Zoram Today

ZORAM TODAY :  Inrinni November ni 10, 2018 khan MNYF Hrqrs., chuan ITI Veng, Aizawl-ah street campaign a nei a, Pu Vanlalringa, Mizoram People Forum (MPF), ITI Local kaihhruaina hnuaiah Aizawl South-II MNF Official Candidate Denghmingthanga leh MNF Ṭhalai Vice President Lalremruata Chhangte te'n thu an sawi. ( Upa Denghmingthanga, MNF Official Candidate, Aizawl South II) Aizawl South II MNF Official Candidate Denghmingthanga chuan Pathian leh Aizawl South II bial mipuite duhsakna dawngin he bial enkawl tura an thlantlin ngei a beisei thu sawiin, "Bial chhungah Congress sawrkar hmasawnna hnathawh a chawl ṭhup hi pawi ka ti a, thlan tlin ka nih chuan theihtawpa he bial leh ram tan rawngbawl ka tum ani," a ti. Denghmingthanga chuan, "MNF-in sawrkarna kan chan chuan sawrkarin zu a zawrh chu kan titawp dawn a, Pathian duhdan ang zela ro kan rel chuan ram hmasawnna tluantling kan nei dawn a ni," a ti a, Politics a nih vanga dawt thu hmanga vote zawn a ṭha...

ZORAM TODAY : Nimin November ni 6 a Kolasib DC Office tawng a nih chungchangah Kolasib DC in firing order a pe tih thu thang a awm a, Kolasib DC Dr.Arun T, IAS chuan firing order a pe lo. Kolasib DC in firing order a pe, ti a thu diklo leh thu belhchian dawl lo chu Social Media leh khawlai ti ti na ah a darh chiam mai a, Kolasib DC chuan Firing Order a pek loh thu a sawi a, 144 Cr.PC (mi 5 aia tam pun khawm phal lohna) tlawhchhan thupek erawh DC Office tawng tan a nih hnu ah a siam a, he Order hi November ni 6, 2018 atang khan sutna thupek a awm leh hma chuan Kolasib District ah hman a ni ang.

ZORAM TODAY: Aizawl, November 7th; 2018 :  Tunhnai khan ZPM Chief Ministerial Candidate Lalduhoma leh BJP hruaitu pakhat telephone-a in biakna âw chu record niin social media ah a pút darh chiam mai a, sawi zui a hlawh thar hle. Hetah hian Lalduhoma hian MNF leh BJP inkar te, BJP leh ZNP/ZPM chungchang a ngaihdan chiang takin a sawi a. Mizoram awm chhung chu engtikahmah MNF te chu an BJP dawn lo ani, tiin BJP erawh tun MLA Inthlan 2018 lo awm turah thawhdun pui a chak thu uar takin a sawi ani. He voice record tu hi hriat ani tawh bawk. ZPM chhungkua-ah he ' voice leak' avang hian inhnialna nasa tak alo awm tawh nia hriat ani. ZNP President Lalduhoma chuan hruaitu dangte hriat lemlohin BJP hruaitu pakhat nen hian telephone hmanga sawi chi nilo thil pawimawh tak tak an sawi tih voice leak ah hian a lang chiang hle. (A hnuaiah hian ngaihthlak tur chhawpchhuah ani.) Lalduhoma chuan Mizoramah MNF a chak poh leh BJP party ṭhanzelna tur chu a ping tial tial dawn ani, tiin ...

ZORAM TODAY :  Tunhnai hian rorel lai Congress Party chuan a khat tawkin an hruaitu pawimawh an chan chho zel a, MPCC Vice President R. Lalzirliana bakah an General Secretary Lalrinliana Sailo te'n Congress Party chhuahsana MNF an zawm hnuah Assembly Speaker leh Rajya Sabha MP hlui Hiphei chuan naktuk November ni 5, thawhṭan hian Congress Party leh Assembly Speaker aṭanga banna thehluh a tum niin Zoram Today  chuan thu a dawng. Palak bial aṭang thlan tlin Hiphei hi kumin 2018 MLA inthlan ah Congress ticket in a ding dawnlo tih a chiang tawh a, Palak biala candidate in chuh hian IAS officer chawltawh K.Riachho nen an buk tawn zak zak a, boruak ṭhalo a thleng dawn nia ngaiin veteran KT. Rokhaw chu INC official candidate tura dah ani zawk dawn ta ani. Thu rinawm tak Zoram Today  in a dawn danin Hiphei hian naktuk November ni 5 hian Assembly Speaker aṭanga a banna Dy.Speaker hnenah a thehlut ang a, MPCC President Lal Thanhawla hnenah Congress Party aṭanga banna a the...

