19th February, 2019: Naktuk February ni 20 hi Chin National Day ani a, Mizoram State Day ani bawk. Chin National Day pual hian zan lamah Vanapa Hall-ah function neih ani dawn a. Kan Chief Minister zahawmtak Pu Zoramthanga leh CNF President, MP hlui, Chin Affairs Minister hlui ni bawk Pu Nothankapa te chu khuallian anni dawn a ni.
Comments
Post a Comment