Zoram Today

ZORAM TODAY | November 17-30, 2015 - Kimi Colney Frank Abagnale Jr. hi  April ni 27, 1948-ah  New York-ah a piang a, unau pali zinga a naupang ber dawttu a ni. Kum 14 a nihin a nuin an in a chhuahsan a; hei hian a nun a nghawng thui hle. An chhungkaw nunphung pawh thui tak a tibuai a, a pa chuan a nu a la hmangaih em avangin a tuar thiam lo hle a ni. He an chhungkaw thil thleng hian Frank-a nun a khawih danglam hle a, a khua a har em em a, nunkawng dik lo lam a zawh tan ta a. A hnathawhnaa hman turin Frank-a pa hian, truck leh gas station-a hman tur credit card a kawltir a. A bialnu lên chhuahpui nana pawisa a mamawh avangin, he credit card hmang hian gas station, petrol lakna hmunpuiah chuan car part hrang hrang, tyre leh battery te a lei a. Heng a thil leite hi dawr neitute hnenah pawisa tlemtein a hralh let thin. Chu chu dawr neitute pawhin an zuar chhawng ve leh a, an tan pawh hlawkna a ni. Mahse, a pa’n a credit card bill a han hmuh meuh chuan US dollar 3400 chuang...

ZORAM TODAY | November 17-30, 2015 -  Hriatpuia Khiangte Mawi tak leh ring taka puak thei thil hal dan turah fimkhur tura inchahna thu chhuah chamchi mah se, hmanni lawk Diwali-ah khan kâng a chhuak nasa lehpek hle. Ni tlemte kaltaa Diwali vang khan mi 500 zet an kâng. Hindu-te kût hlimawm 'Diwali' lawm apianga a serh zinga a mei ang maia an uar em em 'hâlmawi leh hâlpuah' vangin mi 500 chuang an kâng a, thenkhat a nasat viau laiin, thenkhat erawh hliam nasa a ni lo. Heng mite hi damdawi inah enkawl niin, a tam zawk chu naupang an ni. Safdarjung damdawi ina official-te chuan, an damdawi inah ringawt pawh kâng vangin mi 192 zet an enkawl thu an sawi a, heng zinga mi 157-te chu OPD-a damdawi chawh an nih hnuah chhuah lehnghal an ni. Mi 10-te chu damdawi ina enkawl ngai an ni thung. Nikum khan Safdarjung hospital-ah ringawt hâl chi thil chi hrang hrang vanga kâng mi 234 zet enkawl an lo ni tawh.

ZORAM TODAY | November 17-30, 2015 -  Hriatpuia Khiangte Khuarèl chhiatna hrang hrang pawhin a dan zawh loh, Wisconsin-a sakhaw rawngbáwltu hmeichhiate chu kum 1878 atanga vawiin thlengin an la tawngtai. Kum 137 chhung zet khaihlak lovin an tawngtai tawh. La crosse-a Franciscan Sister rualte hi kum 1878, August ni 1 atang khan an tawngtai tan a; a bul tantute'n mual liam tawh mah se, an aiawhte hnenah inhlânchhawng zelin vawiin thlengin an la chhunzawm. Damlohna vanga hun rei tak bawihsàwm ngaite leh natna khirhkhàn tuarte tan an tawngtai thin. US-a state pakhat Winconsin-a khawpui pakhat La Crosse-a 'tawngtai-mite' hian ni tin chhum lo chat loa an tawngtai thin thu an sawi a, an chhût danin, mi 150,000 báwr vel tan an tawngtai tawh. Chatlak lova tawngtai thin Sister 100-te hian puitu (tawngtai kháwl) an nei veleh a, chung mite 'prayer partner' an tih mai te chu an vaiin mi 180 bawr vel an ni thung. Mi dangte tana tawngtai thinte hi an inthlâk kual ve...