ZORAM TODAY :   Vawiin Inrinni November ni 3, 2018 hian MNF party chuan thuchhuah siamin kan hma maia MLA inthlan lo awm tur atana Tuikuk-in vote an thlak dan tur chungchangah, Pu Lalnunmawia Chuaungo IAS, Principal Secretary (Home), Govt. of Mizoram-in Election hmachhawnna tura dan ang thlap leh Election Commission of India pawhin NGO-te hma ngeia ziaka an lo intiam tawh tlawhchhana a thiltih hi MNF chuan a thlawp tlat a ni, an ti a. " Hetianga SB Shashank CEO-in a aia senior zawk lehnghal ECI-ah diklo taka a lo zu hek avanga a chunga action lak a ni hi engti kawng mahin kan hrethiam lo,' tiin thuchhuah ah tarlan ani. MNF chuan, " Dan diklo hmanga Tuikuk-te Roll-a thun leh vote thlak tura midangte aia duhsak bika vote thlaktir tumtu SB Shashank hi kan dem takzet a ni. Tuikuk chungchanga Joint NGO dinna hi ṭha kan ti a, kan thlawp tlat a ni," an ti bawk.

ZORAM TODAY:  October ni 25,2018 Ningania Vanglaini chhuakah khan Article huangah Pu Lalthanmawia Tlau chuan " MNF leh BJP inremna thu Tripura-ah puan a ni" tih a ziak a. Tripurainfo news website thuziak hmangin thiam takin thudik hrulah mipui rilru hruaipen tumin a rawn ziak a, mi tam tak chuan mak kan ti viau hlawm a ni. Amaherawhchu hun kal tawha BJP leh MNF hotute thusawi enlet leh Tripurainfo thuziak chik taka en chuan a ziaktu khan ama zeldinna a kalpui thui mah mah a tih theih awm e. MBJP President Prof.JV Hluna'n eng nge a sawi? November 13,2017 Vanglaini chhuakah (http://www.vanglaini.org/tualchhung/77176) khan MBJP President "Dr JV Hluna chuan, "Mizoram Assembly inthlanah party dang kan thawhpui lo ang," a ti a; Mizorama seat awm zawng zawng chuh tum mah se, national-a an hotute thu a nih thu a sawi bawk" tih tarlan a nih thu a lo lang a. He thu tho hi kumin February 24 Vanglaini chhuakah khan tarlan (http://www.vanglaini.org/tualchhu...

ZORAM TODAY:  Indian National Congress aṭanga Palak constituency a thlan tlin Assembly Speaker Hiphei chu a bial ngaiah INC ticket in a ding nawn dawn lo niin a lang chiang ta a, hetih lai hian BJP a zawm dawn niin sawi a awm zui nghal. Vawiin November ni 2 hian Mara Autonomous District Council( MADC) Legislatures Party chuan meeting an nei a, resolution siamin kum 2018 MLA election lo awm turah Congress ticket atan Siaha bialah S.Hiato leh Palak bialah KT.Rokhaw MPCC in min lo dahsak hi keini MADC Legislature Party meeting chuan lawm tak leh lungrual takin kan pawm, an ti. MADC Legislature Party meeting chuan, " An pahnih a an tlin ve ve ngei theih nan theihtawp kan chhuahpui dawn ani," an ti bawk. Delhi a cham mek Palak bialtu MLA leh Aassembly Speaker Hiphei hi biak pawh theih ani lova, naktuk Inrinni hian Delhi aṭang Aizawl a lo thlawk haw dawn nia hriat ani. Thu rinawm tak kan dawn danin Hiphei hi Delhi ah BJP hruaitute nen an meeting niin sawi a awm a, sawrkar ...

ZORAM TODAY:  November ni 1, 2018 khan Vanapa Hall, Aizawl ah Mizoram Pradesh Congress Committee (MPCC) Campaign Committee huaihawtin an Manifesto leh Magazine tlangzarhna hun an hmang a. He hun hi local cable T.V chuan live in a pe chhuak ani. He hun hmang tur hian Aizawl District Congress Committee chuan Aizawl khawpui chhungah sawmna an siam chhuak a,  ADCC chuan, " Assembly a awm tawh dawnloh avangin in tam siak boruak siam a ngai ani," an ti! Ningani a an punkhawmna a tel tur hian Congress Party member an inkhawrh nasa hle tih a hriat a, " He mi atan hian khawpui chhung Block tin te hnenah kal velna tur Rs. 10000/- ṭheuh pek tur ani," tiin Block tinah lehkha an sem chhuak a, Congress worker mi 300 aia tlemlo he huna tel turin ngenna an siam hial ani.