ZORAM TODAY | November 17-30, 2015 -  Hriatpuia Khiangte Ran dang anga awlsam taka chawi sawn zung zung a theih miau loh avangin, Kerala Forest Department chuan sai phurhna tur a bikin 'ambulance' a siam. India ramah Kerala hi sai pual liau liau ambulance nei hmasa ber a ni nghe nghe e. Lirthei hrawl tak siam danglam chu sai phurhna 'ambulance' atan hman a ni a; sai damlo leh hnathawhna lama inhliam te, harsatna hrang hrang vanga awmhmun sawn thei lo te phurh a ni thin ang. Ambulance hi sai thiarna tur bik a nih avangin a bik takin a siamtute'n an design. Kerala hmar lama awm Wayanad Wildlife Sanctuary (WWS)-a thawklai P. Dhanesh Kumar chuan, “Awlsam taka ran phurh kual zung zung theihna turin hrui leh crane siam a ni a, sai taksa vawng dai thei tura buatsaih a ni bawk,” tiin sai chuanna lirthei an tihdanglam dan a sawi. Hei bakah hian, ei tur vawnthatna leh damawi te pawh a awm thlawp bawk.

ZORAM TODAY | November 17-30, 2015 -  Hriatpuia Khiangte Kum 100 tlinna tura kum 3 chiah mamawh tawh Margaret Thome Bekema chu High School a zir chhuak tih nemnghehna certificate hmanni lawk khan hlan chauh a ni. Kum 97-a upa Margaret Thome hian lehkha a zir chhungin kawng bumboh tak a paltlang a, zirnaa a tluan chhoh dawn lai tak, beiseina sáng tak nen a zirlaia a insàwrbing laiin cancer natnain a nu a tlâkbuak. A zirna chawlhsana a nu enkawl a ngaih avangin, a zirlaibu khupin a nu tan a inpe ta zawk a. Kum 76 zet a vei hnuah Pi Bekema-i’n zirna a chawlhsan chhan chuan School thuneitute beng a thleng a, lungrual takin Margaret Thome kuta high school diploma hlan an remti ta a ni. “Ka lawmzia hi ka sawi fiah thiam lo takzet. Mi narân ve mai tan chuan a hlu lutuk a ni,” tiin pitar inngaitláwm tak chuan a sawi. A chhungkhat leh thenrual thate hmuh laia October ni 29-a certificate hlan a nih lai khan lâwm avangin Pi Bekema biangah mittui a luang ngiai ngiai a ni. ...

ZORAM TODAY | November 17-30, 2015 - Hriatpuia Khiangte Sawrkar thau sâwk thla zawnga khawsak hreh lo ve tak, Assam Health Department hnuaia thawk Lili Begum Majumdar chu thla 6 chhungin tum 85 zet raipuar angin a inziak. Nau paite hnena Assam sawrkarin tangkafai cheng 500-a a tanpui thin chu awtin, he health worker nu hian ruahmanna verther tak a siam a, raipuarte chhinchhiahna bu-ah a hming a lo ziak lût ve mawlh mawlh a, mi thenkhat rinhlelh vanga an chhui chian hnuah meuh chuan thla 6 chhungin tum 85 zet nau a lo pai hman. Lili Begum thil tih hi han lenpui thúr thúrna tham a ni chiah lo va, thla ruk chhunga sorkar sum a lo paipawn zawng zawng hi cheng 42,500 bawr vel a tling. Mahse, a thil tih sual zât zawk hian thuneitute sahuat a khawih hle niin an sawi. Hailakandi-a Algapur Public Health Centre (PHC)-a thawk lai Lili Begum Majumdar hi a kih hnawkah a âwk ni mai tawh lovin a chingchivêt nasa hle a, a tâl chhuak leh thei a nih pawhin thla eng emaw zât chu an in leh c...

ZORAM TODAY | November 17-30, 2015 England rama football club tha ber ber 20-in August thla atanga a kum leh May thla thlenga season khat chhung an khelh thin English Premier League-ah hian, team tin hian season khat chhungin anmahni khelmual leh an hmachhawnte khelmualah vawi 38 zet an khel a, season khat chhungin match 380 lai a awm tihna a nih chu. Tunah hian British banking firm lar tak, kum 325 laia upa Barclays Bank-in an sponsor avangin Barclays Premier League tih a ni. A history leh kalphung sawi thui vak lovin English Premier League tih a nih hnu, February ni 20, 1992 atanga chanchin pawimawh leh ngaihnawm zualte i’n tarlang teh ang:  Champion zing ber 13 – Manchester United (1992/93, 1993/94, 1995/96, 1996/97, 1998/99, 1999/00, 2000/01, 2002/03, 2006/07, 2007/08, 2008/09, 2010/11 & 2012/13) A zawna champion rei ber  3 – Manchester United (1998/99 - 2000/01 & 2006/07 - 2008/09) Champion-na point tam ber 18 points – Manchester United (1...

ZORAM TODAY | November 17-30, 2015 - Lalmuansanga Hlondo Kum 2014 May ni 16 a ni a, India ram Prime Minister huhang ngah tak mai Narendra Modi chuan Prime Minister Office a luah tan a. Gujarat thingpui zuar mai khan Gujarat chu India rama state thang chak leh hmasawn berah a siam theih avangin a lakah India pawhin beiseina sang tak a nei a, Prime Minister mawhphurhna a chan theih nan hneh takin a party BJP chu thlan a nih kha. Sawrkarna a siam phat atangin a awl lo tih theih khawpin social welfare scheme hrang hrang a chhawp chhuak ta ruih ruih a, ram hmasawn nan ram dang company liante chu India rama investment ti turin a sawm nghal a, kum khat zet sawrkarna a chan hnuin ram hrang hrang 20 chuangah a zin hman hial a ni. Chuti khawpa Prime Minister huhang ngah chu ram dang pawhin an tlawn lo thei ta bik lo, India ramah an rawn zin ve ta sup sup nghal mai a ni. Tun tumah hian sawrkarna a chan atanga social welfare leh ram hmasawnna tura scheme a launch lian zual deuh deuhte kan ziak...

ZORAM TODAY | November 17-30, 2015 ***ICU room pakhata damlo awm apiang kha zing dar 3 bawr velah an thi ziah a, doctor leh nurse ho chuan supernatural thil aniang tiin paranormal researcher ho ruaiin an chhui ta a. Dar 3 rik dawnah room an bihthla a, an thil hmuhchhuah chu – hospital sweeper kha room-ah a lo lut a, life support plug kha phawiin a mobile a charge. ***Khaw pakhatah pawh tlaitin hian tlangvalho chu Biak In kawnga tuikhurah hian zial pakhat hi an in-half kual diat diat thin a, a hmu apiangte’n, “An van inhmangaih tak em!” tiin zial an inpe kual diat diat thin chu an sawi duh em em a tling a, a hnua an han hre chiang chu ganja lek hi a lo nia! ***A lenna nula khan, “Awi! Tho kan ngah lutuk a, a ninawm!” a ti chhen a, chutah a inleng tlangval tawngkam tha duh lutuk chuan, “In tho a ni vek bik lo vang, in thenawmte tho te pawh a ni ang,” a lo ti vel. ***Vaipa pakhat pawhin Mizo nupuiah a nei a, fa an han nei a, a fa lawm ve dan chu – electric bulb bulah a p...

ZORAM TODAY | November 17-30, 2015 Aries (March 21 – April 20) Hun rei tak chhas nei lova i single reng hnuah chhas thar a lo lang dawn. Duhthlan theih turin pahnih aia tam an lo lang dawn a, fimkhur taka thutlukna i siam a ngai ang. I hma lam hunah thil hlimawm takin a hmuak dawn che a, vir pilh chuang suh. Taurus (April 21 – May 21) Thianho chawi eikhawm a hnai a, tun hmaa i zirlaipui hluite nen in intawng nawlh dawn niin a lang. A ruka nangmah ngaihventu che an awm a, i mit leh hnar i len deuh a tul ang. Hun tha zawk a inher chhuak dawn a, chumi tur chuan i inbuatsaih a ngai.  Gemini (May 22 – June 21) Thlarau lama hlim tharna i neih kha, i hma hunah thlemtu a lo lang dawn. Chumi do hneh theih tura i intuaihriam a tul ang. Tuna i chhas kha i tan a tha tawk niin a lang a, heltu leh bemtu tam tak kalsana nangmah beltu che a ni a, dimdawiin duat thiam viau rawh. Cancer (June 22 – July 22) Zirlai tan exam i neih hnaivaiah duh anga i che tha lo a nih pawhi...